JONA 4:8 - Biblia Ilagho Jiboie Kwa Wandu Wose

⁸ Iji iruwa jabuka, Mlungu ukareda mbeo ya mruke ifumagha cha mashariki, na Jona ukakabwa ni iruwa ja chongo hata ukadumbuka; ukalomba ufo ukaghamba, “Ni baa nifo, kuchumba kukaia moyo.”

JONA 4:8 ပူးပေါင်းရင်းမြစ်များ

KUZOYA 41:6

Nyuma yaro vanga mfungade vikajoka, visuse sena vinonelo ni mbeo ya mashariki.

1 WAZURI 19:4

Ela uo ukaghenda charo cha ituku ilazi kireti. Ukasea kidombo aisi ya kiju cha mretemu, ukalomba kifwa kwa BWANA ukighamba, “Idana BWANA kazi yapo yakata; nalomba kujiinje irangi japo, kwa kukaia siboie kuwichumba weke aba anduangi.”

1 WAZURI 21:4

Ahabu ukaghenda nyumbenyi kwake wafwa ngolo, sena wazamilwa kwa wundu ghwa agho malagho wazerwa ni Nabothi Mjezreeli, wei ndemnekagha mbuwa ya ifwa ja weke ndee. Ahabu ukalala wulinyi ukalangaya noko, hata nderejieghe vindo anduangi.

AYUBU 2:10

Ela Ayubu ukamzera, “Kwaawuyadeda sa muka mkelu. Welee, dadapatagha mecha kufuma kwa Mlungu disepatagha mawiwi?” Kwa agho ghose, Ayubu nderebonyereghe kaung'a kwa Mlungu anduangi.

AYUBU 7:15

Aho niawona ni nicha nikunyore nifo kuchumba kukaia na ughu mumbi.

ZABURI 121:6

Iruwa ndejichaakukaba nadime, hata mori ndeghuchaakukaba nakio anduangi.

ZABURI 39:9

Nichanyama kima nisedede, angu ni oho kubonyere agho.

MCHILI 7:9

Kukajokwa ni machu kukumazire; wakelu niwo wikaiagha na machu.

LUMBO 1:6

Msakenizighana kwa lumenyo angu niko wa chilu; neekabwa ni iruwa ngawuya wa chilu. Wanidu werenibonyereghe machu, wikaniwika nidumikeghe andenyi ya mbuwa ra mizabibu; ngalemwa ni kukulindia ini moni.

ISAYA 49:10

ndewichaawona njala hata kau, hata ndewichakabwa ni iruwa, angu kuwona mruke ghungi; angu uo uwiwoniagha wughoma, uchawilongoza na kuwighenja kwa ndoria ra machi.

EZEKIELI 19:12

Ela ugho mzabibu ghorekuloghe kwa machu mabaa, ghukakumbwa andoenyi; mbeo enona ya mashariki ikaghuomera, na matunda gharo ghikaghughuduka; lumbashu lwaro lubaa lukanyaya, lukakorwa.

HOSEA 13:15

hata ngera Israeli wawoneka kukaia nicha aghadi ya waruna, ela nichawetesha mbeo ya mruke ghwa mashariki ifumagha cha kireti, nayo ichaomera ndoria rake ra machi na viriwa. Iyo mbeo ichakaba na kughusha stoo ra mali rake na ra vilambo vake va zoghori mbaa.

WALAWI 10:3

Nao Musa ukamzera Haruni, “Huwu niko BWANA oreghoragha, ‘Nichakuwonyera ini moni kukaia mweli kwa kula mundu unisoghoderagha, nani nichanekwa wubaa imbiri ya wandu wose.’” Haruni ukanyama kima chake.

JONA 1:17

BWANA ukawika samaki mbaa immile Jona; na Jona ukakaia andenyi ya kifu cha samaki matuku adadu kio na dime.

JONA 1:4

Ela BWANA ukawetesha mbeo mbaa baharinyi, kukakaia na kiremba kibaa, hata meli ikadaamba na kuchika.

JONA 4:3

Kwa huwo idana nakulomba ee BWANA kuniinjire irangi japo angu ni baa nifo, kuchumba kukaia moyo.”

JONA 4:9

Ela Mlungu ukamzera Jona, “Huwo koko na hachi ebonya machu kwa wundu ghwa mmbonu?” Nao ukaghamba, “Neko na hachi ebonya machu; machu ghikate kunibwagha.”

MATHAYO 20:12

wikighamba, ‘Awa wandu wa kutua wacha saa ikumi na imweri waabonya kazi saa imweri tu na oho kwawikatanisha nesi disindebonya kazi dii na mruke ghose ghwa dime!’

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.

WUFUNUO 7:16

Ndewichaazughwa hata kusikira kau ingi sena. Iruwa ndejichaawikaba, hata kusikira kukabwa ni mruke ghungi anduangi.

1 SAMUELI 3:18

Niko aho Samueli ukamghoria agho ghose oreghoreloghe ni BWANA, hata nderemvisireghe ilagho jingi anduangi. Nao Eli ukaghamba, “Uo ni BWANA, ndebonye sa iji koni wawona nicha moni.”