JOHANE 2:11 - Biblia Ilagho Jiboie Kwa Wandu Wose

¹¹ Mwakilimbiti uhu wa imbiri, Jesu orem'bonyereghe aja Kana muzi ghwa Galilaya; ukaghuwonyera wubaa ghwake, na wanughi wake wikamrumiria.

JOHANE 2:11 ပူးပေါင်းရင်းမြစ်များ

1 WAZURI 17:24

Uja muka ukamzera Elija, “Idana namanya kukaia ko mundu wa Mlungu, hata malagho gha BWANA kwawuyadeda ni gha loli.”

ZABURI 72:19

Irina jake ndejikaso kwa kala na kala, ndoenyi kose kuchuo wubaa ghwake. Amen, Amen.

ZABURI 96:3

Ereshenyi malagho gha wubaa ghwake aghadi ya mbari zima, na kazi rake ra mashiniko aghadi ya wandu wose.

KUFUMA 14:31

Waisraeli wikawona kazi mbaa iyo BWANA oreibonyereghe kwa kuwisima Wamisri, nawo wikamuobua BWANA; wikamrumiria BWANA na mdumiki wake Musa.

KUFUMA 4:9

Wikalegha kukurumiria hata kwa awa weke mwakilimbiti wawi, angu kukusikira; kudae machi kufuma moda ghwa Naili, nao kughidie andonyi na machi ghichawuya bagha aighu ya ndoe iomie.”

MCHILI 9:7

Ghenda kuje vindo vako kukaie na kuboilwa; kunyo divei yako kukaie na iseko, angu Mlungu wakurumirie.

ISAYA 40:5

Niko wubaa ghwa BWANA ghuchafunukulwa, na kula mdamu uchaghuwona; kwa kukaia BWANA waghorie.”

MALAKI 2:2

Ni suti munineke ishima kwa agho m'bonyagha. Mkalemwa ni kunisikira seji nighoragha, nichamredia njowe. Mapato ghenyu nichaghiwasira njowe. Kukakoni namerie kuviwasira njowe, kwa kukaia ndemmbadiagha sharia rapo kwa wulemeri.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:17

Angu Mlungu orefunyireghe Sharia kwa chia ya Musa, ela mvono na loli verechieghe kwa chia ya Jesu Kristo.

JOHANE 1:43

Jesu ukawona uaghenda Galilaya, ukammbona Filipo ukamzera, “Kuninughe.”

JOHANE 1:50

Jesu ukamzera, “Welee, kuarumiria angu nakuzera nakuwonieghe aisi ya mtini? Kuchawona maza mbaa kuchumba iri.”

JOHANE 10:41

Na wandu wengi wikamchea wikighamba, “Johane nderebonyereghe alama ingi, ela malagho ghose oreghighorieghe Johane aighu ya mundu uhu ni gha loli.”

JOHANE 11:15

ela naboilwa kwa wundu ghonyu angu serekoghe aho, eri inyo mpate kurumiria. Elaima dighende kwake.”

JOHANE 11:47

Niko Mafarisayo na wakohani wabaa wikakwanya Mwandu, nawo wikaghamba, “Dibonya wada? Mundu uhu waawuyabonya weke mwakilimbiti wengi.

JOHANE 12:18

Shekeria ya ijo izungu ibaa kummara ni angu weresikireghe kukaia Jesu orebonyereghe uo mwakilimbiti.

JOHANE 12:37

Hata ngera Jesu orebonyereghe awa weke mwakilimbiti wose imbiri yawo, ela ndewererumirieghe kwake anduangi,

JOHANE 12:41

Isaya oreghorieghe malagho agha angu oreghuwonieghe wubaa ghwa Jesu, nao ukaghora malagho ghake.

JOHANE 14:13

Icho chose mchaalomba kwa irina japo, nicham'bonyera; Aba upate kukaswa andenyi ya Mwana.

JOHANE 16:27

angu uo moni wamkunde inyo, kwa kukaia inyo mwanikunda ini, na kurumiria angu nerefumieghe kwa Aba.

JOHANE 16:30

Idana damanya kwaichi vilambo vose, hata ndekukunde mndungi ukukotie ilagho jingi anduangi; kwa huwu darumiria angu korefumieghe kwa Mlungu.”

JOHANE 2:1

Ituku ja kadadu korekoghe na arusi Kana muzi ghwa Galilaya, na mae Jesu orekoghe ahoeni.

JOHANE 2:23

Nao iji Jesu orekoghe Jerusalemu kwa Ndima ya Pasaka, wandu wengi weremrumirieghe kwa kuwona awo weke mwakilimbiti orewibonyereghe;

JOHANE 3:2

Ukamghendia Jesu nakio ukamzera, “Rabi, dakumanya angu ko mwalimu udumilo kufuma kwa Mlungu, angu ndekuwadie mndungi udimagha kubonya weke mwakilimbiti awa kuwibonyagha, isaakaia Mlungu oko andwamweri nao.”

JOHANE 4:3

Niko iji Bwana wamanya agho, ukafuma Judea na kuwuya sena Galilaya;

JOHANE 4:46

Jesu ukawuya sena Kana muzi ghwa Galilaya andu oreghalusireghe machi ghikawuya divei, na aho korekoghe na m'baa umu, mwana wake orekoghe mkongo aja Kafarnaumu.

JOHANE 4:54

Uhu orekoghe mwakilimbiti wa kawi orebonyeroghe ni Jesu nyuma ya kucha Galilaya kufuma Judea.

JOHANE 5:23

wose wipate kum'bonyera ishima Mwana, sa iji koni wim'bonyeragha ishima uja Aba wori. Uhu usem'bonyeragha uja Mwana ishima, ndem'bonyeragha ishima uja Aba oremdumieghe wori.

JOHANE 6:14

Waja wandu wiendawona uo mwakilimbiti orebonyekieghe wikaghamba, “Kwa loli uhu nuo uja Mlodi uchagha wurumwengunyi.”

JOHANE 6:2

Izungu ibaa ja wandu jikamnugha, angu werewonieghe weke mwakilimbiti orewibonyereghe kwa kuwiboisa awo werekoghe wakongo.

JOHANE 6:26

Jesu ukawitumbulia, “Namghoria loli, mwaawuyanilola, si angu morewonieghe uja mwakilimbiti anduangi, ela ni iji morejieghe ija mikate mkaghuda.

JOHANE 6:30

Wikamkotia, “Ni mwakilimbiti uao kubonyagha nesi diwone dikurumirie? Kwabonya kaziki?

JOHANE 7:31

Elaima wengi wa awo werekoghe izungunyi wikarumiria kwake wikighamba, “Welee, iji Kristo uchaacha, uchabonya weke mwakilimbiti kuchumba awa wibonyero ni uhu mundu?”

JOHANE 9:16

Mafarisayo wamu wikaghamba, “Mundu uhu nderefumieghe kwa Mlungu kungi, angu useiwadagha sharia ya Sabato.” Ela wazima wikaghamba, “Mkaung'a udima wada kubonya awa weke mwakilimbiti?” Nao kukakaia na mawaghanyiko aghadi kwawo.

2 WAKORINTHO 3:18

Na isi diwose, dikikaia na wushu ghusefinikiro, daghuzighana wubaa ghwa Bwana sa kwa kilole, na kughaluswa hata divikie kufwanana nao, kwa ugho wubaa ghuchumbie; angu maza iri riafuma kwa Bwana, uo uko Roho.

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

WUKUMBUSO 5:24

wikighamba, ‘Ola BWANA Mlungu odu wadiwonyera wubaa ghwake na ndighi rake, nesi dasikira lwaka lwake aghadi ya modo; dawona idime kukaia yadimika Mlungu ughore na mdamu sena ukaie moyo.

1 JOHANE 5:13

Namwandikia malagho agha, inyo mrumiriagha kwa irina ja Mwana wa Mlungu, eri mpate kumanya angu moko na irangi ja kala na kala.