JOHANE 1:4 - Biblia Ilagho Jiboie Kwa Wandu Wose

⁴ Andenyi kwake Uo korekoghe na Irangi, najo ijo irangi jerekoghe mwengere ghwa wadamu.

JOHANE 1:4 ပူးပေါင်းရင်းမြစ်များ

ZABURI 49:6

awo wikusaghikagha na mali rawo, na kukukasa na wungi ghwa mali rawo?

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ISAYA 42:16

“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MATHAYO 4:16

Wandu awo werekoghe kirenyi, waghuwona mwengere m'baa. Na kwa awo werekoghe isangenyi na kiju cha kifwa, mwengere ghwalangala kwawo.”

LUKA 2:32

Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”

JOHANE 11:25

Jesu ukamzera, “Ini nuo uko kuruka na irangi. Uo unirumiriagha ini, hata ngera wafwa, uchakaia moyo;

JOHANE 12:35

Jesu ukawitumbulia, “Mwengere ghoko andwamweri nenyo kwa ngelo vui eni. Ghendenyi iji muko na ugho mwengere, msecheserelwa ni kira, angu uo ughendagha kirenyi, ndemanyagha andu ughendagha anduangi.

JOHANE 12:46

Ini nachee kukaia mwengere wurumwengunyi, eri uhu unirumiriagha usesigharike kirenyi.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 3:19

Nako kutanywa niko uku: Mwengere ghwameria kucha wurumwengunyi, ela wandu wikachikunda kira kuchumba mwengere, angu mabonyo ghawo gherekoghe ghizamie.

JOHANE 5:21

Angu sa iji koni Aba urukishagha wafu na kuwineka irangi, huwo koni Mwana wadawineka irangi awo uwikundagha.

JOHANE 5:26

Sa iji koni uja Aba uko na irangi andenyi kwake, wokoni wamnekie Mwana kukaia na irangi andenyi kwake.

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

JOHANE 9:5

Iji ini niko wurumwengunyi, neko mwengere ghwa wurumwengu.”

MABONYO GHA WADUMI 26:23

seji suti Kristo utiriro, na seji ukikaia wa imbiri kuruka kufuma kwa wafu, uchaawichilia Wayahudi na wandu wa mbari zima mwengere ghwa kukia.”

1 WAKORINTHO 15:45

Niko huwo ikaandikwa, “Mundu wa imbiri, Adamu, oreumbiloghe ukakaia mundu uko moyo.” Adamu wa kutua ni roho unekagha irangi.

WAEFESO 5:14

Niko huwu ighorelo, “Wuka ee mundu kulalagha kuruke kufuma kwa wafu na Kristo uchakulangalishira mwengere.”

WAKOLOSAI 3:4

Kawona Kristo wawoneka uo uko irangi jedu, niko inyo wori mchawoneka andwamweri nao andenyi ya wubaa.

1 JOHANE 1:1

Agho malagho gherekoghe kufuma kuzoenyi, agho dereghisikireghe, agho dereghiwonieghe na meso ghedu, agho dereghizighanireghe na kughiadada na mikonu yedu; gha ijo Ilagho ja Irangi.

1 JOHANE 1:2

Irangi ijo jerewonyeroghe worinyi, nesi dajiwonie, na kujishuhudia; najo damchilia inyo, ijo irangi ja kala na kala, jerekoghe andwamweri na uja Aba, na kuwoneka worinyi kodu.

1 JOHANE 5:11

Na ughu nigho wushuhuda, kukaia, Mlungu wadinekie irangi ja kala na kala; na ijo irangi jeko andenyi ya Mwana wake.

WUFUNUO 22:1

Niko uja malaika ukaniwonyera moda ghwa machi gha irangi, ghuko sa igho jing'alaa-ng'ala ghufumagha kwa icho kifumbi cha nguma cha Mlungu, na cha uo Mwana wa Ng'ondi na kuidia

WUFUNUO 22:16

“Ini Jesu namduma malaika wapo ughighorie makanisa maza iri. Ini ne wa kivalwa cha Daudi; iyo nyerinyeri ing'alaa-ng'ala ya luma lwa nakesho.”