JOHANE 2:13 - Biblia Ilagho Jiboie Kwa Wandu Wose

¹³ Ngelo ya Ndima ya Pasaka ya Wayahudi erekoghe yavika kaavui, na Jesu ukajoka Jerusalemu.

JOHANE 2:13 ပူးပေါင်းရင်းမြစ်များ

NEHEMIA 13:8

Ngajokwa ni machu loli-loli; ngavikumba cha shighadi vilambo vose va Tobia.

MATHAYO 21:12

Nao Jesu ukangia Hekalunyi, ukawiwinga cha shighadi wandu werekoghe wikiuza na kughua vilambo andenyi ya Hekalu; ukaribingilisha meza ra awo werekoghe wikivunja pesa, na vifumbi va awo werekoghe wikiuza maringo.

MARKO 11:15

Nao wikabusa Jerusalemu. Jesu ukangia Hekalunyi, ukazoya kuwiwinga awa werekoghe wikiuza na kughua andenyi ya Hekalu. Ukaribingilisha meza ra awo werekoghe wikivunja pesa, na vifumbi va awo werekoghe wikiuza maringo.

LUKA 19:45

Nao Jesu ukangia Hekalunyi, ukazoya kuwiwinga cha shighadi awo wereuzagha;

LUKA 2:41

Wavi wake werekoghe wikighenda Jerusalemu kula mwaka kwa Ndima ya Pasaka.

JOHANE 11:55

Idana Ndima ya Pasaka ya Wayahudi erekoghe kaavui, na wandu wengi werejokieghe Jerusalemu, wipate kukuelesha Ndima iyo isevikie.

JOHANE 13:1

Nao imbiri ya Ndima ya Pasaka, Jesu ukimanya angu ngelo yake yavika esigha ughu wurumwengu, uwuye kwa Aba, na seji orekoghe ukiwikunda wandu wake wiko wurumwengunyi, ukawikunda wandu hata kutua.

JOHANE 2:23

Nao iji Jesu orekoghe Jerusalemu kwa Ndima ya Pasaka, wandu wengi weremrumirieghe kwa kuwona awo weke mwakilimbiti orewibonyereghe;

JOHANE 5:1

Nyuma ya maza iro, Jesu ukajoka Jerusalemu kwa Ndima ya Wayahudi.

JOHANE 6:4

Na ija Ndima ya Wayahudi iwangwagha Pasaka erekoghe kaavui.

WUKUMBUSO 16:16

“Wandu wenyu wose wa womi wichaghenda kumtasa BWANA Mlungu onyu mando adadu kwa mwaka, andu BWANA uchaakusaghua. Ngelo ya Ndima ya Mikate isewadie Chachu, na ngelo ya Ndima ya Makuwido, na ngelo ya Ndima ya Viwanda. Wiseghende kumtasa BWANA mikonu miduu.