JOHANE 17:8 - Biblia Ilagho Jiboie Kwa Wandu Wose

⁸ kwa kukaia nawinekie ijo ilagho koreninekieghe, nawo wikajiwada na kumanya kwa loli angu nedefuma kwako; sena wikarumiria angu ni oho korenidumieghe.

JOHANE 17:8 ပူးပေါင်းရင်းမြစ်များ

MAKATANISHO 1:23

Ngamkania msikire; nichamneka njama ndicha, na kummanyisha agho nighiichi.

MAKATANISHO 1:3

Ghichakufundisha kukaia na irangi jekumazira nicha; kukaia mloli na mhachi na mucha.

MAKATANISHO 2:1

Mwana wapo, wadia mafundisho ghapo, hata kuseliwe malaghiro ghapo.

MAKATANISHO 4:10

Mwana wapo, sikira agho nikughoriagha kughirumirie, kupate kudua moyo luma.

MAKATANISHO 8:10

Saghua mafundisho ghapo, wulalo ghwa feza; na kumanya, wulalo ghwa dhahabu ieleshero.

MATHAYO 13:11

Jesu ukawitumbulia, “Inyo mwanekelo kurimanya ngasu ra wuzuri ghwa mlungunyi, ela awo ndewinekelo anduangi.

JOHANE 12:49

Angu sereghorieghe kwa nguma rapo reni anduangi, ela Aba orenidumieghe nuo oreninekieghe momu, nidede ghiao, na nighore ghiao.

JOHANE 14:10

Welee, ndekurumirie angu ini neko andenyi kwa Aba, na Aba oko andenyi kwapo? Malagho ghose nawuyamghoria siwueghora kwa nguma yapo anduangi, ela uja Aba uko andenyi kwapo, nuo wawuyabonya kazi rake.

JOHANE 15:15

Simmbangagha wadumiki sena, angu mdumiki ndemanyagha agho bwana wake ubonyagha anduangi. Ela ini nammbanga waghenyi wapo, angu namgorie malagho ghose nereghisikireghe kwa Aba.

JOHANE 16:27

angu uo moni wamkunde inyo, kwa kukaia inyo mwanikunda ini, na kurumiria angu nerefumieghe kwa Aba.

JOHANE 16:30

Idana damanya kwaichi vilambo vose, hata ndekukunde mndungi ukukotie ilagho jingi anduangi; kwa huwu darumiria angu korefumieghe kwa Mlungu.”

JOHANE 17:14

Nawinekie ilagho jako, wikazamia wurumwengu, angu wiseko wa wurumwengu; seji ini wori niseko wa wurumwengu anduangi.

JOHANE 17:18

Sa iji oho korenidumieghe wurumwengunyi, nani wokoni nawiduma awo wurumwengunyi;

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.

JOHANE 17:23

Ini nikaie andenyi kwawo, na oho kukaie andenyi kwapo, wipate kukaia kindo chimweri putu; eri wurumwengu ghupate kumanya angu korenidumieghe, na angu oho kwawikunde awo, sa iji kunikunde ini.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

JOHANE 3:17

Angu Mlungu nderemdumieghe Mwana wake ughutanye wurumwengu anduangi, ela ughukire wurumwengu.

JOHANE 3:33

Uo ughurumiriagha wushuhuda ghwake wadahakikisha kwa ilagho iji: Mlungu ni mloli.

JOHANE 6:68

Simoni Petro ukamtumbulia, “Bwana, dimghendia ani? Oho koko na malagho gha irangi ja kala na kala.

JOHANE 8:42

Jesu ukawizera, “Ngera loli Mlungu odeeka ndeyo, kumangu mwanikunda ini; angu nerefumieghe kwa Mlungu ngacha aha, nani serechieghe kwa nguma rapo ini moni anduangi, ela uo nuo orenidumieghe.

1 WAKORINTHO 11:23

Angu agho mafundisho nereghiwusireghe kufuma kwa Bwana, nigho gheni neremnekieghe; kukaia, chija kio Bwana Jesu orefunyiroghe, orewadieghe mkate;

1 WAKORINTHO 15:1

Idana wanidu, nakunde kumkumbusa seji neremchilieghe ijo Ilagho Jiboie, najo nijo morejiwusireghe; nenyo mkajimazira nicha;

WUKUMBUSO 18:18

Nichawiwusiria mlodi ufumagha aghadi ya waruna uko sa oho, nani nichamghoria malagho ghapo, agho uchaawighoria.

1 WATHESALONIKE 2:13

Wokoni dadamfunyira Mlungu chawucha kwa wundu ughu, kukaia, mwendajiwusa ilagho ja Mlungu, ijo morejisikireghe kufuma kodu, morejirumirieghe; si sa ilagho ja wadamu anduangi, ela morejirumirieghe sa iji koni jiko ilagho ja Mlungu, ijo jibonyagha kazi andenyi konyu inyo warumirii.

1 WATHESALONIKE 4:1

Kutua wanidu, damvoya na kumshashira inyo andenyi ya Bwana Jesu, kukaia, sa iji koni morekufundishireghe kodu seji imfwane kughenda, na kum'boia Mlungu seji koni mwawuyabonya, mchurie kubonya woruwo koni.

1 JOHANE 4:14

Nesi dawonie, sena dashuhudia, angu uja Aba oremdumieghe Mwana wake ukaie Mkiri wa wurumwengu.

WUFUNUO 1:1

Wufunuo ghwa Jesu Kristo, ugho Mlungu oremnekieghe uwiwonyere wadumiki wake iro maza riko suti rikaie kafwani. Na Kristo ukamduma malaika wake urimanyishe kwa mdumiki wake Johane;