JOHANE 17:3 - Biblia Ilagho Jiboie Kwa Wandu Wose

³ Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

JOHANE 17:3 ပူးပေါင်းရင်းမြစ်များ

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

2 MALAGHO GHA NGELO 15:3

Kwa ngelo ndacha wandu wa Israeli werekoghe wiseko na Mlungu wa loli, wiseko na mkohani owifundisha, hata wiseko na sharia;

ZABURI 9:10

Na awo wikuichi wadakusaghika kwako, angu oho ee BWANA ndekuwisighie awo wikulolagha anduangi.

MAKATANISHO 8:35

Mundu ukaniwona waawona irangi, na BWANA uchaboilwa nao.

ISAYA 48:16

Idana soghodenyi kaavui na ini msikire, kufuma kuzoenyi ini sighorie kwa ngasu; hata ingelo ghicheebonyeka, ini nerekoghe aeni.” Na idana Bwana MLUNGU wamerie kuniduma kwa wulongozi ghwa Roho wake.

ISAYA 53:11

nao uchawona matunda gha wasi ghwa roho yake na kukatwa; kwa wundu ghwa kumanya kwa hachi yake, mdumiki wapo uchawibonya wengi kutalwa kukaia na hachi, nao uchaduka mawiwi ghawo.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

MARKO 9:37

“Uo ose uchammbusa mwana ungi sa uhu kwa irina japo, waniwusa ini, na uo ose uniwusagha ini-lee, ndeniwusagha ini anduangi, ela wammbusa uo orenidumieghe.”

LUKA 9:48

ukawizera, “Uo ose uchaammbusa mwanake uhu kwa irina japo, uaniwusa ini; na uo ose uniwusagha ini, uammbusa uo orenidumieghe. Angu uo uko mtini putu aghadi konyu, nuo moni m'baa.”

JOHANE 10:36

welee, uja oreelesheroghe ni Aba, na kudumwa wurumwengunyi, inyo mwamzera, ‘Kwaawuyasholia,’ angu nighorie ‘Ini ne Mwana wa Mlungu?’

JOHANE 11:42

nani neremanyireghe angu oho kwadanisikira ngelo rose. Ela naghighora agha kwa wundu ghwa wandu wiko kimusi aha; wipate kurumiria angu ni oho korenidumieghe.”

JOHANE 14:26

ela uja Mtesia uja Roho Mweli, Uo Aba uchaamduma kwa irina japo, uchamfundisha kula ilagho, na kumkumbusa maza rose neremghorieghe.

JOHANE 17:18

Sa iji oho korenidumieghe wurumwengunyi, nani wokoni nawiduma awo wurumwengunyi;

JOHANE 17:21

Aba, nalomba angu wose wikaie kindo chimweri andenyi kodu; seji oho Aba kuko andenyi kwapo, na ini andenyi kwako. Nawo wikaie kindo chimweri, wurumwengu ghupate kurumiria angu ni oho korenidumieghe.

JOHANE 17:23

Ini nikaie andenyi kwawo, na oho kukaie andenyi kwapo, wipate kukaia kindo chimweri putu; eri wurumwengu ghupate kumanya angu korenidumieghe, na angu oho kwawikunde awo, sa iji kunikunde ini.

JOHANE 17:25

Ee Aba wa hachi, wurumwengu ndeghukuichi oho, ela ini nakuichi, na awa waichi angu ni oho korenidumieghe.

JOHANE 17:8

kwa kukaia nawinekie ijo ilagho koreninekieghe, nawo wikajiwada na kumanya kwa loli angu nedefuma kwako; sena wikarumiria angu ni oho korenidumieghe.

JOHANE 3:17

Angu Mlungu nderemdumieghe Mwana wake ughutanye wurumwengu anduangi, ela ughukire wurumwengu.

JOHANE 3:34

Uo udumilo ni Mlungu wadaghora malagho gha Mlungu, angu Mlungu wadamneka roho wake kuseko na kupima.

JOHANE 5:44

Mdima wada kurumiria mkinekana wubaa mmbeni na mmbeni, nenyo msekunde kughulola ugho wubaa ghufumagha kwa Mlungu moni?

JOHANE 6:57

Sa iji koni Aba uko moyo orenidumieghe, nani nakaia moyo kwa wundu ghwa Aba, huwo koni uo unijagha ini uchakaia moyo kwa wundu ghwapo wori.

JOHANE 7:29

Ela ini namwichi angu nerefumieghe kwake, nao nuo orenidumieghe.”

JOHANE 8:19

Nao wikamkotia, “Ndeyo oko hao?” Jesu ukawitumbulia, “Inyo ndemuniichi, hata na Aba ndemumwichi. Ngera modenimanya, kumangu na Aba mwamwichi.”

1 WAKORINTHO 15:34

Kuwurienyi; sighenyi kubonya kaung'a. Angu wamu ndewimwichi Mlungu anduangi. Naghora huwu kumfusha waya inyo.

1 WAKORINTHO 8:4

Wokoni na kuja vindo vifunyiro kizongona kwa milimu, isi damanya angu “Milimu si kilambo chingi,” na angu Mlungu ungi mzima ndeuko, ela umweri.

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

WAFILIPI 3:10

niwonemmanya uo, nandighi ya kuruka kwake, nikaie mngara wa matiriro ghake, na kufwanana nao kwa kufwa kwake;

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

2 WATHESALONIKE 1:8

Nao uchalipia ngenga aighu ya wandu wose wisemwichi Mlungu, na aighu ya awo wose wawuyajilegha ijo Ilagho Jiboie ja Bwana odu Jesu.

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

2 PETRO 1:2

Mvono na sere nderichurikie konyu kwa kummanya Mlungu na Jesu Bwana odu.

2 PETRO 1:3

Mlungu, kwa ndighi rake ra wulungu, wadinekie vilambo vose vifwanagha irangi na kuobua kwa Mlungu; kwa chia ya kummanya uo orediwangieghe dingie andenyi ya wubaa ghwake na wucha ghwake moni.

2 PETRO 1:8

Angu mkakaia na maza iri kwa wungi, richam'bonya msekaie waghadi, hata kulemwa ni mabonyo ghiwonyeragha uko kummanya Bwana odu Jesu Kristo.

1 JOHANE 1:2

Irangi ijo jerewonyeroghe worinyi, nesi dajiwonie, na kujishuhudia; najo damchilia inyo, ijo irangi ja kala na kala, jerekoghe andwamweri na uja Aba, na kuwoneka worinyi kodu.

1 JOHANE 1:3

Ijo Ilagho dijiwonie na kujisikira, damchilia inyo wori, eri mpate kukaia na wungara nesi. Na wungara ghodu, ni andwamweri na uja Aba, na Mwana wake Jesu Kristo.

1 JOHANE 2:23

Ndekuwadie mndungi umkanagha uja Mwana, ima sena ukaie na uja Aba; uo ose umrumiriagha uja Mwana, oko na uja Aba wori.

1 JOHANE 4:6

Isi de wa Mlungu. Uo ose ummanyagha Mlungu wadadisikira; na uo useko wa Mlungu ndeudisikiragha. Kwa chia ihi dammanya uo Roho wa loli, na uo roho wa tee.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.