JOSHUA 10:40 - Biblia Ilagho Jiboie Kwa Wandu Wose

⁴⁰ Joshua ukakaba isanga jose na kusima. Ukawisima wazuri wa masanga gha mighondinyi, wurindi ghuko chia ya mashariki, na mighondi mitini chia ya magharibi, chiaimweri na masanga gha kireti chia ya kusinyi. Nderesighieghe mndungi ela ukabwagha kula mundu. Huwo niko koni BWANA Mlungu wa Israeli orelaghirieghe.

JOSHUA 10:40 ပူးပေါင်းရင်းမြစ်များ

1 WAZURI 15:29

Shwa wori nyuma ya kuwuya mzuri ukabwagha wandu wose wa kinyumba cha Jeroboamu. Ukawitotesha wose kuseko na kusigha ungi wawo uko moyo, kunughana na ilagho ja BWANA orejighorieghe kwa momu ghwa mdumiki wake mlodi Ahija Mshiloni.

NEHEMIA 9:24

Werejiwadieghe isanga ja Kanaani; kukawisima wandu werekaiagha andenyi yaro. Kukawineka wandu wako ndighi rewibonya Wakanaani na wazuri wawo seji wikunde.

ZABURI 9:17

Wawiwi; awo wandu wose wimliwagha Mlungu, wichaghenda Andu kwa Wafu.

KUFUMA 34:12

Kukulindie kumoni, kusebonye mapatano ghangi na wandu wa isanga kujighendiagha; wisechewuya mdegho konyu.

MITALO 13:17

Musa ukawiduma wiendejizighana isanga ja Kanaani, ukawizera, “Jokenyi mghende akimonu aja Negebu, sena mjoke isanga ja mighondinyi,

WUKUMBUSO 1:7

Funganyenyi mghende cha isanga ja mighondinyi ja Waamori, na wambao wose wiwimarie, hata vololo ya Jordani isanga ja mighondinyi, na ja wurindinyi, noko cha masanga gha kusinyi hata kireti cha Mediterania. Ghendenyi cha isanga ja Kanaani hata Mighondi ya Lebanoni hata kuvikia ghuja moda m'baa ghwa Eufrate.

WUKUMBUSO 2:34

Nesi dikaiwada mizi yake yose mibaa ngelo ija na kunona-nona kula muzi; womi, waka, na wanake; hata ndederesighieghe kindo chingi anduangi.

WUKUMBUSO 7:24

Uchabonya wazuri wawo muwisime, nenyo mchawibwagha na kuwimeria hata wiliwike isangenyi; mndungi ndechaadima kumtangala, hata mwameria kuwitotesha.

JOSHUA 10:35

Wikaghuwada ijo ituku jeni na kubwagha kula mundu sa iji koni werebonyereghe Lakishi.

JOSHUA 10:37

wikaghuwada na kum'bwagha mzuri chiaimweri na wose werekoghe aho, chiaimweri na mizi imu ya kaavui. Joshua ukaghunona ugho muzi putu sa iji koni orebonyereghe muzi ghwa Egloni. Ndeweresighieghe mndungi uko moyo aho.

JOSHUA 10:39

Wikaghuwada chiaimweri na mzuri waro, na mizi yose ya kaavui. Wikabwagha kula mundu orekoghe aho. Joshua ukam'bonya mzuri wa Debiri sa iji orebonyereghe kwa mzuri wa Hebroni na wa Libna.

JOSHUA 11:16

Kwa huwo Joshua ukawusa ijo isanga jose, isanga ja mighondinyi na ja kaskazinyi na kusinyi, isanga jose ja Gosheni na kireti charo cha kusinyi, na isanga ja mighondi ya Israeli, chiaimweri na Vololo ya Jordani.

JOSHUA 12:8

Isanga jerewaghiloghe ni ja mighondinyi, na nyika ya mighondi ya magharibi, na vololo ya Jordani na nyika yaro, na mishoromoto yaro iko cha mashariki, na isanga jaro jiomie ja kusinyi. Isanga ijo jerekoghe ja Wahiti, na Waamori, na Wakanaani, na Waperizi, na Wahivi, na Wajebusi.

JOSHUA 18:21

Mizi ya kichuku cha Benjamini kunughana na nyumba rawo niyo ihi, Jeriko, Beth-hogla, Emek-kesisi,

JOSHUA 6:17

Muzi na icho chose chiko andenyi yaro vichafunywa kwa BWANA vipate kunonwa, ela Rahabu jija ilaya jiekeri chiaimweri na awo wiko nyumbenyi kwake wichasigwa wikaie moyo; angu orewivisireghe waja washeki derewidumieghe.

JOSHUA 8:2

Kuchaghubonya muzi ghwa Ai na mzuri waro, sa iji koni koreghubonyereghe muzi ghwa Jeriko na mzuri waro. Vilambo viekeri, na mfugho, niro kusighagha kwa wundu ghonyu. Kughulalirie kupate kughuwada ugho muzi kwa chia ya nanyuma.”

JOSHUA 8:27

Ela wikawusa ng'ombe reni na vilambo vizima va ugho muzi sa iji koni Joshua orelaghiriloghe ni BWANA.

JOSHUA 9:24

Nawo wikamtumbulia Joshua, “Ni kwa kukaia isi wadumiki wako dasikire angu Mlungu onyu kwa loli oremlaghirieghe mdumiki wake Musa kukaia uchamneka isanga iji jose, na angu waisanga wose mchawitotesha; niko isi dikaobua na ndighi hata dikabonya iji ilagho kukira marangi ghedu.