JONA 1:3 - Biblia Ilagho Jiboie Kwa Wandu Wose

³ Ela Jona ukawuka ukimbie cha Tarshishi BWANA usemmbone. Ukasea Jopa ukakua meli aho ighendagha cha Tarshishi, ukalipa tikiti, ukangia ughendanye na wandu wa Tarshishi, upate kukaia kula na BWANA.

JONA 1:3 ပူးပေါင်းရင်းမြစ်များ

KUZOYA 3:8

Nao luma lwa kenyi wikasikira Mlungu ukisela andenyi mbuwenyi, uo mundu na mkake wikakuvisa andenyi midinyi, wisakewonwa ni Mlungu.

KUZOYA 4:16

Niko Kaini ukafuma imbiri ya BWANA, ukakaia isanga ja Nodi, mashariki ya Edeni.

1 WAZURI 19:3

Elija ukaobua, ukakimbia kujikira irangi jake; ukaghendanya na mdumiki wake hata Beer-sheba aho Juda ukamsigha aho.

1 WAZURI 19:9

Ukavika mbangenyi, ukalala aho. BWANA ukamzera, “Niki kubonyagha aha Elija?”

2 MALAGHO GHA NGELO 2:15

Kwa huwo idana bwana didumie isi wadumiki wako iyo ngano na shairi, na mavuda na divei kughorie,

2 MALAGHO GHA NGELO 2:16

nesi dichadema midi iyo yose kukunde kufuma Lebanoni, diifunge chiaimweri, na kukuredia kwa chia ya bahari hata Jopa, eri kupate kuighenja Jerusalemu.”

2 MALAGHO GHA NGELO 9:21

Angu meli ra mzuri rerekoghe rikighenda Tarshishi na wadumiki wa Huramu; na indo jimweri kwa miaka idadu rerewurieghe rikidwa dhahabu, feza, mbembe ra chovu, fuwe na weke teusi.

EZRA 3:7

Nao wandu wikafunya pesa kwa wundu ghwa mafundi gheagha magho na gheagha mbau; wikawighenjera wandu wa Sidoni na Tiro vindo na vinywaji na mavuda wiwiredie midi ya mierezi kufuma Lebanoni kwa bahari hata Jopa, kunughana na seji wererumiriloghe ni Koreshi mzuri wa Pashia.

AYUBU 1:12

BWANA ukamzera Shetani, “Kwadima kubonya ilagho kwa vilambo vose uko navo, ela uo moni kusem'bonye ilagho jingi.” Nao Shetani ukamsigha BWANA.

AYUBU 2:7

Nao Shetani ukafuma imbiri ya BWANA, ukaghenda ukam'busa Ayubu vonda vizamie mumbi ghose.

ZABURI 107:23

Wamu wadambie na meli baharinyi, wikibonya biashara aighu ya machi mengi.

ISAYA 2:16

Uchainja meli rose ra Tarshishi, na vilambo vose viboisiro vighokie.

ISAYA 23:1

Agha ni malagho aighu ya Tiro. Lilenyi inyo mabaharia wa Tarshishi, kwa kukaia muzi ghonyu ghwa Tiro ghwanonwa, hata ndekuwadie nyumba ingi angu bandari, rose ranonwa putu. Mchasikira maza iri kufuma Kupro.

ISAYA 23:10

Limenyi isanga jenyu inyo wandu wa Tarshishi seji wandu wa Naili wilimagha; kwa kukaia ndekuwadie mndungi omlindia sena anduangi.

ISAYA 23:6

Lilenyi, inyo wandu wa masanga gha pwani! Kimbienyi cha Tarshishi.

ISAYA 60:9

Ni meli ra Tarshishi richagha kufuma kula cha masanga ghwa pwani; rawuyareda wana wako wa womi, chiaimweri na feza na dhahabu rawo; kujineka ishima irina ja BWANA Mlungu wako, na Mlungu uo Mweli wa Israeli; kwa kukaia wamerie kukuneka wubaa.

JEREMIA 10:9

Feza ichanilo yaredelo kufuma Tarshishi, na dhahabu kufuma Ufazi. Iro ni kazi ra mundu wa wuya, richanilo ni mchani dhahabu, marwao ghawo ni gha ngundu-ngundu, na gha zambarau; iro rose ni kazi ra wandu wa wuya.

EZEKIELI 2:8

“Ela oho mwana wa mdamu, sikira agho nikughoriagha; kuseleghe sa awa wandu wileghagha, tambarua momu ghwako, kuje ichi nikunekagha.”

EZEKIELI 27:12

“Korebonyereghe biashara na Spania, angu korekoghe na mali nyingi ra kula kichuku; wikafunya feza, chuma, ibamba, na risasi kuzoghorana na vilambo vako.

EZEKIELI 3:14

Roho wa Mlungu ukaniwusira na kunidwa noko, ngaghenda naturukia na kusumbuka rohonyi kwapo, ngisikira wulemeri ghwa ndighi ra BWANA.

JONA 1:10

Jona ukachuria kuwighoria kukaia odeeka ukimkimbia BWANA. Wadumiki wa melinyi wikaobua nandighi wikamzera, “Ni ilaghoki iji kwabonya?”

JONA 4:2

Ukamlomba BWANA ukaghamba, “Wona BWANA! Huwu siko koni nerekoghe ngighamba iji nerekoghe mzedu? Hata iyo niyo shekeria erenibonyereghe nikimbie cha Tarshishi. Neremanyireghe wori oho ko Mlungu wa mvono na wughoma, kusebonyagha machu shwa-shwa; koko na lukundo lubaa lukatie, kulekiagha mawiwi.

LUKA 9:62

Jesu ukamzera, “Ndekuwadie mndungi ukazoya kulima na ighembe ja ng'ombe, sena uzighaneghe na nyuma, ufwanagha kwa Wuzuri ghwa Mlungu anduangi.”

MABONYO GHA WADUMI 15:38

Ela Paulo nderewonieghe nicha kumdwa mundu orewisighieghe Pamfulia ukalegha kughendanya nawo kazinyi.

MABONYO GHA WADUMI 26:19

“Kwa wundu ugho ee Mzuri Agripa, sereleghieghe kughisikira agho mawono gha mlungunyi anduangi;

MABONYO GHA WADUMI 9:36

Na aja Jopa korekoghe na mnughi umu uwangwagha Tabitha, kigriki ni Dorkasi (kutambua kwaro ni shaa.) Muka uhu orekoghe na mabonyo mecha na kufunya makuwio.

MABONYO GHA WADUMI 9:38

Na angu Luda korekoghe kaavui na Jopa, wanughi wikasikira angu Petro oko aho, nawo wikaduma wandu wawi kumzera, “Dakuvoya kudichee shwa-shwa.”

MABONYO GHA WADUMI 9:42

Ilagho ijo jikamanyika isanga jose ja Jopa, na wengi wikamrumiria Bwana.

MABONYO GHA WADUMI 9:43

Petro ukakaia Jopa kwa matuku malazi andwamweri na mndumu ubonyagha kazi engira mirongo rangi, uwangwagha Simoni.

1 WAKORINTHO 9:16

Angu ngera najichila Ilagho Jiboie, ijo ndejininekagha hachi ekukasa; angu nawikilwa suti ejichila. Ni bugha kwapo ngakaia nisejichilagha Ilagho Jiboie.

2 WATHESALONIKE 1:9

Wichapata ikabo ja kutoteshwa kwa kala na kala, na kuwikwa kula na Bwana na ghuja wubaa ghwa kudima kwake,

JOSHUA 19:46

Mejarkoni, Rakoni, wokoni na isanga jimarie Jopa.