JONA 2:8 - Biblia Ilagho Jiboie Kwa Wandu Wose

⁸ Awandu witasagha milimu ya duu, wadasigha kukaia waloli kwako.

JONA 2:8 ပူးပေါင်းရင်းမြစ်များ

2 WAZURI 17:15

Weremenyereghe memu ya BWANA na ilaghano jake, ijo orejibonyereghe na weke ndee; ndeweretalieghe hata na mawonyero ghake. Wereinughieghe milimu ya tee wikakalikia, wikanugha tabia ra iro mbari ra wandu ireni BWANA orewikanieghe wisebonye sa awo.

ZABURI 142:4

Ngeduazighana ii chia, siwonagha mndungi onitesia, hata onilindia mndungi onitala ndeuko.

ZABURI 31:6

Oho kwadazamilwa ni wandu witasagha milimu ya duu, ela ini nadakurumiria oho.

ZABURI 69:14

Kunivuvuo nisemilo ni mazozo; kunikire na wamaiza wapo, kunikire na machi ghimilie.

JEREMIA 10:8

Wose wakaia wakelu wisena akili, wifundishwagha ni milimu ya midi!

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

MIKA 1:2

Sikirenyi agha inyo mbari rose ra wandu mkaiagha ndoenyi, sikirenyi; BWANA Mlungu uchashuhudia aighu yenyu. Sikirenyi! Waawuyadeda kufuma Hekalunyi yake ya mlungunyi.

1 SAMUELI 12:21

Mseghaluke mkinugha vilambo va duu visemnekagha fwaida ingi, hata visedimagha kumkira, kwa kukaia vilambo ivo vose ni wuduu.