JOHANE 10:34 - Biblia Ilagho Jiboie Kwa Wandu Wose

³⁴ Jesu ukawitumbulia, “Welee, ndeiandikilo Sharienyi konyu, ‘Ini naghambie inyo mo milungu?’

JOHANE 10:34 ပူးပေါင်းရင်းမြစ်များ

ZABURI 138:1

Nakufunyira chawucha kwa ngolo yapo yose ee BWANA, nawuyabora makaso ghako imbiri ya milungu.

ZABURI 82:1

Mlungu waseria kifumbi chake cha mwandu ghwa mlungunyi; waawuyatanya aghadi ya milungu.

KUFUMA 22:28

“Kusakemdukana Mlungu, hata kusakemmbwasira njowe m'baa wa wandu wako.

KUFUMA 4:16

Uchadedanya na wandu wulalo ghwako na oho kuchakaia sa Mlungu, kumneka agho ufwane kughora.

KUFUMA 7:1

Nao BWANA ukamzera Musa, “Zighana nakubonya oho kukaie sa Mlungu kwa Farao, na mwanyinyu Haruni ukaie mlodi wako.

JOHANE 10:35

Ikakaia orewiwangieghe milungu awo werenekeloghe malagho gha Mlungu (na maandiko ndeghidimagha kuchikanywa anduangi),

JOHANE 12:34

Nao ijo izungu jikamtumbulia, “Isi daghorelwa ni Sharia edu angu Kristo uchadua kwa kala na kala. Yakaia wada oho kughora, ‘Suti Mwana wa Mdamu ujoso aighu?’ Uo Mwana wa Mdamu nani?”

JOHANE 15:25

Ela agha ghakaia, ghaja ghiandikilo Sharienyi kwawo ghipate kukatia, ‘Werezamiloghe ni ini duu.’

JOHANE 8:17

Yaandikilo Sharienyi konyu angu wushuhuda ghwa wandu wawi ni ghwa loli.

1 WAKORINTHO 14:21

Yaandikilo Sharienyi, “Kwa chia ya wandu widedagha viteto va ngenyi, na kwa memu ya waghenyi, nichaghora na wandu awa; ela hata huwo saki, ndewichaanisikira anduangi, waghamba Bwana.”