JOHANE 13:8 - Biblia Ilagho Jiboie Kwa Wandu Wose

⁸ Petro ukamzera, “Na jingi ndekuchaanioghosha maghu ghapo anduangi.” Jesu ukamzera, “Ngera nisekuoghoshagha maghu-lee, ndekuna wungara ghungi na ini anduangi.”

JOHANE 13:8 ပူးပေါင်းရင်းမြစ်များ

KUZOYA 42:38

Ela Jakobo ukaghamba, “Mwanwapo ndedimagha kughendanya na inyo; mruna wamerie kufwa, oosighwa uekeri. Wadima kupatwa ni ndengwa ingi charonyi. Ini nakaia mghosi, wasi mchaniredia ghuchanibwagha.”

2 SAMUELI 20:1

Nao aeni aho Gilgali kukafumirika mndumu wa kisha-kisha uwangwaghwa Sheba mwana wa Bikri, M'benjamini; ukaikaba tarumbeta ukighamba, “Isi ndediwadie ifungu jingi kwa Daudi, hata ndediwadie ifwa jingi kwa mwana wa Jese. Kula mundu ndeghale cha hemenyi kwake ee Israeli.”

1 WAZURI 12:16

Nao iji wandu wose wa Israeli wawona kukaia mzuri nderewisikireghe, wikamtumbulia mzuri, “Deko na ifunguki kwa Daudi? Isi ndediwadie ifwa jingi kwa mwana wa Jese. Kula Muisraeli ndewuye cha hemenyi kwake! Wen-Daudi ndewikuzighane weni.” Niko Waisraeli wikawuka na kughenda cha hemenyi kwawo.

ZABURI 51:2

Kunioghoshe kiwiwi chapo putu, kunieleshe kaung'a yapo.

ZABURI 51:7

Kunieleshe kwa hisopu, nani nichaela, nioghoshe, nani nichawuya wa chokwa kuchumba theluji.

ISAYA 4:4

ingelo BWANA uchaaoghosha wuchafu ghwa wandu wa Sioni, na bagha idikie Jerusalemu kwa roho ya kutanya, na roho ya modo.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

ZEKARIA 13:1

BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

MATHAYO 16:22

Nao Petro ukamruda kambai ukazoya kumkemia, “Mlungu ndetangale agho putu Bwana, jingi ndeghichaakupata.”

MATHAYO 21:29

Nao ukatumbulia, ‘Sikude!’ Ela konyuma ukahea ukaghenda.

MATHAYO 26:33

Petro ukamzera Jesu, “Hata ngera wose wichakusigha, ela ini sichaakusigha anduangi.”

MATHAYO 26:35

Petro ukamzera, “Hata ngera ichakaia suti difwanye, ini sichaakukana anduangi.” Na waja wanughi wazima wikaghora wokoni.

JOHANE 13:6

Nao ukavika kwa Simoni Petro. Petro ukamzera, “Bwana kuanioghosha maghu?”

JOHANE 13:9

Simoni Petro ukamzera, “Bwana nioghoshe; si maghu ghiekeri, ela hata mikonu na chongo wori.”

JOHANE 3:5

Jesu ukamtumbulia, “Nakughoria loli, ngera mundu usevalo kwa machi na Roho, ndedimagha kungia kwa wuzuri ghwa Mlungu anduangi.

MABONYO GHA WADUMI 22:16

Idana kuweseraki? Wuka kubaputizo, kuoghosho kaung'a rako, kukijiwangia irina jake.’

1 WAKORINTHO 6:11

Nenyo wamu modeeka woruwo; ela mwaoghoshero, mkaeleshwa, mkabonywa wahachi kwa irina ja Bwana Jesu Kristo na kwa Roho wa Mlungu odu.

WAEFESO 5:26

upate kujielesha kwa kujioghosha na machi kwa ilagho;

WUKUMBUSO 12:12

Nenyo mchaboilwa imbiri ya BWANA Mlungu onyu; chiaimweri na wana wenyu wa womi na wa waka, na wadumiki wenyu wa womi na wa waka, na Mlawi uko mzinyi konyu uo usewadie ifungu angu ifwa jingi ja isanga chiaimweri nenyo.

WAKOLOSAI 2:18

Mndungi usakemtanya kwa kuzitiria malagho ghake gha wundu ghwa kukusera, na kutasa weke malaika, ukikusaghika aighu ya kuwona mawono, na kukujosa duu kwa maririkanyo ghake gha kimmbi;

WAKOLOSAI 2:23

Maza iri loli rawoneka kukaia na hikima kwa mundu utasagha kikwake, kukusera kwa tee, na kughutirira mumbi, ela nderitesiagha kughiria mumbi ghusekatishe bea rake anduangi.

TITO 3:5

oredikirieghe; si kwa wundu ghwa mabonyo ghangi gha hachi dibonyere anduangi, ela ni kwa wundu ghwa wughoma ghwake moni kwa chia ya kuoghosha kwa kuvalwa wuwishi, na kubonywa wawishi ni Roho Mweli;

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.