JOHANE 5:25 - Biblia Ilagho Jiboie Kwa Wandu Wose

²⁵ Namghoria loli, ngelo iacha, hata idana eko, iji wafu wichaalusikira lwaka lwa Mwana wa Mlungu, na awo wilusikiragha, wichakaia moyo.

JOHANE 5:25 ပူးပေါင်းရင်းမြစ်များ

LUKA 15:24

Angu uhu mwanwapo orekoghe ufue, nao hoyu oko moyo; orekoghe ulagharie, nao hoyu wawoneka.’ Wikazoya kuja na kubonya maseko.

LUKA 15:32

Ni hachi putu kubonya maseko na kuboilwa, angu uhu mwanyinyu orekoghe ufue, nao hoyu oko moyo; orekoghe ulagharie, nao idana wawoneka.’”

LUKA 9:60

Jesu ukamzera, “Wisighe wafu wirike wafu wawo, ela oho ghenda kuchile malagho gha Wuzuri ghwa Mlungu.”

JOHANE 13:1

Nao imbiri ya Ndima ya Pasaka, Jesu ukimanya angu ngelo yake yavika esigha ughu wurumwengu, uwuye kwa Aba, na seji orekoghe ukiwikunda wandu wake wiko wurumwengunyi, ukawikunda wandu hata kutua.

JOHANE 17:1

Nao iji Jesu wameria kughora malagho agho, ukazighana aighu mlungunyi ukaghamba, “Aba, ngelo yameria kuvika; mkase Mwana wako, na Mwana wako wori ukukase oho.

JOHANE 4:21

Jesu ukamzera, “Muka, nirumirie; ngelo iacha wandu wisechaamtasa uja Aba aighu ya mghondi ughu, hata andenyi ya Jerusalemu wori.

JOHANE 4:23

Ela ngelo iacha, hata idana eko aeni, watasi wa loli wichamtasa uja Aba loli, kwa ndighi ra Roho; angu Aba wadawilola wandu wifwane huwo wipate kumtasa.

JOHANE 5:21

Angu sa iji koni Aba urukishagha wafu na kuwineka irangi, huwo koni Mwana wadawineka irangi awo uwikundagha.

JOHANE 5:28

Msakeshinulwa ni maza iri angu ngelo iacha, wafu wose wiko kaburinyi wichalusikira lwaka lwake;

JOHANE 6:60

Wengi wa wanughi wake wiendasikira malagho agho wikaghamba, “Agho mafundisho ghakurie; nani udimagha kughisikira?”

JOHANE 8:43

Kwaki msetambukilwagha ni agho nighoragha? Ni angu msedimagha kusikira ilagho japo anduangi.

JOHANE 8:47

Uo uko wa Mlungu wadasikira malagho gha Mlungu. Ela inyo ndemko wa Mlungu, niko msesikiragha.”

JOHANE 9:27

Ukawitumbulia, “Nameria kumghoria, nenyo ndemsikiragha. Kwaki mkunde kusikira sena? Nenyo mookunda kuwuya wanughi wake?”

WAROMA 6:4

Kwa huwo darikilo andwamweri nao kwa chia ya wubaputizo, na kukaia ngara nao andenyi ya kifwa chake; eri sa iji koni Kristo orerukishiroghe kufuma kwa wafu, kwa wubaa ghwa uja Aba, nesi wori dighende kwa wuwishi ghwa irangi.

WAEFESO 2:1

Na inyo, oremkaishireghe moyo iji morekoghe mfue rohonyi kwa wundu ghwa makosa na kaung'a renyu;

WAEFESO 2:5

hata iji derekoghe difue rohonyi kwa chia ya makosa ghedu, oredikaishireghe moyo chiaimweri na Kristo, (mookirwa kwa mvono)

WAEFESO 5:14

Niko huwu ighorelo, “Wuka ee mundu kulalagha kuruke kufuma kwa wafu na Kristo uchakulangalishira mwengere.”

WAKOLOSAI 2:13

Na inyo, wandu morekoghe mfue kiroho kwa wundu ghwa makosa, na kwa kusowa kushamishwa kwa mimbi yenyu, Mlungu oremkaishireghe moyo andwamweri na Kristo, umeria kudifuya wughoma makosa ghedu ghose,

WUFUNUO 3:1

“Na uo malaika wa ikanisa ja Saridi kumuandikie huwu: ‘Agha ni malagho gha uo uko na iro roho mfungade ra Mlungu, na nyerinyeri mfungade. Narimanya kazi rako; koko na irina jedua moyo, ela kwafue.