JOHANE 2:10 - Biblia Ilagho Jiboie Kwa Wandu Wose

¹⁰ ukamzera, “Kula mundu wadaneka wandu divei iboie kiimbiri, wandu wikanywa na ndighi, niko uredagha ija ya machi-machi. Ela oho kwaduagha na divei iboie hata idana!”

JOHANE 2:10 ပူးပေါင်းရင်းမြစ်များ

KUZOYA 43:34

Vindo verekoghe vikibeghwa na kuwaghilwa kula mundu iwaghio jake kufuma mezenyi kwa Josefu, ela Benjamini ukabeghelwa vipimo visanu kuchumba kula umu wawo. Nawo wikaja, wikanywa, na kuboilwa chiaimweri nao.

ZABURI 104:15

ufunye divei em'bonya uboilo, na mavuda ghem'bonya usisine, na mkate ghomneka ndighi.

LUMBO 5:1

Nangia mbuwenyi kwapo wangolo, bibi arusi wapo niwaye manemane na vilungo vapo; nije wuki na mando ghapo gha choki; ninyo divei na mariwa ghapo. Jenyi wakundwa munyo; Nyonyi hata mmbongero ni lukundo.

MATHAYO 24:49

Nao uzoye kuwikaba wadumiki wambao na kuja na kunywa andwamweri na wawongeri;

LUKA 12:45

Ela uja mdumiki ukaghamba moni ngolonyi kwake, Bwana wapo waamuka, nao uzoye kuwikaba wadumiki wambao wa waka na wa womi, na kuja na kunywa na kuwongia,

LUKA 16:25

“Ela Abrahamu ukamtumbulia, ‘Mwanwapo, kumbuka seji korekoghe kukikaia ndoenyi; korepatireghe maza rako ndicha, na Lazaro wokoni orepatireghe rizamie, nao idana uo aha wahoreshwa na oho kuatirirwa.

MABONYO GHA WADUMI 2:15

Wandu awa ndewiwongerie seji mugheshagha, angu idana ni saa idadu ra dime;

1 WAKORINTHO 11:21

Angu mkakaja, kula mundu wadaja vindo vake moni; na mndumu ooka njala, na umu waawongia.

WAEFESO 5:18

Msakewongia kwa divei, angu aho koko na kunoneka; ela mchulo ni Roho,

1 WATHESALONIKE 5:7

Angu awo wilalagha wadalala nakio, na awo wiwongiagha wadawongia nakio.

WUFUNUO 17:2

ijo wazuri wa ndoenyi wibonyere wulaki najo, na wandu wa ndoenyi wiwongerie kwa divei ya wulaki ghwake.”

WUFUNUO 17:6

Nani neremmbonieghe uo muka uwongerelo ni bagha ya waeli, na ya wandu werebwaghiloghe kwa wundu ghwa kumshuhudia Jesu. Hata iji neremmbonieghe, ngashinika na ndighi.