Awa niwo wana wa Mzuri Daudi awo werevaloghe Hebroni: Wa imbiri ni Amnoni, uo mae orewangwagha Ahinoamu kufuma Jezreeli; wa kawi ni Danieli, uo mae orewaghwagha Abigaili kufuma Karmeli;
ukawuya Jezreeli kuonesha vonda orevipatireghe Rama ukilwa na Hazaeli mzuri wa Siria. Ahazia mwana wa Jehoramu mzuri wa Juda ukasea Jezreeli kumzighana Joramu mwana wa Ahabu angu orekoghe mkongo.
Hanuni na waisanga wa Zanoa wereaghieghe Mbenge ya Vololo; wikaiagha na kuingira minyango na vuma varo verugha. Wikaboisa wurigha meta maghana ana na mirongo ina hata kuvika Mbenge ya Wuchafu.
Nawo wikatumbulia, “Isanga ja mighondinyi ndejidikatagha, na Wakanaani wikaiagha kirindinyi weko na magare gha chuma, awo wose wikaiagha Beth-sheani na mizi iko mbai mbai, na awo wikaiagha vololonyi ya Jezreeli.”
