JONA 1:16 - Biblia Ilagho Jiboie Kwa Wandu Wose

¹⁶ Nao wandu wikamuobua BWANA nandighi, wikamfunyira kizongona na kum'bonyera ighemi.

JONA 1:16 ပူးပေါင်းရင်းမြစ်များ

KUZOYA 28:20

Jakobo ukabonya ighemi ukighamba, “Mlungu ukakaia andwamweri nani na kunilindia chienyi, unineke mkate ghoja na nguwo rerwa,

KUZOYA 8:20

Nao Nuhu ukamwaghia BWANA madhabahu; ukawada imu ya nyamandu rielie na imu ya nyonyi rielie, ukarifunya kizongona chekora aighu ya madhabahu.

2 WAZURI 5:17

Nao Naamani ukaghamba, “Ngera kwalegha putu, nakulomba kunirumirie ini mdumiki wako nineko misigo iwi ya ndoe, edukwa ni nyumbu, niido cha mzedu; kwa kukaia kufuma idime sichaafunya vizongona vingi angu vizongona vekora kwa mlungu ghungi mzima, ela BWANA uekeri.

AYUBU 37:24

Kwa huwo wandu wadamuobua kwa ishima, nao ndewitalagha wandu wikughesheragha weni kukaia na hikima.”

ZABURI 107:22

Ndewimfunyire vizongona va chawucha, na kughora malagho gha mabonyo ghake kwa chumbo na kuboilwa.

ZABURI 116:14

Nichalipa maghemi ghapo kwa BWANA, imbiri ya wandu wake wose.

ZABURI 50:14

Mfunyire Mlungu vizongona va chawucha, mneke Uo-Uko-Aighu-Nandighi vindo kulaghirie.

MCHILI 5:4

Kukabonya ighemi kwa Mlungu, kusemuke kujikatisha, angu ndeboilwagha ni wakelu. Katisha ighemi jako.

ISAYA 26:9

Ngolo yapo yakaia na bea na oho ngelo ya nakio, roho yapo kondenyi kwapo yakulola kwa kufunga ndighi. Angu iji kutanya kwako kuko ndoenyi, wandu wiko wurumwengunyi wakufundisha kubonya hachi.

JEREMIA 5:22

Wele ndemuniobuagha ini? Ndemsughusikagha imbiri kwapo? Ini nawikie msangagha ghukaie mpaka ghwa bahari, kighirio cha toe machi ghisedimagha kuchumba, hata ngera mivo-mivo ya bahari yakumicha, isedimagha kughusima, hata ngera yaruruma, isedimagha kuida aighu yaro.

DANIELI 6:26

Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.

JONA 1:10

Jona ukachuria kuwighoria kukaia odeeka ukimkimbia BWANA. Wadumiki wa melinyi wikaobua nandighi wikamzera, “Ni ilaghoki iji kwabonya?”

JONA 1:14

Kwa huwo wikamlilia BWANA wikaghamba, “Dakuvoya ee BWANA kusakeditalia ikosa kwa wundu ghwa kum'bwagha mundu usene ikosa, angu niko koni kwawona ikaie huwo ee BWANA.”

MARKO 4:31

Ni sa mbeu ya haradali, nayo iji iwalwagha ndoenyi, eko ndini kuchumba mbeu rose riko ndoenyi.

MABONYO GHA WADUMI 5:11

Ikanisa jose, na wose weresikireghe ilagho ijo, wikangilwa ni wowa m'baa.

WATANYI 13:16

Malaika wa BWANA ukamzera Manoa, “Kukanibonya niweserie sichaaja vindo vako, ela kukawika kizongona chekora tayari, kuchifunye kwa BWANA.” (Kwa kukaia Manoa nderemanyireghe wei ni malaika wa BWANA.)