JOHANE 2:18 - Biblia Ilagho Jiboie Kwa Wandu Wose

¹⁸ Nao Wayahudi wikamkotia, “Ni alamaki kuibonyagha idiwonyere angu koko na hachi ebonya maza iri?”

JOHANE 2:18 ပူးပေါင်းရင်းမြစ်များ

1 WAZURI 13:3

Nao ukawonyera alama ijo ituku jeni ukighamba, “Ihi niyo alama ewonyera kukaia ni Bwana waghora: Madhabahu ghichabarika, na maivu ghiko aighu yaro ghichadika.”

KUFUMA 7:9

“Farao ukamzera, mmbonyere wuloli ghonyu kwa kubonya mwakilimbiti, kumzere Haruni, uwade zobo yake, na kuikumba andonyi imbiri ya Farao, nayo ichawuya choka.”

MATHAYO 21:23

Nao iji Jesu wangia Hekalunyi, wakohani wabaa na waghosi wa wandu wikamchea ukifundisha wikamkotia, “Kwawuyabonya maza iri kwa nguma iao, nao nani ukunekie nguma ihi?”

MARKO 8:11

Nao Mafarisayo wikacha kwa Jesu, wikazoya kubonya nganyi nao; wikalola alama kwake kufuma mlungunyi, wikimtima.

LUKA 11:29

Nao iji izungu jerekoghe jikichurikia ukazoya kuwizera, “Ichi ni kivalwa cha wuwiwi; chialola weke mwakilimbiti, nacho ndechichaanekwa mwakilimbiti ungi, ela uja moni wa Jona.

JOHANE 1:19

Ughu nigho wushuhuda ghwa Johane, iji wabaa wa Wayahudi weredumieghe Wakohani wabaa na Walawi kwake kufuma Jerusalemu kumkotia; “Welee, oho koko ani?”

JOHANE 1:25

Wikamkotia Johane, “Ikakaia oho kuseko Kristo angu Elija, angu uja mlodi-lee, kwaki sena kubaputizagha?”

JOHANE 6:30

Wikamkotia, “Ni mwakilimbiti uao kubonyagha nesi diwone dikurumirie? Kwabonya kaziki?

MABONYO GHA WADUMI 4:7

Hata iji wawireda na kuwiwika wadumi aghadi kwawo, wikawikotia, “Ni kwa ndighi riao angu kwa irina jani mwabonya ilagho iji?”

MABONYO GHA WADUMI 5:28

“Deremlaghirieghe nandighi msefundishe kwa irina iji, ela hoku mwaichura Jerusalemu yose na mafundisho ghenyu, nenyo mookunda kureda njowe ya bagha ya mundu uhu aighu yedu.”