JOSHUA 12:5 - Biblia Ilagho Jiboie Kwa Wandu Wose

⁵ Wokoni ukabonya nguma Mghondi ghwa Hermoni, Saleka na Bashani yose hata mpakenyi ghwa Geshuri na Maaka chiaimweri na nusu ya Gileadi hata mpakenyi ghwa isanga ja mzuri Sihoni wa Heshboni.

JOSHUA 12:5 ပူးပေါင်းရင်းမြစ်များ

2 SAMUELI 13:37

Ela Absalomu ukakimbia na kughenda kwa Talmai mwana wa Amihudi mzuri wa Geshuri. Daudi ukamlilia mwana wake Amnoni kwa matuku mengi.

2 SAMUELI 15:8

Kwa kukaia ini mdumiki wako nerebonyereghe ighemi iji nerekoghe ngikaia Geshuri aja Aramu, ngighamba, ‘BWANA ukaniwunja Jerusalemu, nichamtasa.’”

2 SAMUELI 23:34

Elifeleti mwana wa Ahasbai ufumie Maaka, Eliamu mwana wa Ahithofeli ufumie Gilo;

2 SAMUELI 3:3

mwana wake wa kawi, ni Kileabu orevaloghe ni Abigaili mka mkiwa wa Nabali wa muzi ghwa Karmeli; na wa kadadu ni Absalomu; mae orewangwaghwa Maaka mwai wa Talmai mzuri wa Geshuri;

2 WAZURI 25:23

Nao iji wabaa wose wa majeshi gha Juda na wandu wawo, awo wiseredwaloghe wunyika cha Babuloni wasikira wei Gedalia wabonywa kukaia m'baa wa isanga ni mzuri wa Babuloni, wikacha kwa Gedalia aho Mispa chiaimweri na wandu wawo. Wandu awo ni Ishmaeli mwana wa Nethania, na Johanani mwana wa Karea, na Seraia mwana wa Tanhumethi, Mnetofa, na Jaazania mwana wa Mmaaka.

1 MALAGHO GHA NGELO 5:11

Wandu wa Gadi werekoghe wikikaia cha magharibi isanga ja Bashani kulangaya wandu wa Reubeni cha mashariki hata kuvikia Saleka.

JEREMIA 40:8

Wikamghendia Gedalia aho Mispa; nawo werekoghe Ishmaeli mwana wa Nethania, na Johanani mwana wa Karea, na Seraia mwana wa Tanhumethi, na wana wa Efai, Mnetofathi, na Jezania mwana wa Mmaaka; nawo werekoghe na wandu wawo.

WUKUMBUSO 3:14

Jairi, wa kichuku cha Manase, orewadieghe isanga jose ja Argobu najo nijo Bashani, hata kuvikia mwano na Wageshuri na Wamaaka; na mizi yaro mitini ukaiwanga Havoth-jairi kunughana na irina jake moni; nayo yawangwagha huwo hata linu.)

JOSHUA 11:3

Sena ukaduma malagho kwa Wakanaani chia rose ra Jordani, na kwa Waamori, Wahiti, Waperizi, na kwa Wajebusi andenyi ya isanga ja mighondinyi; wokoni na kwa Wahivi, awo werekoghe wikikaia kirimbenyi cha Mghondi ghwa Hermoni andenyi ya isanga ja Mispa.

JOSHUA 12:1

Awa niwo wazuri weresimiloghe ni wandu wa Israeli na kusokwa isanga jawo mashariki ya Jordani; kufuma Vololo ya Arnoni kujoka Vololo ya Jordani, hata cha kaskazinyi kuvikia Mghondi ghwa Hermoni.

JOSHUA 13:11

na Gileadi, na isanga ja Wageshuri na Wamaaka, na Mghondi ghwa Hermoni ghose, na Bashani yose hata Saleka;

1 SAMUELI 27:8

Ngelo iyo, Daudi na wandu wake wikawikaba wandu wa Geshuri, na Wagerezi na Waamaleki; wandu awo werekoghe wikikaia aho kala; kufuma Shuri hata isanga ja Misri.