JOHANE 5:10 - Biblia Ilagho Jiboie Kwa Wandu Wose

¹⁰ Niko Wayahudi wamu wikamzera uja mundu waboiswa, “Idime ni ituku ja Sabato, yadarighidwa oho kuduka mkeka ghwako.”

JOHANE 5:10 ပူးပေါင်းရင်းမြစ်များ

ISAYA 58:13

BWANA waghamba, “Kukalindia mighendo yako kuseinonagha Sabato, na kukulindia kusenughe bea rako kwa ituku japo jielie, na kujiwanga ijo ituku ja Sabato jiboie ja wueli, na ituku ja BWANA ja ishima; kukajineka ishima na kulegha ghenda charo, kusebonyagha kazi angu kuja malagho gha duu,

JEREMIA 17:21

BWANA waghamba huwu: Lindienyi marangi ghenyu. Mseduke misigo ingi na kuidia nayo mbengenyi ra Jerusalemu ituku ja Sabato.

JEREMIA 17:27

Ela mkalegha kunisikira na kuleghatala ituku japo ja Sabato, mkiduka misigo enyu na kungia nayo mbengenyi ra Jerusalemu ituku ja Sabato, niko nicharikora iro mbenge, na ugho modo ghuserimikagha ghuchanona ngome ra Jerusalemu.’”

MATHAYO 12:10

Na aho korekoghe na mndumu uko na mkonu ghukelemere. Wandu wikamkotia Jesu, “Welee, ni hachi kum'boisa mundu ituku ja Sabato?” Weremkotereghe agho eri wipate shekeria emshitakia.

MARKO 2:24

Mafarisayo wikamzera, “Zighana! Kwaki wibonyagha maza ririghidwagha kubonywa ituku ja Sabato?”

MARKO 3:4

Niko ukawizera, “Keni ni hachi kubonya nicha ituku ja Sabato angu kubonya laghe-laghe? Kukira irangi angu kubwagha?” Nao wikanyama kima.

LUKA 13:14

Ela uja m'baa wa sunagogi ukajokwa ni machu angu Jesu oreboisireghe ituku ja Sabato ukawizera wandu, “Gheko matuku arandadu ghebonya kazi; choonyi m'boiso agho matuku, ela ituku ja Sabato mbai.”

LUKA 23:56

Niko wikawuya kuboisa marumba na mavuda. Na ituku ja Sabato wikahora karakara na Sharia.

LUKA 6:2

Ela Mafarisayo wamu wikaghamba, “Kwaki m'bonyagha maza ririghidwagha kubonywa ituku ja sabato?”

JOHANE 1:19

Ughu nigho wushuhuda ghwa Johane, iji wabaa wa Wayahudi weredumieghe Wakohani wabaa na Walawi kwake kufuma Jerusalemu kumkotia; “Welee, oho koko ani?”

JOHANE 5:11

Nao ukatumbulia, “Uja mundu waniboisa nuo wanizera, ‘Duka mkeka ghwako kughende.’”

JOHANE 5:15

Uja mundu ukaghenda na kuwighoria Wayahudi angu ni Jesu um'boisire.

JOHANE 5:16

Nao Wayahudi wikazoya kumtirira Jesu, angu orebonyereghe maza iro ituku ja Sabato.

JOHANE 7:23

Idana ikakaia mundu washamishwa ituku ja Sabato, eri Sharia ya Musa isechenonwa, welee, inyo mwanibonyera machu wei nam'boisa mundu ituku ja Sabato?

JOHANE 9:16

Mafarisayo wamu wikaghamba, “Mundu uhu nderefumieghe kwa Mlungu kungi, angu useiwadagha sharia ya Sabato.” Ela wazima wikaghamba, “Mkaung'a udima wada kubonya awa weke mwakilimbiti?” Nao kukakaia na mawaghanyiko aghadi kwawo.