JONA 3:10 - Biblia Ilagho Jiboie Kwa Wandu Wose

¹⁰ Mlungu ukawona seji wabonya, na seji waghaluka na kuchisigha kiwiwi chawo; niko ukaghalusa maghesho na kusigha icho kiwiwi orekundieghe kuwibonyera, ukakaia usechibonyere.

JONA 3:10 ပူးပေါင်းရင်းမြစ်များ

1 MALAGHO GHA NGELO 21:15

Mlungu ukaduma malaika Jerusalemu upate kughutotesha; ela iji wakaia kaavui kukutotesha, BWANA ukawona nao ukaghalua maghesho, ukamzera uo malaika ototesha, “Idana leka yakata.” Na uo malaika wa BWANA orekoghe kimusi kaavui na lwala lochania lwa Mjebusi, uwangwagha Arauna.

KUFUMA 32:14

Nao BWANA ukaghalusa nia, ukaleka kuwiredia wandu wake agho mawiwi.

MAKATANISHO 28:13

U mundu uvisagha makosa ghake ndepatagha mecha, ela uhu ughirumiriagha na kughisigha uchafuilwa wughoma ni Mlungu.

ISAYA 30:18

Kwa wundu ghwa agho, BWANA wakaia ukimmbeseria kumfuya wughoma putu, wakunde na ndighi kuwonyera wughoma ghwake aighu yenyu. Kwa kukaia BWANA ni Mlungu wa hachi; warasimilwa awo wose wimmbeseriagha na kusuwiria kwake.

JEREMIA 18:7

Ngelo iyo yose ngaghamba mbari ya wandu, angu wuzuri ghuinjike, ghuchikanyo na kunonwa,

JEREMIA 18:8

nao iyo mbari ihee wuwiwi ghwake, nanimoni nichaghaluka nisighe kureda wuwiwi ugho nikoghe niiredie.

JEREMIA 36:3

Kewada wandu wa Juda wichasikira agho mawiwi ghose nighambie nichawibonyera, na kewada wadima kughaluka kula umu wawo wihee, nani nipate kuwifuya wughoma wuwiwi ghwawo na kaung'a yawo.”

JEREMIA 42:10

‘Iji mwakaia andenyi ya iji isanga, niko nichammangisha hata sichaamvuchua anduangi. Nichammbika aeni hata sichaamuinja anduangi; kwa kukaia nawawa ni agho mawiwi nim'bonyere.

JOELI 2:13

Rashuonyi ngolo renyu nguwo mbai.” Wuyenyi kwa BWANA, Mlungu onyu. Uo wachua mvono na wughoma, wachua irumaghio, nao wadamaziria malaghiro ghake; wadafuya wughoma na kuleka kukaba.

AMOSI 7:3

Nao BWANA ukaghalusa maghesho aighu ya ilagho ijo ukaghamba, “Ndejichaabonyeka kungi.”

AMOSI 7:6

Nao BWANA ukaghalusa maghesho aighu ya ilagho ijo ukaghamba, “Hata iji wori ndejichaabonyeka kungi.”

JONA 4:11

Welee, na ini ndeinifwane niwado ni wughoma ghwa ugho muzi m'baa ghwa Nineve ghuko na wandu kuchumba elfu ighana na mirongo iwi wisemanyagha jebonya ni jiao na wokoni ghuko na ng'ombe nyingi?”

JONA 4:2

Ukamlomba BWANA ukaghamba, “Wona BWANA! Huwu siko koni nerekoghe ngighamba iji nerekoghe mzedu? Hata iyo niyo shekeria erenibonyereghe nikimbie cha Tarshishi. Neremanyireghe wori oho ko Mlungu wa mvono na wughoma, kusebonyagha machu shwa-shwa; koko na lukundo lubaa lukatie, kulekiagha mawiwi.

LUKA 11:32

Ituku ja Kutanywa wandu wa Nineve wichashuhudia kukaia wandu wa kivalwa ichi wakosere, angu awo wereghalukieghe na kuhea shwa-shwa nyuma ya kusikira machilo gha Jona, na aha oko umu m'baa kumchumba Jona.

LUKA 15:20

Nao ukawuka ukazoya kuwuya kwa ndee. Hata iji orekoghe kula koni, ndee ukammbona ukangilwa ni wughoma, ukamkimbiria na kumshishidia; ukamsusugha.