JOHANE 4:10 - Biblia Ilagho Jiboie Kwa Wandu Wose

¹⁰ Jesu ukamtumbulia, “Na ngera kodemanya inosi ja Mlungu, na nani uhu ukuzeragha, ‘Nineke machi ninyo,’ kumangu kwamlomba uo ukakuneka machi ghiko moyo.”

JOHANE 4:10 ပူးပေါင်းရင်းမြစ်များ

ZABURI 10:17

Kuchasikira malombi gha wandu wikuserie ee BWANA; kuchawikumba ngolo, na kuwideghia kudu kwako,

ZABURI 46:4

Ghoko moda dumeda dwaro duredagha kuboilwa mzinyi kwa Mlungu, andu kuelie kokaia kwa Uo-Uko-Aighu-Nandighi.

KUFUMA 17:6

Ola nichakaia kimusi imbiri kwako aighu ya igho aja Horebu, na oho kuchajikaba igho, najo jichafunya machi, wandu wipate kunywa.” Musa ukabonya woruwo waghosi wa Waisraeli wikiwona.

LUMBO 4:15

Oho ko ndoria iko ambuwenyi; kiriwa cha machi ghiko moyo; dumeda duidagha kufuma Lebanoni.

ISAYA 12:3

Mchadaya machi visimenyi va kukia kwa kuboilwa.

ISAYA 35:6

mkelemeri ucharama-rama sa shaa, na kituri uchabora kwa kuboilwa. Kwa kukaia machi ghichabuka kireti, na ndoria ra machi richakaia andu kuomie;

ISAYA 42:6

“Ini ne BWANA, nakuwangie kupate kubonya hachi, nakuwadie na kukumazira kwa mkonu ghwapo; nakufunyire kukaie ilaghano kwa wandu, na kukaia mwengere kwa iro mbari ra wandu.

ISAYA 43:20

Nyamandu ra isakenyi richanineka ishima, mizozo hata nyagha, angu nareda machi kireti, na meda ikarenyi; na kuwineka machi wandu wapo wisaghulo.

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 49:10

ndewichaawona njala hata kau, hata ndewichakabwa ni iruwa, angu kuwona mruke ghungi; angu uo uwiwoniagha wughoma, uchawilongoza na kuwighenja kwa ndoria ra machi.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

EZEKIELI 16:35

“Kwa huwo idana ee Jerusalemu kuko sa ilaya, sikira ilagho japo.

ZEKARIA 13:1

BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

ZEKARIA 14:8

Ituku ijo jikavika, machi ghielie ghenywa ghichadika kufuma Jerusalemu; nusu imu ghichaida na kungia Bahari ya Chumbi na nusu imu Bahari ya Mediterania; gichakaia ghikiida ngelo rose ya kwari na ngelo ya sumesu wori.

LUKA 11:13

Ikakaia inyo muko wawiwi, mwaichi kuwineka wana wenyu manosi mecha, Aba wa mlungunyi uchachumba saki kuwineka Roho Mweli awa wimlombagha?”

JOHANE 16:3

Nawo wicham'bonya huwo kwa kukaia ndewimwichi uja Aba, hata ini anduangi.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

JOHANE 3:16

Angu Mlungu oreghukundieghe wurumwengu, hata ukamfunya Mwana wake uvalwagha wa ititi, uo ose urumiriagha kwake usetote anduangi, ela ukaieghe na irangi ja kala na kala.

JOHANE 4:14

ela uo uchaanywa machi nichaamneka ini, ndechaaoma jingi; angu machi agho nichaamneka, ghichawuya andenyi kwake ndoria ya machi ghivumbulukagha irangi ja kala na kala.”

JOHANE 6:35

Jesu ukawizera, “Ini nuo mkate ghwa irangi, uo uchagha kwapo na jingi ndechaawona njala, na uo ose urumiriagha kwapo na jingi ndechaaoma anduangi.

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

MABONYO GHA WADUMI 9:11

Bwana ukamzera, “Wuka kughende ija chia iwangwagha Chia Ighorokie, kukotie nyumbenyi kwa Juda mundu uwangwagha Sauli wa muzi ghwa Tariso; huwu waawuyalomba Mlungu,

WAROMA 8:32

Uo useremmbonieghe wughoma Mwana wake moni, ela ukamfunya kwa wundu ghodu isi diwose, uchalegha wada kudineka vindo vose andwamweri nao?

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

1 WAKORINTHO 10:4

na wose wikanywa kunywa kumweri kwa kiroho. Angu werenyueghe kufuma kwa ijo Igho ja kiroho, ijo jerewinughieghe; na Igho ijo jerekoghe Kristo.

2 WAKORINTHO 9:15

Chawucha kwa Mlungu kwa wundu ghwa inosi jake jiseghorekagha.

WAEFESO 2:8

Angu mookirwa kwa mvono kwa chia ya irumirio; najo si ibonyo jenyu jingi, ni inosi ja Mlungu;

WAEBRANIA 6:4

Angu ndeidimikagha kuwiwunja wihee sena awo wandu wimerie kulangalishirwa mwengere, wikajitoa ijo inosi ja mlungunyi, wikabonywa wangara wa Roho Mweli,

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

WUFUNUO 21:6

Nao ukanizera, “Ghabonyeka! Ini ne Alfa na Omega, uko kuzoya na uko kutua. U mundu uomagha, nichamneka machi gha ndoria ya machi gha irangi duu.

WUFUNUO 22:17

Uo Roho, na uo mwai ulowolwagha waghamba, “Choo.” Na uo mundu usikiragha ndeghambe, “Choo.” U mundu uomagha ndeche; uo ukundagha, ndeghiwuse machi gha irangi duu.

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”