JOHANE 3:2 - Biblia Ilagho Jiboie Kwa Wandu Wose

² Ukamghendia Jesu nakio ukamzera, “Rabi, dakumanya angu ko mwalimu udumilo kufuma kwa Mlungu, angu ndekuwadie mndungi udimagha kubonya weke mwakilimbiti awa kuwibonyagha, isaakaia Mlungu oko andwamweri nao.”

JOHANE 3:2 ပူးပေါင်းရင်းမြစ်များ

1 WAZURI 17:24

Uja muka ukamzera Elija, “Idana namanya kukaia ko mundu wa Mlungu, hata malagho gha BWANA kwawuyadeda ni gha loli.”

ISAYA 51:7

“Nisikirenyi inyo muimanyagha hachi, inyo wandu mmbwadie sharia yapo ngolonyi; msakeobua masholio gha wandu, hata msakefwa waya kwa kudukana kwawo.

JEREMIA 38:16

Niko Mzuri Zedekia ukanibonyera ighemi kivisonyi ukighamba, “Naghema kwa BWANA ukaiagha moyo, uo uumbie roho redu, sichaakubwagha, hata sichaakungira mikonunyi kwa awa wandu wijilolagha irangi jako.”

MATHAYO 22:16

Wikamdumia wamu wa wanughi wawo chiaimweri na wanjama wa Herode wikighamba, “Mwalimu, dakumanya angu koko mloli, na chia ya Mlungu kwadaifundisha kwa loli, hata ndekutalagha mndungi, angu kusetalagha mawubaa gha wadamu anduangi.

MATHAYO 23:7

na kurogholwa sokonyi wikiwangwa ni wandu ‘Mwalimu.’

MATHAYO 23:8

Ela inyo msakewangwa ‘Mwalimu’ angu Mwalimu onyu ni umweri na inyo mmbose moko wanyinyu.

MARKO 12:14

Nawo wiendavika, wikamzera, “Mwalimu, dakumanya oho koko mloli, hata ndekuobuagha angu kutala wubaa ghwa mndungi anduangi, ela kwadafundisha kwa loli chia ya Mlungu. Welee, keni ni hachi kulipa kodi kwa Kaisari angu siko kungi?

JOHANE 1:38

Jesu ukaghaluka ukawiwona wikimnugha, ukawikotia, “Niki mlolagha?” Wikamtumbulia, “Rabi (kutambua kwaro Mwalimu) kwakaiagha hao?”

JOHANE 10:38

ela ikakaia naribonya, hata ngera mwalegha kunirumiria, kumangu mwarirumiria iro kazi reni, mpate kumanya angu Aba oko andenyi kwapo, na ini andenyi kwake.”

JOHANE 12:37

Hata ngera Jesu orebonyereghe awa weke mwakilimbiti wose imbiri yawo, ela ndewererumirieghe kwake anduangi,

JOHANE 14:10

Welee, ndekurumirie angu ini neko andenyi kwa Aba, na Aba oko andenyi kwapo? Malagho ghose nawuyamghoria siwueghora kwa nguma yapo anduangi, ela uja Aba uko andenyi kwapo, nuo wawuyabonya kazi rake.

JOHANE 15:24

Ngera serechieghe na kuribonya iro kazi mndungi jingi useribonyere, kumangu ndewiwadie kaung'a; ela idana wawonie agha nighibonyere, wikazamilwa ni ini, hata na Aba wori.

JOHANE 2:11

Mwakilimbiti uhu wa imbiri, Jesu orem'bonyereghe aja Kana muzi ghwa Galilaya; ukaghuwonyera wubaa ghwake, na wanughi wake wikamrumiria.

JOHANE 20:16

Jesu ukamzera, “Maria!” Maria ukaghaluka ukamzera kwa Kiebrania, “Rabboni!” (kutambua kwaro “Mwalimu.”)

JOHANE 3:26

Wikamghendia Johane wikamzera, “Mwalimu, uja mundu morekwanyeghe kimonu cha Jordani, uo koremshuhudieghe, waawuyabaputiza na wandu wose waawuyamghendia.”

JOHANE 4:31

Ngelo iyo cheni wanughi wake wikamlomba wikighamba, “Mwalimu, jaa vindo.”

JOHANE 5:36

“Ela neko na wushuhuda m'baa kuchumba ugho ghwa Johane. Angu iro kazi niribonyagha, iro Aba oreninekieghe niribonye, niro reni rinishuhudiagha kukaia uo orenidumieghe ni Aba.

JOHANE 6:2

Izungu ibaa ja wandu jikamnugha, angu werewonieghe weke mwakilimbiti orewibonyereghe kwa kuwiboisa awo werekoghe wakongo.

JOHANE 7:31

Elaima wengi wa awo werekoghe izungunyi wikarumiria kwake wikighamba, “Welee, iji Kristo uchaacha, uchabonya weke mwakilimbiti kuchumba awa wibonyero ni uhu mundu?”

JOHANE 9:16

Mafarisayo wamu wikaghamba, “Mundu uhu nderefumieghe kwa Mlungu kungi, angu useiwadagha sharia ya Sabato.” Ela wazima wikaghamba, “Mkaung'a udima wada kubonya awa weke mwakilimbiti?” Nao kukakaia na mawaghanyiko aghadi kwawo.

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

MABONYO GHA WADUMI 2:22

“Sikirenyi malagho agha inyo wandu wa Israeli: Jesu wa Nazareti, ni mundu oremanyishiroghe worinyi konyu ni Mlungu kwa mabonyo gha ndighi, alama na mashiniko Mlungu oreribonyereghe kwa kumtumia aghadi konyu sa iji koni mwawuyamanya.

WAFILIPI 1:14

na kaavui ya wanidu wose, wacheemangishwa andenyi ya kumrumiria Bwana, kwa wundu ghwa kufungwa kwapo; nawo wachua wuwana ghojighora ilagho ja Mlungu kuseko na wowa.

WATANYI 6:27

Niko Gideoni ukawada wandu ikumi wa wadumiki wake, ukabonya sa iji koni BWANA oremzerieghe; ela ukabonya maza iro rose nakio, kwa kukaia orekoghe ukiwiobua wandu wa kinyumba cha mzawo, na wandu wa muzi.