JOSHUA 11:20 - Biblia Ilagho Jiboie Kwa Wandu Wose

²⁰ Angu ni BWANA moni orewikurishireghe ngolo wilo na Waisraeli, eri wipate kutoteshwa wose kuseko na wughoma ghungi sa iji koni BWANA oremlaghirieghe Musa.

JOSHUA 11:20 ပူးပေါင်းရင်းမြစ်များ

2 SAMUELI 17:14

Niko Absalomu na Waisraeli wose wikaghamba, “Mawoni gha Hushai, Muariki ghaboie kuchumba gha Ahithofeli.” Kwa kukaia BWANA orekoghe wabonya mpango ghobwagha mawoni gha Ahithofeli, eri upate kureda mawiwi aighu ya Absalomu.

1 WAZURI 12:15

Ugho ghodeeka ni mpango ghwa Mlungu, eri malagho oremghorieghe Jeroboamu mwana wa Nebati kwa momu ghwa mlodi Ahija Mshiloni ghipate kukatia; niko Rehoboamu useredimieghe kuinugha ija njama ya waghosi.

2 MALAGHO GHA NGELO 22:7

Ela ugho ghodeeka ni mpango ghwa Mlungu ghomtotesha Ahazia kwa chia eghendamzighana Joramu. Angu uendaghenda aho, orefumieghe na Joramu kuendammara Jehu mwana wa Nimshi, uo BWANA oremshingieghe mavuda upate kuitotesha nyumba ya Ahabu.

2 MALAGHO GHA NGELO 25:16

Ela usendeemeria kudeda, mzuri ukamzera, “Ni lii dikubonyere mnjama wa mzuri? Nyama kima! Kookunda kifwa?” Mlodi ukanyama kima nyuma ya kughora, “Namanya Mlungu oowona ukutoteshe, kwa kukaia kwabonya iji ilagho, sena kukalega njama yapo.”

KUFUMA 10:1

Niko BWANA ukamzera Musa, “Ghenda kwa Farao, kwa kukaia naikurisha ngolo yake, na ngolo ra wadumiki wake, eri nipate kubonya weke mwakilimbiti wapo aghadi kwawo,

KUFUMA 11:10

Musa na Haruni wikabonya agho mashiniko ghose imbiri ya Farao; ela BWANA ukaikurisha ngolo ya Farao, hata nderewisighieghe wandu wa Israeli wifume isangenyi kwake anduangi.

KUFUMA 14:17

Nicharikurisha ngolo ra Wamisri, wipate kuwinugha, nani nichapata kukaswa aghadi ya Farao na majeshi ghake ghose; magare ghake na wajoki farasi wake.

KUFUMA 14:4

Nani nichaikurisha ngolo ya Farao, nao uchamnugha. Na wusimi ghwapo aighu ya Farao na majeshi ghake ghuchaniredia wubaa; niko Wamisri wichamanya kukaia Ini ne BWANA.” Nao Waisraeli wikabonya sa iji koni wereghoreloghe.

KUFUMA 14:8

BWANA ukaikurisha ngolo ya Farao mzuri wa Misri, nao ukawinugha Waisraeli ngelo werekoghe wikighenda kwa wuing'oni.

KUFUMA 4:21

Nao BWANA ukamzera Musa, “Iji kwawuya Misri, kubonye awo weke mwakilimbiti wose nikunekie ndighi rewibonya imbiri ya Mzuri; ela nichaikurisha ngolo yake, nao ndechaawisigha awo wandu wighende.

KUFUMA 9:12

Ela BWANA ukaikurisha ngolo ya Farao, hata nderewisikireghe Musa na Haruni anduangi, sa iji koni BWANA oremghorieghe Musa.

KUFUMA 9:16

ela neekusigha moyo tu nipate kuwonyera ndighi rapo, eri irina japo jipate kughorwa ndoenyi kose.

ISAYA 14:24

BWANA Uwadie Ndighi Rose wabonya ighemi huwu, “Agho nighibonyere mpango ghichabonyeka, na makusudi ghapo ghichakatia.

ISAYA 34:2

BWANA wabonya machu aighu ya mbari rose ra wandu na aighu ya majeshi ghawo ghose; nao wawitanyire wipate kubwaghwa.

WAROMA 9:18

Niko huwu Mlungu wadamfuya wughoma uo ose seji ukundagha, na kumkurisha ngolo uo ose seji ukundagha.

WUKUMBUSO 2:30

“Ela Sihoni mzuri wa Heshboni, ukadileghia diseide kaavui na isanga jake, angu BWANA Mlungu onyu oreikurishireghe ngolo yake, ukang'eta; eri upate kudibonya dimsime seji iko idime.

WUKUMBUSO 7:16

Kutoteshe wandu wose BWANA Mlungu onyu uchaamsimia; msewiwonie wughoma ghungi, hata msetase milungu yawo; angu awo wichawuya mdegho konyu.

WATANYI 14:4

Ndee na mae ndeweremanyireghe kukaia ilagho ijo jedefuma kwa BWANA; angu BWANA odeeka kilola visababu kufuma kwa Wafilisti. Ngelo iyo Wafilisti wedeeka wikiwibonyera nguma Waisraeli.

1 SAMUELI 2:25

Mundu ukam'bonyera mdamu kaung'a uchadederelwa ni Mlungu, ela mundu ukam'bonyera Mlungu kaung'a, nani uchaamdederia?” Ela waja wana ndeweremsikireghe ndee kwa kukaia Mlungu odeeka na mpango ghowibwagha.