JOHANE 3:6 - Biblia Ilagho Jiboie Kwa Wandu Wose

⁶ Mundu wadavalwa kimumbi ni wavi wa kimumbi, ela wadavalwa kiroho kwa Roho.

JOHANE 3:6 ပူးပေါင်းရင်းမြစ်များ

KUZOYA 5:3

Iji Adamu orekoghe mundu wa miaka ighana na mirongo idadu orevaeghe mwana ufwanane nao moni, ukammbanga irina jake Sethi.

KUZOYA 6:12

Mlungu ukazighana nao ukawona seji wurumwengu ghunonekie, angu wandu wose werekoghe wikibonya mawiwi ndoenyi.

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

AYUBU 14:4

Nani udimagha kufunya kilambo chielie kufuma kwa icho chiseelie? Ndeuko ungi.

AYUBU 25:4

Mdamu udima wada kukaia mhachi imbiri ya Mlungu? Mdamu uvalo ni muka udima wada kukaia uelie?

ZABURI 51:10

Kuniumbie ngolo ielie andenyi kwapo ee Mlungu; kuningire roho mbishi ya loli.

JOHANE 1:13

Awo werewurieghe wana wa Mlungu, si kwa ndighi ra kidamu, angu kwa ndighi ra mumbi, hata kwa lukundo lwa mdamu anduangi, ela kwa Mlungu.

JOHANE 3:7

Kusakeshinika wei nakuzera, ‘Suti kuvalo kawi.’

WAROMA 7:18

Naichi andenyi kwapo, nako ni andenyi ya mumbi ghwapo, kilambo chingi kicha ndechikaiagha anduangi.

WAROMA 7:25

Chawucha kwa Mlungu, uo udimagha kwa chia ya Jesu Kristo Bwana odu! Niko huwu idana, ini nimoni naawuyaidumikia Sharia ya Mlungu kwa akili rapo; ela kwa mumbi ghwapo, naidumikia sharia ya kaung'a.

WAROMA 7:5

Iji derekoghe dikinugha maza ra mumbi, bea redu ra kaung'a rerewusiriloghe ni Sharia, naro rikabonya kazi andenyi ya via vedu, hata rikareda mavalo gha kifwa.

WAROMA 8:13

angu mkakaia moyo mkighenda seji mumbi ghukundagha mchafwa; ela mkaghibwagha mabonyo gha mumbi kwa Roho, mchakaia moyo.

1 WAKORINTHO 6:17

Ela uhu uwadanishwagha na Bwana, uawuya roho imweri nao.

2 WAKORINTHO 5:17

Kwa huwo ngera mndungi oko andenyi ya Kristo, wakaia iumbo iwishi, maza ra kala rameria kuida, na iro mbishi rameria kucha.

WAGALATIA 5:24

Na awo wiko wa Kristo Jesu wamerie kughusulubisha mumbi chiaimweri na mirudo yaro na bea raro.

WAEFESO 2:3

Na isi diwose derekoghe na bea ra mumbi aghadi kwawo, dikinugha bea ra mumbi na ra maririkanyo; na kwa asili, derekoghe aisi ya machu gha Mlungu, karakara na wandu wose.

WAKOLOSAI 2:11

Andenyi kwake wori, inyo mwashamishiro, kwa kushamishwa kusebonyero ni mikonu anduangi, ela ni kuja kubonywagha ni Kristo moni kwa chia ya kughurua ghuja wundu ghwa mumbi ghwa kaung'a.

1 JOHANE 3:9

Kula mundu uvalo ni Mlungu ndebonyagha kaung'a; angu asili ya Mlungu yadakaia andenyi kwake, nao ndedimagha kubonya kaung'a, kwa kukaia oovalwa ni Mlungu.