JONA 3:5 - Biblia Ilagho Jiboie Kwa Wandu Wose

⁵ Wandu wa Nineve wikamrumiria Mlungu, wikaeresha malagho wandu wifunge tumu; wikarwa nguwo ra magunia kufuma m'baa wawo, hata mtini wawo.

JONA 3:5 ပူးပေါင်းရင်းမြစ်များ

2 WAZURI 19:1

Hezekia uendasikira agho malagho, ukarashua nguwo rake kwa wasi, ukarwa nguwo ra magunia na kughenda Hekalunyi kwa BWANA.

2 MALAGHO GHA NGELO 20:3

Niko Jehoshafati ukangilwa ni wowa, ukawoka kumlola BWANA; ukaeresha malagho wandu wifunge tumu andu kose isangenyi.

EZRA 8:21

Niko ngatangaza difunge tumu kaavui na Moda ghwa Ahava eri dipate kukusera imbiri ya Mlungu, na kumlomba udilongoze nicha chienyi na kudilindia isi na wana wedu na vilambo vedu vose.

ESTA 4:1

Nao iji Mordekai warimanya iro maza, ukarashua nguwo rake, ukarwa nguwo ya igunia na kukudunga ivu. Ukaida ghadi na ghadi ya muzi ukilila kwa lwaka na kuwawa kubaa.

KUFUMA 33:6

Kwa huwo, wandu wa Israeli weresighieghe putu kurwa mapambo gha zoghori, nyuma ya kufuma Mghondi ghwa Sinai.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

JEREMIA 36:9

Mwaka ghwa kasanu mori ghwa ikenda ghwa kubonya nguma kwake Jehoiakimu mwana wa Josia mzuri wa Juda, wandu wose wiko Jerusalemu, na wandu wose wichee Jerusalemu kufuma mizi ya Juda, wikaeresha kufunga tumu imbiri ya BWANA.

JEREMIA 42:1

Niko wabaa wose wa majeshi, na Johanani mwana wa Karea, na Azaria mwana wa Hoshaia, na wandu wose kufuma mtini hata m'baa wikasoghoda kaavui

JEREMIA 42:8

Niko ngammbanga Johanani mwana wa Karea na wabaa wose wa majeshi werekwanyeghe, na wandu wose kufuma mtini wawo hata m'baa wawo,

DANIELI 9:3

Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

JOELI 1:14

Ereshenyi kufunga tumu, mmbange ikwanyiko; Kwanyenyi vilongozi na wandu wose wa Juda, wiche Hekalunyi kwa BWANA Mlungu onyu, mumkemie uo.

JONA 3:7

Ukaeresha malagho muzi ghwa Nineve ghose ukighamba, “Mzuri na wandu wake wa ishima wafunya momu kughamba: Mndungi, angu nyamandu, ng'ombe angu ng'ondi isetoo kindo chingi; risakeja hata risakenywa machi.

MATHAYO 12:41

Wandu wa Nineve wichawuka aighu ya kivalwa ichi kutanyonyi, nawo wichachitanya kivalwa ichi kukaia chakosere, angu Wanineve wereherieghe kwa wundu ghwa machilo gha Jona; na aha jeko ilagho ibaa kuchumba Jona.

LUKA 11:32

Ituku ja Kutanywa wandu wa Nineve wichashuhudia kukaia wandu wa kivalwa ichi wakosere, angu awo wereghalukieghe na kuhea shwa-shwa nyuma ya kusikira machilo gha Jona, na aha oko umu m'baa kumchumba Jona.

MABONYO GHA WADUMI 27:25

Kwa huwo kaienyi na ngolo womi, angu narumiria kwa Mlungu, sa iji koni unighorie niko koni ichaakaia.

MABONYO GHA WADUMI 8:10

Wandu wose werekoghe wikimsikiria watini na wabaa wikighamba, “Mundu uhu ni rija ndighi ra Mlungu riwangwagha Mbaa.”

WAEBRANIA 11:1

Idana irumirio ni kukaia na wuloli ghwa maza rawuyasuwirilwa, ni kukaia na loli putu na maza risewonekie.

WAEBRANIA 11:7

Kwa irumirio, Nuhu uendawonyerwa ni Mlungu ndengwa ya maza richagha, risewonekie kande, ukasikira; nao ukaagha safina ewikira wandu wa nyumba yake. Kwa chia ihi, ukaghutanya wurumwengu, nao ukawuya mundu wa ifwa ja hachi ipatikagha kwa irumirio.

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”