JOHANE 7:1 - Biblia Ilagho Jiboie Kwa Wandu Wose

¹ Nyuma ya agho, Jesu orekoghe ukimara-mara Galilaya, hata ndereghendieghe Judea anduangi; angu Wayahudi werekoghe wikimlola wim'bwaghe.

JOHANE 7:1 ပူးပေါင်းရင်းမြစ်များ

MATHAYO 10:23

“Iji wandu wamtirira andenyi ya muzi ghumu, mughughendie muzi mzima. Namghoria loli, ndemchaameria mizi yose ya Israeli, imbiri Mwana wa Mdamu usechee.

MATHAYO 21:38

Ela iji awo walimi wammbona uja mwana, wikaghamba weni na weni, ‘Uhu ni mundu wa ifwa. Nndokonyi dim'bwaghe ifwa jipate kuwuya jedu.’

MARKO 11:18

Wakohani wabaa na walimu wa Sharia wiendasikira huwo, wikalola chia emtotesha, ela weremuobueghe kwa kukaia izungu jose ja wandu jereshinuloghe ni mafundisho ghake.

JOHANE 1:19

Ughu nigho wushuhuda ghwa Johane, iji wabaa wa Wayahudi weredumieghe Wakohani wabaa na Walawi kwake kufuma Jerusalemu kumkotia; “Welee, oho koko ani?”

JOHANE 4:3

Niko iji Bwana wamanya agho, ukafuma Judea na kuwuya sena Galilaya;

JOHANE 4:54

Uhu orekoghe mwakilimbiti wa kawi orebonyeroghe ni Jesu nyuma ya kucha Galilaya kufuma Judea.

JOHANE 6:1

Nao nyuma ya maza iri, Jesu ukaghenda kimonu cha ndiwa ya Galilaya, nayo niyo cheni ndiwa ya Tiberia.

JOHANE 7:11

Vilongozi va Wayahudi wikakaia wikimlola ndimenyi na kughamba, “Wele oko hao?”

JOHANE 7:13

Ela mndungi ndereghorieghe malagho ghake worinyi anduangi, angu werewiobueghe vilongozi va Wayahudi.

JOHANE 7:19

Welee, si Musa moni oremnekieghe Sharia? Hata huwo ndekuwadie ungi onyu uiwadagha Sharia anduangi. Kwaki mlolagha kunibwagha?”

JOHANE 7:25

Nao wandu wamu wa Jerusalemu wikaghamba, “Welee, uhu suo moni mundu wawuyalolwa ni vilongozi ubwagho?

JOHANE 7:35

Nao vilongozi va Wayahudi wikaghamba weni na weni, “Mundu uhu uchaghenda hao isi disedimagha kuvika? Welee, uchaghenda kwa Wagriki andu wamzedu wiko, upate kuwifundisha Wagriki?

JOHANE 8:37

Ini naichi angu moko kivalwa cha Abrahamu; ela sena mwawuyakunda kunibwagha, angu msewadagha mafundisho ghapo.

JOHANE 8:40

Ini neemghoria iyo loli nereisikireghe kwa Mlungu, nenyo mualola kunibwagha. Abrahamu nderebonyereghe huwo anduangi.

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.