JOHANE 17:4 - Biblia Ilagho Jiboie Kwa Wandu Wose

⁴ Nakukasa oho aha ndoenyi, naimeria ija kazi koreninekieghe niibonye.

JOHANE 17:4 ပူးပေါင်းရင်းမြစ်များ

LUKA 22:37

Angu namghoria, suti Maandiko agha ghikatie, ‘Oretaliloghe andwamweri na wakosi,’ na kula iandiko jiandikilo kwa wundu ghwapo, suti jikatisho.”

JOHANE 12:28

Aba, jikase irina jako.” Nao lwaka lukacha kufuma mlungunyi, “Nameria kujikasa sena nichajikasa.”

JOHANE 14:13

Icho chose mchaalomba kwa irina japo, nicham'bonyera; Aba upate kukaswa andenyi ya Mwana.

JOHANE 14:31

Ela yafwane wurumwengu ghumanye angu namkunde Aba, niko nawuyabonya sa iji koni orenilaghirieghe. Wukenyi difume aha.

JOHANE 15:10

Iji mwaiwadia memu yapo mchakaia andenyi ya lukundo lwapo; wokoni seji ini niiwadie memu ya Aba na kukaia andenyi ya lukundo lwake.

JOHANE 19:28

Nyuma ya agha, Jesu ukimanya angu maza rose ramerelwa eri maandiko ghikatisho ukaghamba, “Naoma.”

JOHANE 19:30

Nao iji Jesu waitoa iyo siki, ukaghamba, “Yasia.” Ukaghoghomesha chongo chake ukaifunya roho yake.

JOHANE 4:34

Jesu ukawizera, “Vindo vapo ni kubonya lukundo lwa uo orenidumieghe na kuimeria kazi yake.

JOHANE 5:36

“Ela neko na wushuhuda m'baa kuchumba ugho ghwa Johane. Angu iro kazi niribonyagha, iro Aba oreninekieghe niribonye, niro reni rinishuhudiagha kukaia uo orenidumieghe ni Aba.

JOHANE 9:3

Jesu ukawitumbulia, “Mundu uhu nderebonyereghe kaung'a, hata wavi wake anduangi; ela odevalwa kitungure eri kazi ra Mlungu ripate kufunukuka andenyi kwake.

MABONYO GHA WADUMI 20:24

Ela ini sitalie irangi japo kukaia kindo chingi kwapo anduangi, ikakaia tu nadima kuimeria kazi na wudumiki Bwana Jesu uninekie ghojishuhudia Ilagho Jiboie ja mvono ghwa Mlungu.

2 TIMOTHEO 4:7

Namerie kulwa ghuja wuda ghuboie, namerie mwendo ghwapo, na irumirio najilindirie.