JOHANE 11:54 - Biblia Ilagho Jiboie Kwa Wandu Wose

⁵⁴ Kwa huwu Jesu ndereselieghe worinyi kwa Wayahudi anduangi, ela orefumieghe aho ukaghenda kaavui na kireti, muzi ghuwangwagha Efraimu; ukakaia aho andwamweri na wanughi wake.

JOHANE 11:54 ပူးပေါင်းရင်းမြစ်များ

2 SAMUELI 13:23

Nyuma ya miaka iwi kusia gi, Absalomu orekoghe na ng'ondi rake rikidumbulwa mafuri aja Baalhazori, kuko kaavui na Efraimu; na Absalomu ukawikaribisha wana wa mzuri wose.

2 MALAGHO GHA NGELO 13:19

Abija ukammbinga Jeroboamu ukawada mizi yake; Betheli, na mizi yaro mitini na Jeshana na mizi yaro mitini, na Efroni na mizi yaro mitini.

JOHANE 10:40

Nao Jesu ukaghenda sena kimonu cha moda ghwa Jordani, andu Johane orekoghe ukibaputiza imbiri, ukakaia aho.

JOHANE 18:20

Jesu ukamtumbulia, “Ini nerekoghe ngighora malagho worinyi kwa wandu wose, na kufundisha andenyi ya masunagogi, na Hekalunyi andu Wayahudi wose wikwanagha, hata na jingi sidedie ilagho jingi kivisonyi anduangi.

JOHANE 7:1

Nyuma ya agho, Jesu orekoghe ukimara-mara Galilaya, hata ndereghendieghe Judea anduangi; angu Wayahudi werekoghe wikimlola wim'bwaghe.

JOHANE 7:10

Ela iji waruna wameria kughenda ndimenyi, Jesu moni wori ukajoka; si worinyi anduangi, ela kwa kiviso.

JOHANE 7:13

Ela mndungi ndereghorieghe malagho ghake worinyi anduangi, angu werewiobueghe vilongozi va Wayahudi.

JOHANE 7:4

Angu ndekuwadie mndungi ubonyagha maza kivisonyi sena ukikunda kumanyika. Idana angu kwawuyabonya maza iri, ni nicha kukuwonyere kumoni kwa wurumwengu.”