JOHANE 3:8 - Biblia Ilagho Jiboie Kwa Wandu Wose

⁸ Mbeo yadaweta seji ikundagha, lwaka lwaro kwalusikira, ela ndekuimanyagha andu ifumagha hata andu ighendagha anduangi. Niko koni kwa mundu uo ose uvalwagha kwa Roho.”

JOHANE 3:8 ပူးပေါင်းရင်းမြစ်များ

ZABURI 107:25

Orefunyireghe momu, mbeo ya kiremba ikazoya kuweta; ikawusira mivo-mivo ya bahari.

ZABURI 107:29

Ukanyamirisha kiremba, na mivo-mivo ya bahari ikahoa.

ZABURI 135:7

Wadajosa mawingu kufuma kutua kwa ndoenyi; wadabonya luhehia lukabe andenyi ya vua, na kureda mbeo kufuma nganyenyi kwake.

MCHILI 1:6

Mbeo yadaweta cha kusinyi, na kughaluka cha kaskazinyi; yadamara-mara ikinugha chia rake, na kuwuya andu izoiagha.

EZEKIELI 37:9

Mlungu ukanizera, “Idana funya wulodi aighu ya miruke, ee mwana wa mdamu, kuizere, Bwana MLUNGU waghamba huwu: Choo kufuma mbembe inya ra wurumwengu ee miruke, kuwingie awa wandu werebwaghiloghe wipate kukaia moyo.”

JOHANE 1:13

Awo werewurieghe wana wa Mlungu, si kwa ndighi ra kidamu, angu kwa ndighi ra mumbi, hata kwa lukundo lwa mdamu anduangi, ela kwa Mlungu.

JOHANE 3:7

Kusakeshinika wei nakuzera, ‘Suti kuvalo kawi.’

JOHANE 3:9

Nikodemo ukamkotia, “Maza iri ridimika wada?”

MABONYO GHA WADUMI 2:2

Shwa wori, wikasikira lwaka sa lwa mbeo mbaa iwetagha kufuma mlungunyi na kuichura nyumba yose andu werekoghe kidombo.

MABONYO GHA WADUMI 4:31

Hata iji wameria kulomba, andu aja werekwanyikieghe kukasughusika; wikachulwa ni Roho Mweli wose, na kughora Ilagho ja Mlungu kwa wuwana.

1 WAKORINTHO 12:11

Ela ni uja Roho moni umweri ubonyagha agha ghose; ukimmbaghia kula mundu inosi wuzima wuzima seji uo Roho ukundagha moni.

1 WAKORINTHO 2:11

Angu nani udimagha kumanya maza ra mundu useeka ni uja roho moni uko andenyi kwake? Huwo koni na mndungi ndedimagha kuritambua maza ra Mlungu, iseeka ni Roho wa Mlungu moni.

1 JOHANE 2:29

Ikakaia mwaichi angu Kristo ni mhachi, mwadima kukaia na wuloli kukaia kula mundu ubonyagha hachi oovalwa ni Mlungu.