JOSHUA 1:17 - Biblia Ilagho Jiboie Kwa Wandu Wose

¹⁷ Dichakusikira sa iji koni deremsikireghe Musa; BWANA ndekaie na oho sa iji koni orekaighe na Musa.

JOSHUA 1:17 ပူးပေါင်းရင်းမြစ်များ

2 SAMUELI 14:17

Na ini mdumiki wako ngaghesha, ‘Ilagho ja bwana wapo mzuri jichanineka kuhora’; angu bwana wapo mzuri ooka sa malaika wa Mlungu udimagha kumanya malagho mecha na mawiwi. BWANA Mlungu wako ndekaie chiaimweri na oho.”

1 WAZURI 1:37

Sa iji koni BWANA orekaieghe na oho bwana wapo mzuri, ndeikaie woruwo kwa Solomoni; uchibonye kifumbi chake cha nguma chichumbe chako bwana wapo Mzuri Daudi.”

1 MALAGHO GHA NGELO 28:20

Niko Daudi ukamzera mwana wake Solomoni, “Kaia na ndighi na ngolo mbaa, kuibonye iyo kazi. Kusakeobua, hata kusekaie na kiture chingi, angu BWANA Mlungu, Uo Mlungu wapo oko andwamweri na oho. Ndechaalemwa angu kukusigha hata kazi yose ya wudumiki ghwa Hekalu yasia.

ZABURI 20:1

BWANA ndekutumbulie ituku ja wasi, Mlungu wa Jakobo ndekulindie.

ZABURI 20:4

Ndekuneke vose kukunde, na kuikatisha mipango yako yose.

ZABURI 20:9

Mneke mzuri wusimi ee BWANA, na iji dawanga, kuditumbulie.

MITALO 27:18

BWANA ukamzera Musa, “Wada Joshua mwana wa Nuni, mundu uko na roho ya wuing'oni, kummbikirie mikonu;

MITALO 27:20

Kumneke nguma aighu ya kazi imu yako eri izungu jose ja wandu wa Israeli wipate kumsikira.

MATHAYO 21:9

Wandu werekoghe kiimbiri chiaimweri na waja werenughieghe na nyuma wikaghora kwa lwaka lubaa: “Hosana kwa Mwana wa Daudi, Warasimiwa uo uchagha kwa irina ja Bwana; Hosana aighu na ndighi.”

WUKUMBUSO 34:9

Joshua mwana wa Nuni ukachulwa ni hikima, angu Musa orekoghe wammbika uwade wulalo ghwake; kwa wundu ugho wandu wa Israeli wikamsikira, nao ukabonya seji BWANA oremlaghirieghe Musa.

JOSHUA 1:16

Nao wikamtumbulia Joshua, “Agho ghose kwadilaghira dichaghibonya na andu uko kose kuchaadiduma dichaghenda.

JOSHUA 1:18

Uo ose uchaamenya malagho ghako, na kulegha kukusikira uchabwaghwa; oho kaia na ngolo sena kukaie ing'oni.”

JOSHUA 1:5

Ndekuwadie mndungi uchaakusima matuku ghose gha irangi jako. Sa iji koni nerekaieghe andwamweri na Musa, huwo koni nichakaia andwamweri na oho; sichaakupungukia hata sichaakusigha anduangi.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

JOSHUA 4:14

Ituku ijo, BWANA ukamjosa Joshua imbiri ya Waisraeli wose, wikamneka Joshua ishima matuku ghose gha irangi jake sa iji koni weremnekieghe ishima Musa.

1 SAMUELI 17:37

Daudi ukachuria kughora, “Uo Mlungu orenikirieghe na vikoto va shimba na kibarabara, uchanikira na uhu Mfilisti.” Nao Sauli ukamzera, “Ghenda; Mlungu ukaie chiaimweri na oho.”

1 SAMUELI 20:13

Nako ngawona kukaia nia yake ni ekubonya kiwiwi, Mlungu unibonye kiwiwi na kuchumba, ngakaia nisechee kukumanyisha, na kukubarisha eri kughende na sere. BWANA ukaie nakumoni sa iji koni orekaieghe na aba.