JOSHUA 10:20 - Biblia Ilagho Jiboie Kwa Wandu Wose

²⁰ Nyuma ya Joshua na wandu wake kuwibwagha awo wandu wengi nandighi, na kuwimeria putu, na iji wandu wamu wafufunuka na kukimbiria ngome ra mzinyi,

JOSHUA 10:20 ပူးပေါင်းရင်းမြစ်များ

2 SAMUELI 20:6

Daudi ukamzera Abishai, “Kumanye Sheba mwana wa Bikri uchadiredia wasi kuchumba Absalomu. Idana wada wandu wapo kumnughe, usechengia andenyi ya ngome rimu ra muzi na kudilaghaya.”

1 WAZURI 20:21

Mzuri wa Israeli ukafuma; ukadwa wunyika farasi, na magare; ukabwagha Wasiria wengi nandighi.

2 MALAGHO GHA NGELO 13:17

Abija na wandu wake wikawibwagha wandu wa Israeli nandighi, wikafwa elfu maghana masanu.

JEREMIA 4:5

Ereshenyi malagho andenyi ya Juda na Jerusalemu mkeme, “Kabenyi tarumbeta isangenyi, Kemenyi kwa lwaka mghambe, ‘Kwanyikenyi dighende cha mizinyi ya ngome.’

JEREMIA 8:14

Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

WUKUMBUSO 20:16

“Ela mkawada mizi ya isanga ijeni BWANA Mlungu onyu wawuyamneka, moobwagha kula mundu; msesighe kindo chingi chimoo.

JOSHUA 10:10

BWANA ukawiredia Waamori kiture kibaa imbiri ya Waisraeli; na Waisraeli wikawibwagha wandu wengi nandighi aho Gibeoni na kuwiwinga cha mshoromoto ghwa Beth-horoni, wikawikaba hata wikavika Azeka na Makeda.

JOSHUA 10:19

ela inyo mmbeni msekaie aho, muwinughe wamaiza wenyu, muwikabe kwa chia ya na nyuma, msewisighe wikingia mizinyi kwawo; kwa kukaia BWANA, Mlungu onyu wawingira mikonunyi konyu.”

JOSHUA 10:21

wandu wose wa Israeli wikawuya banana kwa Joshua aja kambinyi ya Makeda; na mndungi nderedimieghe kughora ilagho jingi sena aighu ya wandu wa Israeli.

JOSHUA 11:12

Joshua ukawada iyo mizi yose, na kuwibwagha wazuri waro. Ukawitotesha wose sa iji koni Musa mdumiki wa Mlungu orelaghirieghe.

JOSHUA 11:8

BWANA ukawineka Waisraeli wusimi aighu yawo, wikawikaba na kuwiwinga hata kaskazinyi ya Misrefoth-maimu na cha Sidoni Mbaa na cha mashariki hata vololo ya Mispa; wikawikaba na kuwibwagha wose hata wisesighe ungi.

JOSHUA 8:24

Waisraeli wiendameria kuwibwagha wandu wose wa Ai werekoghe wikiwinugha cha kireti, wikawuya cha muzi ghwa Ai, na kubwagha kula mundu kwa lufu.