JOHANE 13:10 - Biblia Ilagho Jiboie Kwa Wandu Wose

¹⁰ Jesu ukamzera, “Uo wameria kukuoghosha ndewuyaakunda kukuoghosha sena, ela maghu gheni; angu wameria kuela. Nenyo mwaelie, ela si inyo mmbose anduangi.”

JOHANE 13:10 ပူးပေါင်းရင်းမြစ်များ

MCHILI 7:20

Ndekuwadie mhachi ungi ndoenyi ubonyagha hachi iekeri jingi usebonyagha kaung'a.

LUMBO 4:7

Kwaghokie kwaki huwu mkundwa; ndekuwadie kakana ingi.

JEREMIA 50:20

Matuku agho na ngelo iyo, wandu wichalola wuwiwi andenyi ya Israeli wiisowe; wichalola kaung'a andenyi ya Israeli wighusowe; wichalola kaung'a andenyi ya Juda, nawo ndewichaaiwona, kwa kukaia nichawifuya wughoma awo nichaawisighara.”

WALAWI 16:26

Uo mundu ughenjere mburi kwa Azazeli, uchaoghosha nguwo rake, na kukuoghosha uo moni na machi; ima uchengia kambinyi.

WALAWI 16:28

Mundu uchaavikora suti uoghoshe nguwo rake nyuma ya kuvikora, na kukuoghosha uo moni na machi, ima ungie kambinyi.

MATHAYO 6:12

Kudilekie makosa ghedu, sa iji koni isi diwilekie awa widikosere;

JOHANE 13:18

“Siwueghora huwu kwa inyo mmbose anduangi, angu nawiichi awa niwisaghue, ela ni suti Maandiko ghikatie, agho ghighambagha, ‘Uo dijanye vindo vapo, waghalukie ulo nani.’

JOHANE 13:9

Simoni Petro ukamzera, “Bwana nioghoshe; si maghu ghiekeri, ela hata mikonu na chongo wori.”

JOHANE 15:3

Inyo mwameria kuela kwa wundu ghwa jija ilagho neremghorieghe.

2 WAKORINTHO 5:17

Kwa huwo ngera mndungi oko andenyi ya Kristo, wakaia iumbo iwishi, maza ra kala rameria kuida, na iro mbishi rameria kucha.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

2 WAKORINTHO 7:1

Idana kwa kukaia deko na malaghiro agha wakundwa, yadifwana dikueleshe isi diweni wuchafu ghose ghwa mumbi na roho, na kughukatisha wueli kwa uko kuobua kwa Mlungu.

1 WATHESALONIKE 5:23

Uo Mlungu moni wa sere, ndemueleshe inyo putu; roho renyu, na nia renyu, na mimbi yenyu; ikilindilwa nicha kuseko na ikosa jingi hata ngelo ya kucha kwake Bwana odu Jesu Kristo.

WAEBRANIA 9:10

ela gheeka kwa wundu ghwa vindo, kunywa, na kuogha; naro ni sharia ra mumbi riwikilo hata ivike ngelo ebonya maghaluso.

JAKOBO 3:2

Isi diwose dabonyagha makosa mengi; na ikakaia oko mndungi usedimagha kubonya makosa kwa agho ughoragha, uo ni mundu ukatie; udimagha kughumazira mumbi ghose wori.