JOHANE 17:6 - Biblia Ilagho Jiboie Kwa Wandu Wose

⁶ “Nakubonyere kumanyike kwa wandu awa koreninekieghe wurumwengunyi. Werekoghe wako, kukanineka ini; nawo wamerie kujiwada ilagho jako.

JOHANE 17:6 ပူးပေါင်းရင်းမြစ်များ

ZABURI 119:11

Najiwikie Ilagho jako ngolonyi kwapo, nisechekubonyera kaung'a.

ZABURI 22:22

Nichawighoria wanidu malagho kubonyere, na kukukasa andenyi ya ikwanyiko.

KUFUMA 9:16

ela neekusigha moyo tu nipate kuwonyera ndighi rapo, eri irina japo jipate kughorwa ndoenyi kose.

MAKATANISHO 2:10

Kuchakaia na hikima, na kumanya kwako kuchakuredia maboilo.

MAKATANISHO 23:23

Kughuo loli, ela kuseiuze; pata hikima, mafundisho, na kutambukilwa.

JOHANE 1:18

Jingi mndungi nderemmbonieghe Mlungu anduangi, ela Mwana wa ititi, uhu uko laghenyi kwa Aba, nuo ummanyishire.

JOHANE 12:28

Aba, jikase irina jako.” Nao lwaka lukacha kufuma mlungunyi, “Nameria kujikasa sena nichajikasa.”

JOHANE 15:19

Ngera modeeka wandu wa wurumwengu, kumangu wurumwengu ghwamkunda sa wandu wake; ela kwa kukaia neremsaghueghe kufuma wurumwengunyi, niko mseko wa wurumwengu; kwa wundu ughu, wurumwengu ghwazamilwa ni inyo.

JOHANE 15:3

Inyo mwameria kuela kwa wundu ghwa jija ilagho neremghorieghe.

JOHANE 15:7

Mkakaia andenyi kwapo, na malagho ghapo ghikakaia andenyi konyu, mchalomba icho chose mkundagha nenyo mchanekwa.

JOHANE 17:12

Iji nerekwanyeghe nawo, nerewiwikieghe banana kwa ijo irina jako koreninekieghe. Nawilindirie, hata ungi nderelagharieghe, ela uo mwana wa kutota; eri maandiko ghikatisho.

JOHANE 17:14

Nawinekie ilagho jako, wikazamia wurumwengu, angu wiseko wa wurumwengu; seji ini wori niseko wa wurumwengu anduangi.

JOHANE 17:16

Awo ndewiko wa wurumwengunyi, sa iji koni ini niseko wa wurumwengunyi.

JOHANE 17:2

Angu koremnekieghe nguma aighu ya wadamu wose, uwineke irangi ja kala na kala waja koremnekieghe.

JOHANE 17:24

“Aba, nakunda awo koreninekieghe wikaie andwamweri nani andu niko ini; wipate kughuwona ugho wubaa ghwapo koreninekieghe, angu korenikundieghe ini imbiri wurumwengu ghuseumbilo.

JOHANE 17:26

Nameria kukubonya kumanyike kwawo, nani nichachuria kubonya wokoni, eri ulo lukundo kunikunde nalo lukaie andenyi kwawo, nani nipate kukaia andenyi kwawo.”

JOHANE 17:7

Idana wamerie kumanya vose kuninekie vedefuma kwako;

JOHANE 18:9

(Oreghorieghe agho kukatisha ilagho oreghorieghe, “Awo koreninekieghe simlaghashire ungi anduangi.”)

JOHANE 6:37

Awo wose Aba uninekagha wichacha kwapo; na uo uchagha kwapo, na jingi sichaammbinga anduangi.

JOHANE 6:39

Na lukundo lwake Uo orenidumieghe nilo ulu: niselaghashe hata umweri wa awo oreninekieghe, ela niwirukishe Ituku ja kutua mbai.

JOHANE 8:51

Namghoria loli, uo usikiragha mafundisho ghapo ndechaafwa anduangi.”

JOHANE 8:52

Wayahudi wikamzera, “Idana damanya loli angu koko na pepo. Abrahamu wafue, na walodi wafue, na oho kwadizera wei, ‘Uo usikiragha mafundisho ghapo ndechaafwa anduangi.’

MABONYO GHA WADUMI 13:48

Nao iji wandu wa mbari zima wasikira huwo, wikaboilwa na kujikasa ilagho ja Mlungu; na awo wose weretaliloghe kukaia wandu wepata irangi ja kala na kala, wikarumiria.

WAROMA 11:2

Mlungu ndewileghie wandu wake awo orewimanyireghe kufuma imbiri. Wele ndemmanyire agho ghighorelo ni Maandiko aighu ya Elija seji orekoghe ukimvoya Mlungu aighu ya Israeli ukighamba,

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

WAKOLOSAI 3:16

Ilagho ja Kristo ndejikaie andenyi konyu kwa wungi, mkifundishana na kuwonyerana mmbeni na mmbeni kwa hikima yose. Mkibora zaburi, na chumbo, na chumbo ra kiroho; mkimfunyira Mlungu chawucha ngolonyi konyu.

2 TIMOTHEO 1:13

Nugha mfwano ghwa malagho gha loli, agho koreghisikireghe kwapo, kwa irumirio na lukundo luko andenyi ya Kristo Jesu.

WAEBRANIA 2:12

ukighamba, “Nichawichilia wanidu irina jako, na aghadi ya izungu, nichakukasa.”

WAEBRANIA 3:6

Ela Kristo, orekoghe mloli aighu ya nyumba ya Mlungu sa Mwana. Nesi de nyumba yake, ikakaia daghumazira wuwana ghodu, na kumanga andenyi ya isuwirio jedu.

1 PETRO 1:1

Ini Petro mdumi wa Jesu Kristo, nawiandikia awo wiwingilo na kusaghisika masanga gha Ponto, Galatia, Kapadokia, Asia, na Bithunia.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.

WUFUNUO 3:10

Kwa kukaia kwajiwadie ijo ilagho ja kurumaghia luma kwapo, nani nichakulindia ngelo iyo ighucheagha wurumwengu ghose kuwitima awo wikaiagha ndoenyi.

WUFUNUO 3:8

Narimanya kazi rako. Ola nakuwikia mnyango ghuari, ugho mndungi usedimagha kughurugha anduangi; namanya ndighi rako ni ndini, ela sena kwajilindirie ilagho japo, hata ndekujikanie irina japo anduangi.