JOSHUA 10:25 - Biblia Ilagho Jiboie Kwa Wandu Wose

²⁵ Joshua ukawizera awo wabaa wa majeshi, “Msakeobua hata msakeja wasi; mkaie na ndighi sena mkaie mang'oni. Huwu niko BWANA uchaawibonyera wamaiza wenyu wose awo mchaalwa nawo.”

JOSHUA 10:25 ပူးပေါင်းရင်းမြစ်များ

ZABURI 63:9

Ela wandu wawuyalola kunibwagha, wichasea kondonyi kwa wurumwengu ghwa wafu.

ZABURI 77:11

Nichakumbuka mabonyo ghako BWANA; hee, nichakumbuka mashiniko ghako gha kala.

WAROMA 8:37

Hata! Ela isi dapatire wusimi m'baa nandighi aighu ya iri maza rose kwa wutesia ghwake uo oredikundieghe.

2 WAKORINTHO 1:10

nao wadikirie na ndengwa ya kifwa, sena uchadikira; na isi daawuyamsuwiria, uo uchaachuria kudikira.

WAEFESO 6:10

Kutua, kaienyi nandighi andenyi ya Bwana, na kwa ndighi ra kudima kwake.

WUKUMBUSO 7:19

Kumbukenyi agho makongo gheobosha moreghiwonieghe na meso ghenyu, weke mwakilimbiti; na mashiniko; ndighi na wusimi m'baa BWANA Mlungu onyu oremfunyireghe nagho aho. Ni huwo koni uchaawibonya awo wandu muwiobuagha.

JOSHUA 1:6

Kukaie na ndighi na ngolo ya wuing'oni, angu ni oho kuchaawilongoza awa wandu hata wipate ifwa ja jija isanga nereghemieghe kwa weke ndee angu nichawineka.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

JOSHUA 10:8

BWANA ukamzera Joshua, “Kusakeobua, angu awo wose nawingira mkonunyi kwako, ndekuwadie mndungi uchaadima kukusima.”

1 SAMUELI 17:37

Daudi ukachuria kughora, “Uo Mlungu orenikirieghe na vikoto va shimba na kibarabara, uchanikira na uhu Mfilisti.” Nao Sauli ukamzera, “Ghenda; Mlungu ukaie chiaimweri na oho.”