JOHANE 3:3 - Biblia Ilagho Jiboie Kwa Wandu Wose

³ Jesu ukamtumbulia, “Nakughoria loli, ngera mundu usevalo kawi ndedimagha kughuwona wuzuri ghwa Mlungu anduangi.”

JOHANE 3:3 ပူးပေါင်းရင်းမြစ်များ

JEREMIA 5:21

Sikirenyi malagho agha inyo wandu wakelu msewadie akili ringi; wandu muko na meso, ela msewonagha.

EZEKIELI 36:26

Nichamneka ngolo mbishi, na roho mbishi nichaingira andenyi konyu; nani nichafunya ngolo ikurie sa igho kufuma konyu, na kumneka ngolo inyafue.

MATHAYO 16:17

Jesu ukaghamba, “Kwarasimilwa oho Simoni mwana wa Jona, angu si mdamu ungi wakutambushira wuloli ughu anduangi, ela ni Aba uko mlungunyi wakufunukuya.

MATHAYO 19:24

Sena namzera, kwaangue ngamila kuida ilanga ja siziano, kuchumba mundu uko na mali kungia kwa wuzuri ghwa mlungunyi.”

MATHAYO 21:31

Welee, kwa waja wana wawi ni uao ubonyere lukundo lwa ndee?” Wikatumbulia, “Ni uja wa imbiri.” Jesu ukawizera, “Namghoria loli, wawadi wushuru na malaya wamkiria kungia kwa wuzuri ghwa Mlungu.

MATHAYO 5:18

Nani namghoria loli, hata mlungunyi na ndoenyi kwaida, kalagho kangi angu ifungu itini nandighi ja Sharia ndejichaainjwa hata ghose ghikatisho.

MARKO 10:14

Jesu iji wawona ilagho jija, ukawawa ni ngolo, ukawizera, “Wilekenyi wanake wiche kwapo, msakewikania, angu Wuzuri ghwa mlungunyi ni ghwa awo sa awa.

MARKO 9:47

Na ngera iriso jako jakukuwisha, jikuo! Ni nicha oho kungie kwa Wuzuri ghwa Mlungu kifondo, kuchumba kukaia na meso awi na kukumbwa jehanamunyi.

JOHANE 1:13

Awo werewurieghe wana wa Mlungu, si kwa ndighi ra kidamu, angu kwa ndighi ra mumbi, hata kwa lukundo lwa mdamu anduangi, ela kwa Mlungu.

JOHANE 1:5

Nagho mwengere ghwadalangala kirenyi, na kira ndechighusimie jingi anduangi.

JOHANE 1:51

Nao ukachuria kughamba, “Namghoria loli, mchawona mlungunyi kukirughuka, na weke malaika wa Mlungu wikijoka na kusea aighu ya Mwana wa Mdamu.”

JOHANE 12:40

“Mlungu wawifunga meso ghawo, na kurikurisha akili rawo eri meso ghawo ghisepate kuwona, na akili rawo risetambukilo, wisechenighalukia, nipate kuwiboisa.”

JOHANE 3:4

Nikodemo ukamzera, “Idimika wada mundu uko mghosi kuvalwa sena? Wadima kungia kifunyi kwa mae na kuvalwa indo ja kawi?”

2 WAKORINTHO 4:4

Awo ndewidimagha kurumiria, angu mlungu wa wurumwengu ughu wawituwira akili rawo, na kuwighiria wisewone mwengere ghwa Ilagho Jiboie ja wubaa ghwa Kristo; uo uko fwana ya Mlungu.

2 WAKORINTHO 5:17

Kwa huwo ngera mndungi oko andenyi ya Kristo, wakaia iumbo iwishi, maza ra kala rameria kuida, na iro mbishi rameria kucha.

WAGALATIA 6:15

Angu kushamishwa na kuleghashamishwa, ndekutalikagha kukaia kindo chingi anduangi; jikundikie ni kuumbwa wuwishi.

WAEFESO 2:1

Na inyo, oremkaishireghe moyo iji morekoghe mfue rohonyi kwa wundu ghwa makosa na kaung'a renyu;

WUKUMBUSO 29:4

Ela hata idime, BWANA waduagha usemnekie akili retambukilwa, angu meso ghewona, angu madu ghesikira.

TITO 3:5

oredikirieghe; si kwa wundu ghwa mabonyo ghangi gha hachi dibonyere anduangi, ela ni kwa wundu ghwa wughoma ghwake moni kwa chia ya kuoghosha kwa kuvalwa wuwishi, na kubonywa wawishi ni Roho Mweli;

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

1 PETRO 1:3

Mlungu ndekaso, uo Ndee Bwana odu Jesu Kristo. Kwa wughoma ghwake m'baa, isi derevaloghe wuwishi, dipate kukaia na isuwirio jiko moyo kwa chia ya uko kuruka kwa Jesu Kristo kufuma kwa wafu;

1 JOHANE 2:29

Ikakaia mwaichi angu Kristo ni mhachi, mwadima kukaia na wuloli kukaia kula mundu ubonyagha hachi oovalwa ni Mlungu.

1 JOHANE 3:9

Kula mundu uvalo ni Mlungu ndebonyagha kaung'a; angu asili ya Mlungu yadakaia andenyi kwake, nao ndedimagha kubonya kaung'a, kwa kukaia oovalwa ni Mlungu.

1 JOHANE 5:1

Kula mundu urumiriagha kukaia Jesu ni Kristo, ni mwana wa Mlungu; na kula mundu umkundagha muvi wadamkunda na mwana wori.

1 JOHANE 5:18

Isi damanya angu mndungi uvalo ni Mlungu ndebonyagha kaung'a, kwa kukaia Mwana wa Mlungu wadamlindia; na Uja Mmbiwi ndem'bonyagha ilagho jingi anduangi.

1 JOHANE 5:4

Kwa kukaia uo uvalo ni Mlungu, wadaghusima wurumwengu; nesi daghusima wurumwengu kwa chia ya irumirio jedu.

WUFUNUO 3:14

“Na uo malaika wa ikanisa ja Laodikea, kumuandikie huwu:” “Agha ni malagho gha uo Amen, uo mloli, na mshahidi wa loli, uko kuzoya kwa kuumba kwa Mlungu.