JONA 1:5 - Biblia Ilagho Jiboie Kwa Wandu Wose

⁵ Niko wadumiki wa melinyi wikaobua na kula mundu ukamlilia mlungu wake; wikashoa vilambo verekoghe melinyi na kuvikumba baharinyi, eri meli ipate kuangua kwa wundu ghwawo. Ela Jona orekoghe wasea kondonyi melinyi, ukalala na kuwadwa ni dilo nyingi.

JONA 1:5 ပူးပေါင်းရင်းမြစ်များ

1 WAZURI 18:26

Nao wikawada ija njau werenekeloghe, wikaiboisa; wikamlomba Baali hata dime ghadi wikighamba, “Ee Baali, kuditumbulie.” Ela ndekorekoghe na lwaka, hata mndungi nderetumbulieghe anduangi. Wikaramarama mbai mbai ya iyo madhabahu wereibonyereghe.

AYUBU 2:4

Niko Shetani ukamtumbulia BWANA, “Mrongo kwa mrongo. Mundu wadima kufunya icho chose uko nacho kwa wundu ghwa irangi jake.

ZABURI 107:25

Orefunyireghe momu, mbeo ya kiremba ikazoya kuweta; ikawusira mivo-mivo ya bahari.

ZABURI 148:8

Luhehia na vua ya magho, theluji na ikungughu, na mbeo ya kiremba ikatishagha malaghiro ghake.

MCHILI 3:6

ngelo elola na ngelo elaghasha; ngelo ewika na ngelo edagha;

ISAYA 45:20

BWANA waghamba, “Kwanyikenyi munisoghodere kaavui, inyo masighariko gha iro mbari ra wandu; awo widukagha iyo milimu yawo ya midi, na kulomba milimu isedimagha kukira, ndewiwadie kumanya kungi.

JEREMIA 2:28

Da milungu yako iyo korekubonyereghe kumoni iao? Ndeiwukecho ikakaia idimagha kukukira ngelo ya wasi ghwako? Kwa kukaia eko mingi andenyi ya mizi yako ee Juda.

HOSEA 7:14

Ndewiwuenilomba kwa loli putu, ela waawuyakukumba andonyi sa wandu wisemuichi Mlungu. Wikakalomba viro na divei wiabonya sa wandu wa iro mbari. Ni wandu winileghie putu!

JONA 1:14

Kwa huwo wikamlilia BWANA wikaghamba, “Dakuvoya ee BWANA kusakeditalia ikosa kwa wundu ghwa kum'bwagha mundu usene ikosa, angu niko koni kwawona ikaie huwo ee BWANA.”

JONA 1:16

Nao wandu wikamuobua BWANA nandighi, wikamfunyira kizongona na kum'bonyera ighemi.

JONA 1:6

Kilongozi wa meli ukamkua, ukamzera, “Wele oho koko wa wada kulalagha? Wuka kumlombe mlungu wako! Kewada wadima kuwadwa ni wughoma ghodu uditesie disechetota.”

MATHAYO 25:5

Nao iji bwana arusi wamuka, wose wikadungumia, wikalala.

MATHAYO 26:43

Ukawichea sena ukawikua walala, angu meso ghawo gherekoghe ghalemerwa ni dilo.

MATHAYO 26:45

Niko ukawichea waja wanughi ukawizera, “Mduagha mkilala na kukuhoresha? Olenyi ngelo yameria kuvika, na Mwana wa Mdamu uafunywa kwa wandu wa kaung'a.

MABONYO GHA WADUMI 27:38

Wiendaghuda, wikaiangusha meli kwa kukumba ngano baharinyi.

WATANYI 16:19

Nao Delila ukam'bonya Samsoni ulale barenyi kwake hata ukawadwa ni dilo; ukawanga mndumu ukaara ghaja mafungu mfungade gha iridia jake. Niko ukazoya kumtirira, na rija ndighi rake rikamfuma.

1 SAMUELI 24:3

Ukacha ukakua maranu gha ng'ondi chienyi andu korekoghe na mbanga, Sauli ukangia ukutesie. Daudi na wandu wake werekoghe wangia kondenyi ya iyo mbanga, na kusea kidombo.