JOHANE 4:6 - Biblia Ilagho Jiboie Kwa Wandu Wose

⁶ Wokoni aho korekoghe na kisima cha Jakobo. Niko Jesu, angu wasilwa kwa wundu ghwa charo chake, ukasea kidombo kaavui na icho kisima; erekoghe ngera sa saa ya karandadu.

JOHANE 4:6 ပူးပေါင်းရင်းမြစ်များ

MATHAYO 27:45

Nao kufuma saa irandadu, kira chikasea isanga jose, hata saa ikenda.

MATHAYO 4:2

Ukafunga tumu matuku mirongo ina na vio varo, na kutua kwaro ukasikira njala.

MATHAYO 8:24

Nao ahoeni chikacha kiremba kibaa aja ndiwenyi, hata ishua jikazoya kusukirilwa ni mivo-mivo ya machi. Ela Jesu orekoghe walala.

LUKA 2:7

Ukava mwana wake wa imbiri wa womi, ukamrighiria nguwo ra kiwanake, ukamrarisha andu mfugho rijiagha kiwandenyi, angu ndekorekoghe na wulalo ghungi nyumbenyi kwa waghenyi anduangi.

LUKA 9:58

Jesu ukamzera, “Mizozo eko na miruma, na nyonyi reko na vijungu, ela Mwana wa Mdamu ndewadie hata andu korarishira chongo chake anduangi.”

JOHANE 11:9

Jesu ukawitumbulia, “Welee, saa ra dime si ikumi na iwi anguwada? Uo ose ughendagha na dime ndekuwagha anduangi, angu waghuwona mwengere ghwa wurumwengu ughu.

JOHANE 4:12

Kwani oho koko m'baa kumchumba aba odu Jakobo? Uo oredinekieghe ichi kisima, nao moni orenyueghe machi gha kisima ichi andwamweri na wana wake, na mfugho rake wori?”

JOHANE 4:5

Nao ukavika Saika muzi ghumu ghwa Samaria, kaavui na ija mbuwa Jakobo oremnekieghe mwana wake Josefu.

JOHANE 4:7

Nao ukacha muka wa Kisamaria kudaya machi. Jesu ukamzera, “Nineke machi ninyo.”

2 WAKORINTHO 8:9

Inyo mwaichi mvono ghwa Bwana odu Jesu Kristo, seji hata ngera orekoghe na mali, ela orewurieghe mkiwa kwa wundu ghonyu, eri kwa ugho wukiwa ghwake, mpate kukaia na mali.

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.