JOHANE 13:1 - Biblia Ilagho Jiboie Kwa Wandu Wose

¹ Nao imbiri ya Ndima ya Pasaka, Jesu ukimanya angu ngelo yake yavika esigha ughu wurumwengu, uwuye kwa Aba, na seji orekoghe ukiwikunda wandu wake wiko wurumwengunyi, ukawikunda wandu hata kutua.

JOHANE 13:1 ပူးပေါင်းရင်းမြစ်များ

MAKATANISHO 8:31

Nerekoghe ngiboilwa ni wurumwengu ghose; ngiboilwa ni wadamu.

JEREMIA 31:3

nerewifutukieghe kufuma kula. Neremkundeghe kwa lukundo lwa kala na kala, niko huwo nadua ngikaia mloli konyu.

MATHAYO 26:45

Niko ukawichea waja wanughi ukawizera, “Mduagha mkilala na kukuhoresha? Olenyi ngelo yameria kuvika, na Mwana wa Mdamu uafunywa kwa wandu wa kaung'a.

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

LUKA 22:53

Iji nerekwanyeghe nenyo Hekalunyi kula ituku ndemoreniwadieghe, ela ihi ni ngelo enyu, nayo ni ndighi ra kira.”

LUKA 9:51

Nao iji matuku ghalighisa gha uo kudwalwa mlungunyi, ukakata shauri eghenda Jerusalemu.

JOHANE 11:55

Idana Ndima ya Pasaka ya Wayahudi erekoghe kaavui, na wandu wengi werejokieghe Jerusalemu, wipate kukuelesha Ndima iyo isevikie.

JOHANE 12:23

Nao Jesu ukawizera, “Ngelo emkasa Mwana wa Mdamu yameria kuvika.

JOHANE 13:29

Wamu wikaghesha wei angu Juda orekoghe ukidwa mfuko ghwa pesa, Jesu odemzera ughuo ivo vindo vikundikagha kwa ndima, angu kewada uneke wakiwa kindo chimu.

JOHANE 13:3

Jesu moni ukimanya angu uja Aba wamnekie vilambo vose mikonunyi kwake, na angu orefumieghe kwa Mlungu, sena uaghenda kwa Mlungu;

JOHANE 13:34

Momu mmbishi namneka inyo: Kundanenyi mmbeni na mmbeni; sa iji koni neremkundieghe, nenyo mkundane woruwo.

JOHANE 14:28

Mwameria kusikira ngimzera, ‘Niaghenda sena nimmburie.’ Ngera modenikunda, kumangu mwaboilwa; kwa kukaia naawuyaghenda kwa Aba, angu Aba ni m'baa kunichumba ini.

JOHANE 14:31

Ela yafwane wurumwengu ghumanye angu namkunde Aba, niko nawuyabonya sa iji koni orenilaghirieghe. Wukenyi difume aha.

JOHANE 16:28

Ini nerefumieghe kwa Aba, ngacha wurumwengunyi; nani idana niaghusigha wurumwengu, na kuwuya kwa Aba.”

JOHANE 17:1

Nao iji Jesu wameria kughora malagho agho, ukazighana aighu mlungunyi ukaghamba, “Aba, ngelo yameria kuvika; mkase Mwana wako, na Mwana wako wori ukukase oho.

JOHANE 17:16

Awo ndewiko wa wurumwengunyi, sa iji koni ini niseko wa wurumwengunyi.

JOHANE 17:26

Nameria kukubonya kumanyike kwawo, nani nichachuria kubonya wokoni, eri ulo lukundo kunikunde nalo lukaie andenyi kwawo, nani nipate kukaia andenyi kwawo.”

JOHANE 17:5

Idana Aba, nikase ini imbiri kwako, kwa ugho wubaa nerekoghe nagho imbiri ya kuumbwa wurumwengu.

JOHANE 18:4

Jesu ukimanya agho ghose gherekoghe ghikimchea, ukawifumia ukawizera, “Nani mumlolagha?”

JOHANE 19:28

Nyuma ya agha, Jesu ukimanya angu maza rose ramerelwa eri maandiko ghikatisho ukaghamba, “Naoma.”

JOHANE 2:13

Ngelo ya Ndima ya Pasaka ya Wayahudi erekoghe yavika kaavui, na Jesu ukajoka Jerusalemu.

JOHANE 6:4

Na ija Ndima ya Wayahudi iwangwagha Pasaka erekoghe kaavui.

JOHANE 7:30

Waja wandu wikakunda kummbwada, ela mndungi nderedimieghe kummbwada angu ngelo yake ndeerevikieghe anduangi.

JOHANE 7:6

Jesu ukawizera, “Ngelo yapo ndeivikie kande anduangi, ela ngelo enyu eko aeni matuku ghose.

JOHANE 8:20

Jesu oreghorieghe malagho agho, iji orekoghe ukifundisha Hekalunyi andenyi ya chumba cha isanduku ja mafunyo. Hata mndungi nderedimieghe kummbwada, angu ngelo yake ndeerevikieghe anduangi.

WAROMA 8:37

Hata! Ela isi dapatire wusimi m'baa nandighi aighu ya iri maza rose kwa wutesia ghwake uo oredikundieghe.

1 WAKORINTHO 1:8

Uo uchamlindia inyo hata kutua, mpate kukaia msewadie ikosa jingi Ituku ja Bwana odu Jesu Kristo.

WAEBRANIA 3:14

Angu deko wangara wa Kristo, ikakaia damazira hata kutua kuja kurumiria kodu kwa imbiri, ingelo ighorwagha,

WAEBRANIA 3:6

Ela Kristo, orekoghe mloli aighu ya nyumba ya Mlungu sa Mwana. Nesi de nyumba yake, ikakaia daghumazira wuwana ghodu, na kumanga andenyi ya isuwirio jedu.

WAEBRANIA 6:11

Na isi dakunde kula umu onyu uwonyere kufunga ndighi uko koni, kwa kukatisha ijo isuwirio hata kutua.

1 PETRO 1:13

Kwa huwu mkaie na nia riko tayari kubonya malagho. Mkaie na akili nicha, mkighusuwiria ghuja mvono ghuchaamchea ngelo ya kufunukulwa kwa Jesu Kristo.

1 JOHANE 4:19

Deko na lukundo, angu Mlungu orezoeghe ukadikunda.

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,