JOSHUA 13:16 - Biblia Ilagho Jiboie Kwa Wandu Wose

¹⁶ Najo ni kufuma Aroeri jiko mpakenyi ghwa Vololo ya Arnoni na ugho muzi ghuko ghadi na ghadi ya iyo vololo, na wurindi ghose ghwa Medeba,

JOSHUA 13:16 ပူးပေါင်းရင်းမြစ်များ

2 SAMUELI 24:5

Wikaruwuka Jordani, wikazoya kutala aja Aroeri, na kufuma ghuja muzi ghuko ghadi na ghadi ya vololo kulangaya Gadi, na kughenda hata Jazeri.

1 MALAGHO GHA NGELO 19:7

Wikakodesha magare elfu mirongo idadu na awi chiaimweri na masikari gha mzuri wa Maaka. Wikacha na kubonya kambi imbiri ya Medeba. Wokoni Waamori wikafuma mizinyi kwawo wikakukwanya kwa wuda.

ISAYA 15:4

Wandu wa Heshboni na Eleale, wialila, chwaka rawo rasikirika hata Jahazi. Kwa huwo masikari gha Moabu wiakema wikilila, wandu wose wa isanga wiasughusika.

MITALO 21:26

Muzi ghwa Heshboni ghorekoghe ghwa Sihoni mzuri wa Waamori; nao orekoghe walwa na mzuri wa Wamoabu uo orekoghe ukikaia aho imbiri, ukamsoka isanga jake hata kuvikia Arnoni.

WUKUMBUSO 3:12

“Ngelo iyo, diendawada ijo isanga, nerewinekieghe kichuku cha Reubeni na cha Gadi isanga noko cha kaskazinyi; kufuma Aroeri na vololo ya Arnoni, na nusu ya Gileadi; ijo isanga ja mghondinyi chiaimweri na mizi yaro.

JOSHUA 12:2

Umu orekoghe Sihoni mzuri wa Waamori, uo orekoghe ukikaia Heshboni, na kubonya nguma kufuma Aroeri iko mpakenyi ghwa vololo ya Arnoni, na kufuma ghadi na ghadi ya vololo hata Moda ghwa Jaboki, mpakenyi ghwa Waamoni; iyo niyo nusu ya Gileadi.

JOSHUA 13:15

Musa orewinekieghe wandu wa mbari ya Reubeni iwaghio ja isanga jimu jikaie ifwa jawo kunughana na nyumba rawo.

JOSHUA 13:17

chiaimweri na Heshboni na mizi yake yose iko kirindinyi: Diboni, Bamothi-baali, Beth-baalmeoni,

JOSHUA 13:9

Isanga jawo jerekoghe kufuma Aroeri iko mpakenyi ghwa Vololo ya Arnoni na muzi ghuko ghadi na ghadi ya iyo vololo, na wurindi ghose kufuma Medeba hata Diboni.

JOSHUA 14:3

Musa orekoghe wafunya isanga ja mashariki ya Jordani jikaie ifwa kwa vichuku viwi na nusu, ela Walawi nderewinekieghe ifwa jingi anduangi.

JOSHUA 18:7

Ela Walawi ndewichaapata ifwa ja isanga andwamweri nenyo anduangi, kwa kukaia ifwa jawo jichakaia andenyi ya wudumiki ghwa wukohani ghwa BWANA. Sena kichuku cha Gadi, Reubeni, na nusu ya kichuku cha Manase wikaiagha cha mashariki, wamerie kupata ifwa jawo cha mashariki kimonu cha Jordani, ijo Musa mdumiki wa BWANA orewinekieghe.”

WATANYI 11:26

Israeli wakaie Heshboni na Aroeri chiaimweri na mizi yaro mitini, na mizi yose iko mbai mbai ya moda ghwa Arnoni kwa miaka maghana adadu; kwaki ngelo iyo msereiwusireghe iyo mizi?

1 SAMUELI 30:28

na wa Aroeri, na wa Sifmothi, na wa Eshtemoa;