JOSHUA 15:11 - Biblia Ilagho Jiboie Kwa Wandu Wose

¹¹ Ugho mpaka ghukaida na kujoka cha mghondinyi kaskazinyi ya Ekroni, ghukaghaluka kulangaya cha Shikeroni kuida Mghondi ghwa Baala hata kuvika Jabneeli; ghukatuia Bahari ya Mediterania,

JOSHUA 15:11 ပူးပေါင်းရင်းမြစ်များ

2 WAZURI 1:16

ukamzera, “BWANA waghamba huwu, ‘Kwa kukaia kwadumie wandu kukotia malagho kwa Baalzebubu, ugho mlungu ghwa Ekroni, sa kwamba Mlungu ndeko Israeli, kwa wundu ugho, ndekuchaaboa, ela kwa loli kuchafwa.’”

2 WAZURI 1:6

Wikamzera, “Daakwana na mndumu ukadizera diwuye kwako dikuzere, BWANA waghamba, ‘Welee, huwo Mlungu oosoweka Israeli kwendaakotia malagho kwa Baalzebubu mlungu ghwa Ekroni? Kwa huwo ndekuchaaghusea ugho wuli kughulalie, ela kuchafwa.’”

2 MALAGHO GHA NGELO 26:6

Ukafuma, ukabonya wuda na Wafilisti, ukavuchua wurigha ghwa Gathi, na wurigha ghwa Jabne, na wurigha ghwa Ashdodi na andu kuzima aghadi ya Wafilisti.

MITALO 34:6

“Mwano ghonyu ghwa magharibi ghuchakaia Bahari ya Mediterania, na mbai-mbai yaro, ugho nigho mwano ghonyu ghwa magharibi.

JOSHUA 15:10

Ghukamara cha magharibi ya Baala kulangaya cha isanga ja mighondinyi ya Edomu, na kughenda cha kaskazinyi ya Mghondi ghwa Jearimu (nigho Kesaloni), ghukasea nokoisi cha Beth-shemeshi kuidiria Timna.

JOSHUA 15:12

nayo chiaimweri na pwani yaro, niyo iwurie mpaka ghwa magharibi. Wandu wa Juda wikakaia andenyi ya iyo mipaka kunughana na nyumba rawo.

JOSHUA 15:45

Korekoghe na Ekroni chiaimweri na mizi yaro mibaa na mitini,

JOSHUA 15:9

Kufuma aho, mpaka ghukaenda hata Ndoria ra Machi gha Neftoa, na kuida hata mizi iko kaavui na Mghondi ghwa Efroni, aho ghukaghaluka kulangaya Baala niyo Kiriath-jearimu.

WATANYI 1:18

Wokoni Juda ukawada Gaza, Ashkeloni, na Ekroni chiaimweri na mipaka yawo.

1 SAMUELI 17:52

Wandu wa Israeli na wa Juda wikawuka na kukema, wikawiwinga Wafilisti hata Gathi, na kuvika mbengenyi ya Ekroni. Wafilisti awo wereshoghonologhe wikaghwa a chienyi kufuma Shaaraimu hata Gathi na Ekroni.

1 SAMUELI 5:10

Niko wikaighenja iyo Sanduku ya Mlungu Ekroni. Ela iji Sanduku ya Mlungu ereredeloghe Ekroni, wandu wa Ekroni wikakema wikighamba, “Wareda iyo Sanduku ya Mlungu wa Israeli wipate kudibwagha isi diwose.”

1 SAMUELI 5:8

Nao wikawidumia wabaa wose wa Wafilisti, wikakwana chiaimweri wikaghamba, “Dibonya wada na Sanduku ya Mlungu wa Israeli?” Wikatumbulia, “Iyo Sanduku ya Mlungu wa Israeli ndeighenjo Gathi.” Niko wikaireda iyo Sanduku ya Mlungu wa Israeli aho.

1 SAMUELI 7:14

Mizi yose ya Waisraeli erewusiroghe ni Wafilisti ikawunjwa kwa Waisraeli, kufuma Ekroni hata Gathi; Waisraeli wikawunja isanga jawo kufuma kwa Wafilisti. Korekoghe na sere aghadi ya Waisraeli na Waamori.