JOHANE 6:9 - Biblia Ilagho Jiboie Kwa Wandu Wose

⁹ “Oko mwana wa womi umu aha uko na mikate misanu ya shairi na samaki iwi, ela icho ni kilamboki kwa wandu wengi sa awa?”

JOHANE 6:9 ပူးပေါင်းရင်းမြစ်များ

1 WAZURI 4:28

Wokoni wikareda shairi na matasa andu rerekundikieghe ra magare na farasi zima wori.

2 WAZURI 7:1

Elisha ukatumbulia, “Ola sikira ilagho ja BWANA: Kesho ngelo sa ii cheni, kilo idadu ra mufu ghudendere ghuchauzwa kwa bei ya kibelele chimweri cha feza, na kilo irandadu ra mufu ghwa shairi ghuchauzwa kwa bei ya kibelele chimweri cha feza, ahoeni mbengenyi ya Samaria.”

ZABURI 147:14

Wailindia mipaka yako; na kukughudisha na ngano iboie kuchumba.

ZABURI 78:19

Wikamdedia Mlungu kiwiwi wikighamba, “Mlungu wadima kufunya vindo kireti?

ZABURI 78:41

Weremtimieghe sena na sena, na kum'bonya Uo Mweli wa Israeli ujoko ni machu.

ZABURI 81:16

Ela oho nichakujisha viro viboie kuchumba, na kukughudisha na wuki ghufumagha ighonyi.”

EZEKIELI 27:17

Juda na isanga ja Israeli werebonyereghe biashara na oho; wikazoghorana na oho kwa ngano, na zeituni, na tini, wuki, mavuda, na marumba.

MATHAYO 14:17

Ela awo wikaghamba, “Isi deeka na mikate misanu tu na samaki iwi.”

MATHAYO 16:9

Hata na iji ndemtambukilwagha? Ndemkumbukagha ija mikate misanu nereichikanyireghe kwa wandu elfu isanu, na vikapu ni vilinga va masighariko gha mikate moretumbanyireghe?

MARKO 6:38

Jesu ukawikotia, “Mwawadie mikate ilinga? Ghendenyi mzighane.” Nao iji wamanya, wikaghamba, “Mikate misanu na samaki iwi.”

MARKO 8:19

Iji nereichikanyireghe ija mikate misanu kwa wandu elfu isanu, moretumbanyireghe vikapu vilinga vichue masighariko gha ija mikate erechikanyiroghe?” Wikatumbulia, “Ikumi na viwi.”

LUKA 9:13

Ela uo ukawizera, “Winekenyi vindo mmbeni.” Wikamzera, “Isi deeka na mikate misanu, na samaki iwi tu; isaakaia ngera dighende na kuwighuya vindo.”

JOHANE 11:21

Marita ukamzera Jesu, “Bwana, ngera kodeeka aha, kumangu mwanidu nderefwagha anduangi.

JOHANE 11:32

Nao iji Maria orevikieghe andu Jesu orekoghe na kummbona, ukaghwa maghunyi kwake ukimzera, “Bwana, ngera kodeeka aha, kumangu mwanidu nderefwagha anduangi.”

JOHANE 21:10

Jesu ukawizera, “Redenyi samaki rimu iro mwariwada idakoni.”

JOHANE 21:13

Jesu ukacha ukaghuwada mkate ukawineka, na samaki wokoni.

JOHANE 21:9

Wiendavika ndoe iomie, wikawona modo ghwa maka, na samaki yawikwa aighu yaro, na mkate.

JOHANE 6:11

Jesu ukaiwusa iyo mikate, hata umeria kufunya chawucha kwa Mlungu, ukawiwaghia wandu werekoghe kidombo; na samaki woruwo koni, kula mundu ukapata sa iji orekundieghe.

JOHANE 6:7

Nao Filipo ukamtumbulia, “Mikate ya dinari maghana awi ndeiwikatagha awandu, hata wikawaghilwa katini katini.”

2 WAKORINTHO 8:9

Inyo mwaichi mvono ghwa Bwana odu Jesu Kristo, seji hata ngera orekoghe na mali, ela orewurieghe mkiwa kwa wundu ghonyu, eri kwa ugho wukiwa ghwake, mpate kukaia na mali.

WUKUMBUSO 32:14

Ng'ombe na mburi rawo rerefunyireghe mariwa kwa wungi; werekoghe na ng'ondi riboie, mburi na ng'ombe, mufu ghwa ngano ghudendere, na divei ndicha.

WUKUMBUSO 8:8

Ni isanga ja ngano na shairi; jiko na mbuwa ra mizabibu; zeituni, makomamanga na wuki.

WUFUNUO 6:6

Ngasikira sa lwaka aghadi ya iro nyamandu riko moyo inya lukighamba, “Pishi imweri ya ngano kwa dinari na pishi idadu ra shairi kwa dinari; ela mavuda na divei kusakevibonya ilagho jingi.”