JOHANE 13:5 - Biblia Ilagho Jiboie Kwa Wandu Wose

⁵ Nao ukadungiria machi beseninyi, ukazoya kuwioghosha wanughi wake maghu, na kuwiaghia kwa ija taulu orekufungieghe nayo.

JOHANE 13:5 ပူးပေါင်းရင်းမြစ်များ

KUZOYA 18:4

Kadunyi mredelo machi mwoghoshe maghu ghenyu, mhore katini aisi ya mudi,

KUZOYA 19:2

“Weke bwana wapo, ghalukenyi namvoya mungie nyumbenyi kwapo ini mdumiki onyu, mlale aho, muoghoshe maghu ghenyu, nao mmbuke nakesho mghende chia yenyu.” Wikaghamba, “Hata, isi dichalala ahaeni chienyi.”

KUZOYA 43:24

Nao iji uja mundu wameria kuwireda nyumbenyi kwa Josefu, na kuwineka machi gheoghosha maghu ghawo, na vindo kwa wundu ghwa weke punda wawo,

2 WAZURI 3:11

Mzuri Jehoshafati ukaghamba, “Welee, mlodi ungi wa BWANA ndeko aha dipate kukotia njama kwa BWANA?” M'baa umu wa mzuri wa Israeli ukatumbulia, “Elisha mwana wa Shafati oko aeni aha; nuo orekoghe mdumiki wa Elija.”

ZABURI 51:2

Kunioghoshe kiwiwi chapo putu, kunieleshe kaung'a yapo.

KUFUMA 29:4

“Kumrede Haruni na wana wake mnyangonyi ghwa Hema Ekwania, na kuwioghosha kwa machi.

ISAYA 1:16

Kuoghoshenyi mmbeni, mkaie muelie; sighenyi kubonya mawiwi imbiri kwapo; lekenyi kubonya makosa.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

WALAWI 14:8

Niko uo mundu ukundagha kueleshwa, uchaoghosha nguwo rake na kuara iridia jake, na kukuoghosha machinyi, nao uchaela. Ukafuma aho, uchacha kambinyi; ela uchakaia shighadi ya hema yake kwa matuku mfungade.

ZEKARIA 13:1

BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

LUKA 7:38

ukakaia kimusi na nyuma kaavui na maghu gha Jesu ukilila, na mbori rake rikamtonyera maghunyi, nao ukaghiaghia kwa iridia jake; ukasusugha maghu ghake na kughishinga agho marumba.

LUKA 7:44

Nao ukimghalukia muka ukamzera Simoni, “Kwammbona muka uhu? Kufuma nangia nyumbenyi kwako ndekuninekie machi gheoghosha maghu ghapo, ela uo wanioghosha maghu ghapo kwa mbori rake, na kughiaghia kwa iridia jake.

JOHANE 13:10

Jesu ukamzera, “Uo wameria kukuoghosha ndewuyaakunda kukuoghosha sena, ela maghu gheni; angu wameria kuela. Nenyo mwaelie, ela si inyo mmbose anduangi.”

JOHANE 13:6

Nao ukavika kwa Simoni Petro. Petro ukamzera, “Bwana kuanioghosha maghu?”

JOHANE 13:8

Petro ukamzera, “Na jingi ndekuchaanioghosha maghu ghapo anduangi.” Jesu ukamzera, “Ngera nisekuoghoshagha maghu-lee, ndekuna wungara ghungi na ini anduangi.”

JOHANE 19:34

Ela asikari umu ukamdunga luwarunyi kwake na ifumu, nao shwa wori ikafuma bagha na machi.

MABONYO GHA WADUMI 22:16

Idana kuweseraki? Wuka kubaputizo, kuoghosho kaung'a rako, kukijiwangia irina jake.’

1 WAKORINTHO 6:11

Nenyo wamu modeeka woruwo; ela mwaoghoshero, mkaeleshwa, mkabonywa wahachi kwa irina ja Bwana Jesu Kristo na kwa Roho wa Mlungu odu.

WAEFESO 5:26

upate kujielesha kwa kujioghosha na machi kwa ilagho;

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

1 JOHANE 5:6

Jesu Kristo nuo orechieghe kwa machi na bagha; hata si kwa machi gheni ghiekeri anduangi, ela kwa machi na bagha.

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.

WATANYI 19:21

Ukamdwa cha nyumbenyi kwake, ukawineka weke punda vindo, wikaoghosha maghu ghawo, wikaja na kunywa.

1 SAMUELI 25:41

Nao Abigaili ukawuka, ukaghoghoma hata ukadunga wushu ghwake andonyi na kughamba, “Ola mdumiki wako oko aha kuoghosha maghu gha wadumiki wake bwana wapo.”