JOSHUA 14:12 - Biblia Ilagho Jiboie Kwa Wandu Wose

¹² Idana nineke iji isanga ja mighondinyi sa iji koni BWANA orenilaghirieghe jija ituku; angu kwasikire seji Waanaki werekoghe aho na mizi ya ngome rawo wiaghie mbaa; yadimika BWANA ukaie andwamweri nani, eri niwisime na kuwiwinga sa iji koni BWANA orelaghirieghe.”

JOSHUA 14:12 ပူးပေါင်းရင်းမြစ်များ

2 WAZURI 19:4

Kewada BWANA Mlungu wako wasikira agho malagho ghose ghaghorwa ni m'baa wa majeshi gha Ashuru, uo wadumwa ni mzuri wa Ashuru kumsholia Mlungu uko moyo, nao ughikemie agho malagho; kwa huwo lomba Mlungu kwa wundu ghwa agho masighariko gha wandu wedu.”

2 MALAGHO GHA NGELO 14:11

Asa ukamlilia BWANA Mlungu wake, “Ee BWANA, ndekuwadie ungi udimagha kutesia aghadi ya awo wiwadie ndighi na wanyonge sa oho. Ditesie ee BWANA Mlungu odu, angu daawuyakusaghika na oho, na kwa irina jako, dacha kulwa na iji izungu ja wandu. Ee BWANA, oho ko Mlungu odu, kusesighe mndungi ukusime.”

ZABURI 44:3

Weke aba ndewerewadieghe isanga kwa lufu lwawo loni, hata ndeweresimieghe kwa ndighi rawo; ela ni kwa ndighi rako, na kudima kwako, kukiwonyera angu kokwanye nawo, angu korewikundieghe.

ZABURI 60:12

Dikakanya na Mlungu dichasima; uo uchawiwadia-wadia wamaiza wedu.

MITALO 13:28

Elaima, waisanga ni wandu wiko na ndighi, na mizi ni ya ngome, nayo ni mibaa nandighi, na isekate, dawiwonie wandu wa kivalwa cha Anaki aho.

MITALO 13:33

Aho dawiwonie Wanefilimu (Wana wa Anaki, kivalwa cha Wanefilimu) nesi dikaakuwona diweni sa weke mwapazi; nawo niko koni werediwonieghe.”

MITALO 21:34

BWANA ukamzera Musa, “Kusakemuobua; angu nameria kukuneka wusimi aighu yake na wandu wake na isanga jake jose; na oho kucham'bonya seji koni korem'bonyereghe Sihoni mzuri wa Waamori uo orekoghe Heshboni.”

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

WUKUMBUSO 1:28

Dijoka cha hao? Wanidu wadibwagha ngolo wikighamba, awo wandu ni wabaa, sena ni walacha kudichumba, mizi nayo ni mibaa iko na ngome riaghilo na kuvika mawingunyi; sena dawiwonie Waanaki aho.’

WUKUMBUSO 9:1

“Sikirenyi inyo wandu wa Israeli, mcharuwuka Jordani idime, mngie na kuwusa mizi ya iro mbari riko mbaa, sena riwadie ndighi kumchumba. Mizi yawo ni mibaa, iko na mawurigha ghivikagha hata mawingunyi.

WUKUMBUSO 9:3

Ela idana mchawona mmbeni kukaia BWANA Mlungu onyu uchaghenda imbiri konyu sa modo ghulunguragha; uchawikaba na kuwitotesha imbiri konyu, nenyo mchawiwinga noko na kuwitotesha shwa-shwa sa iji koni BWANA Mlungu umlaghirie.

WAFILIPI 4:13

Nadima kubonya maza rose kwa uo unidimishagha.

WAEBRANIA 11:33

wandu awo kwa irumirio, weresimieghe mawuzuri, wikawika hachi, wikapata malaghiro, wikafunga memu ya shimba,

JOSHUA 15:14

Kalebu ukawiwinga wandu wa kivalwa cha Waanaki wifume ugho muzi, nawo ni kichuku cha Sheshai, Ahimani, na Talmai.

WATANYI 1:20

Kalebu ukanekwa Hebroni sa iji koni Musa orelaghirieghe, nao moni ukawiwinga awo wana wadadu wa Anaki.

1 SAMUELI 14:6

Nao Jonathani ukamzera uja mdawana oremdukiagha maswagha, “Nndoko diruwuke ija chia cha ngomenyi ya awa wandu wiseshamishiro, kewada BWANA wadima kuditesia; kwa kukaia ndekuwadie ilagho jingi jidimagha kumghiria BWANA usekire kwa kutumia wandu wengi angu watini.”