JOHANE 16:2 - Biblia Ilagho Jiboie Kwa Wandu Wose

² Wandu wichammbinga sunagoginyi rawo, sena ngelo iacha uo ose ucham'bwagha inyo, uchaghesha wei, uamdumikia Mlungu.

JOHANE 16:2 ပူးပေါင်းရင်းမြစ်များ

ISAYA 65:5

Nawo wawizera wambao, ‘Kaienyi kula nesi, msedisoghodere; kwa kukaia isi daelie.’ Wandu awa wakaia sa mosi mbuonyi kwapo na modo ghuserimikagha matuku ghose.

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

DANIELI 11:33

Wandu wiko na hikima aghadi ya awo wandu, wichawifundisha wengi; hata ngera wichabwaghwa kwa lufu, angu kukorwa, angu kubarishwa kwa ngelo imu.

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

MATHAYO 24:9

“Wichamfunya mtiriro na kubwaghwa, nenyo mchamenywa ni mbari rose kwa wundu ghwa irina japo.

LUKA 6:22

Mwarasimilwa inyo kasikira wandu wazamilwa ni inyo, na kumlegha, na kumsholia na kujinona irina jenyu, kwa wundu ghwa Mwana wa Mdamu.

JOHANE 12:42

Elaima sena, wengi wa vilongozi wa Wayahudi weremrumirieghe Jesu; ela kwa wundu ghwa Mafarisayo, ndewereghorieghe worinyi anduangi, angu wereobueghe kuwingwa sunagoginyi;

JOHANE 16:25

“Namghoria malagho agha kwa mifwano. Ngelo iacha nani sichaaghora nenyo kwa mifwano anduangi, ela nichamghoria worinyi maza ra uja Aba.

JOHANE 16:32

Ngelo iacha, nayo yameria kuvika, inyo mmbose mchasaghiswa kula mundu ughende andu kwake; na ini nichasigharika niekeri. Ela siko niekeri anduangi, kwa kukaia Aba oko andwamweri nani.

JOHANE 4:21

Jesu ukamzera, “Muka, nirumirie; ngelo iacha wandu wisechaamtasa uja Aba aighu ya mghondi ughu, hata andenyi ya Jerusalemu wori.

JOHANE 4:23

Ela ngelo iacha, hata idana eko aeni, watasi wa loli wichamtasa uja Aba loli, kwa ndighi ra Roho; angu Aba wadawilola wandu wifwane huwo wipate kumtasa.

JOHANE 9:22

Wavi wake wereghorieghe agho kwa kuwiobua vilongozi va Wayahudi, angu ivo vilongozi werepataneghe wei, mndungi ukamghora Jesu kukaia Kristo, uwingo sunagoginyi.

JOHANE 9:34

Wikatumbulia, “Wele kuadifundisha isi, na oho koovailwa kaung'enyi tiki?” Nao wikammbinga noko.

MABONYO GHA WADUMI 5:33

Nao iji wandu wa mwandu wasikira malagho agho, wikajokwa ni machu loli-loli, wikakunda kuwibwagha.

MABONYO GHA WADUMI 7:56

ukaghamba, “Olenyi nawona mlungunyi kwarughulwa, na Mwana wa Mdamu uko kimusi chia ya mkonu ghwa kiwomi ghwa Mlungu.”

1 WAKORINTHO 4:13

dikazighirilwa diavoya; hata idana deeka sa wuchafu wurumwengunyi, nesi dakaia sa makakala gha vilambo vose.

WAFILIPI 3:6

kwa kufunga ndighi, nerejikorongieghe ikanisa; kunughana na hachi ipatikagha kwa Sharia, serekoghe na ikosa jingi anduangi.

WUFUNUO 6:9

Hata iji uo Mwana wa Ng'ondi oreghufungueghe ugho muhuri ghwa kasanu, nerewonieghe aisi ya madhabahu roho ra wandu werebwaghiloghe kwa wundu ghwa ijo ilagho ja Mlungu, na kwa wundu ghwa wushuhuda werekoghe nagho;

WATANYI 6:30

Wandu wa muzi wikamzera Joashi, “Funya mwana wako upate kubwaghwa, angu wamerie kuichikanya madhabahu ya Baali na kuinja Ashera uja orekoghe na mbai yaro.”