JONA 4:2 - Biblia Ilagho Jiboie Kwa Wandu Wose

² Ukamlomba BWANA ukaghamba, “Wona BWANA! Huwu siko koni nerekoghe ngighamba iji nerekoghe mzedu? Hata iyo niyo shekeria erenibonyereghe nikimbie cha Tarshishi. Neremanyireghe wori oho ko Mlungu wa mvono na wughoma, kusebonyagha machu shwa-shwa; koko na lukundo lubaa lukatie, kulekiagha mawiwi.

JONA 4:2 ပူးပေါင်းရင်းမြစ်များ

1 WAZURI 19:4

Ela uo ukaghenda charo cha ituku ilazi kireti. Ukasea kidombo aisi ya kiju cha mretemu, ukalomba kifwa kwa BWANA ukighamba, “Idana BWANA kazi yapo yakata; nalomba kujiinje irangi japo, kwa kukaia siboie kuwichumba weke aba anduangi.”

ZABURI 103:8

BWANA ni wa wughoma na wa mvono; ndejokwagha ni machu shwa-shwa, nao wachua lukundo lukatie.

ZABURI 145:8

BWANA ni wa mvono na wughoma; ndebonyagha machu shwa-shwa, nao wachua lukundo lukatie.

ZABURI 78:38

Ela uo kwa kukaia wa wughoma, orewifuyeghe wughoma kaung'a rawo hata nderewitoteshereghe anduangi. Oreghimazirieghe machu ghake mando mengi, eri ghisechewuka ghose.

ZABURI 86:15

Ela oho ee BWANA koko Mlungu wa wughoma na mvono; wa mboa kubonya machu na wa lukundo lukatie na wuloli.

ZABURI 86:5

Oho koko mucha kufuyagha wughoma ee BWANA; kwadua na lukundo lukatie kwa wose wikuwangiagha.

ZABURI 90:13

Kudibonyera machu hata lii ee BWANA? Ghaluka kudiwonie wughoma isi wadumiki wako.

KUFUMA 32:14

Nao BWANA ukaghalusa nia, ukaleka kuwiredia wandu wake agho mawiwi.

JEREMIA 18:8

nao iyo mbari ihee wuwiwi ghwake, nanimoni nichaghaluka nisighe kureda wuwiwi ugho nikoghe niiredie.

JEREMIA 20:7

Ee BWANA, kwanikalia nani ngakalikia; oho kwawadie ndighi kunichumba ini, na oho kwameria kusima. Nawuya kilambo chesekwa dime dii, kula umu waawuyaniseka.

JEREMIA 26:13

Kwa huwo idana boisenyi mighendo yenyu na mabonyo ghenyu, mumsikire BWANA Mlungu onyu; nao uchasigha kum'bonyera kiwiwi icho uchighorie aighu yenyu.

JEREMIA 42:10

‘Iji mwakaia andenyi ya iji isanga, niko nichammangisha hata sichaamvuchua anduangi. Nichammbika aeni hata sichaamuinja anduangi; kwa kukaia nawawa ni agho mawiwi nim'bonyere.

AMOSI 7:3

Nao BWANA ukaghalusa maghesho aighu ya ilagho ijo ukaghamba, “Ndejichaabonyeka kungi.”

AMOSI 7:6

Nao BWANA ukaghalusa maghesho aighu ya ilagho ijo ukaghamba, “Hata iji wori ndejichaabonyeka kungi.”

JONA 1:3

Ela Jona ukawuka ukimbie cha Tarshishi BWANA usemmbone. Ukasea Jopa ukakua meli aho ighendagha cha Tarshishi, ukalipa tikiti, ukangia ughendanye na wandu wa Tarshishi, upate kukaia kula na BWANA.

JONA 3:10

Mlungu ukawona seji wabonya, na seji waghaluka na kuchisigha kiwiwi chawo; niko ukaghalusa maghesho na kusigha icho kiwiwi orekundieghe kuwibonyera, ukakaia usechibonyere.

JONA 3:9

Nani umanyagha kewada Mlungu wadima kughalua maghesho uhoreshe machu ghake ghibirie eri disechetota?”

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

LUKA 10:29

Ela uo ukikunda kukuneka hachi ukamzera Jesu, “Mmbedu nani?”

WUKUMBUSO 4:31

Angu BWANA Mlungu wako ni Mlungu wa wughoma; ndechaakusigha hata kukutotesha angu kujiliwa ilaghano orejibonyereghe na weke ndeyo, ijo orejibonyereghe kwa ighemi.