JONA 3:6 - Biblia Ilagho Jiboie Kwa Wandu Wose

⁶ Mzuri wa Nineve uendasikira agho malagho ukainjika kifumbinyi chake cha nguma, ukarua nguwo yake, ukakurusha nguwo ya igunia na kusea kidombo aivunyi.

JONA 3:6 ပူးပေါင်းရင်းမြစ်များ

1 WAZURI 21:27

Ahabu uendasikira malagho agho, ukarashua nguwo rake na kurwa nguwo ra magunia; ukafunga tumu na kulala magunienyi ukikusera nandighi.

AYUBU 2:8

Ayubu ukawada luwigha lokusuwa, ukasea kidombo a ivunyi.

AYUBU 42:6

Nakumenya ini moni, na kuhea ngisea kidombo aterinyi na ivunyi.”

ISAYA 15:3

Warwa nguwo ra magunia na kuida achienyi wikilila kula umu wawo, na nyumbenyi na viwachenyi, wikidikwa ni mbori.

JEREMIA 13:18

BWANA ukanizera, “Ghoria mzuri, na mzuri-mae, wikusere kufuma vifumbinyi vawo va nguma; kwa kukaia virumbu vawo vighokie vamerie kupotoka kufuma vongonyi kwawo.

JEREMIA 36:13

Mikaia ukawighoria malagho usikire ghikishomwa ni Baruku wandu wose wikisikira.

JEREMIA 36:24

Sena mzuri chiaimweri na wadumiki wake awo werekoghe wikisikiria agho malagho, ndewereobueghe hata kurashua nguwo rawo anduangi.

JEREMIA 6:26

BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.

KILILO CHA JEREMIA 2:10

Waghosi wa Jerusalemu wasea kidombo kwawo, na kurwa nguro ra magunia kwa wasi. Wai waghoghomesha vongo vawo andonyi.

KILILO CHA JEREMIA 3:29

Ndedikusere dikufunye kwake, angu aho jeko isuwirio sena.

EZEKIELI 26:16

Aho niko wabaa wose wa pwani wichaasea kufuma vifumbinyi vawo va nguma, na kuinja marwao ghawo, na kurua nguwo rawo ritolelo. Nawo wichangilwa ni wowa, na kusea kidombo andonyi wikisughusika ngelo rose, na wikikushinikia oho.

DANIELI 9:3

Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

MIKA 1:10

Mseghorie wamaiza wedu wiko Gathi wei deesimwa; msesighe wiwone seji mwawuyalila. Wandu wa Beth-Leafra, wonyerenyi kufwa ngolo konyu kwa kukung'arisha andonyi.

MATHAYO 11:21

“Ni bugha kwako Korazini! Ni bugha kwako Bethsaida! Kwa kukaia weke mwakilimbiti werebonyeroghe kwako, ngera wedebonyerwa Tiro na Sidoni, kumangu wamerie kuhea koicho wikirwa nguwo ra magunia na kukudunga maivu.

LUKA 10:13

“Ni bugha kwako Korazini! Ni bugha kwako Bethsaida! Angu weke mwakilimbiti wibonyekie kwako, ngera wedebonyerwa Tiro na Sidoni, kumangu wamerie kuhea koicho, wikirwa nguwo ra magunia na kusea kidombo ivunyi.