JOHANE 1:18 - Biblia Ilagho Jiboie Kwa Wandu Wose

¹⁸ Jingi mndungi nderemmbonieghe Mlungu anduangi, ela Mwana wa ititi, uhu uko laghenyi kwa Aba, nuo ummanyishire.

JOHANE 1:18 ပူးပေါင်းရင်းမြစ်များ

KUZOYA 16:13

Nao Hagari ukakukotia moni, “Ni loli nammbona Mlungu sena ngakaiagha moyo odima kujighora iji ilagho?” Nao ukammbanga BWANA uo oreghorieghe nao, “Mlungu Uhu Uwonagha.”

KUZOYA 18:33

Nao BWANA ukaghenda chia yake nyuma ya kudedanya na Abrahamu, na wokoni Abrahamu ukawuya cha kwake.

KUFUMA 23:21

Mkulindie, mumsikire. Msakemlegha; kwa kukaia ni ini namduma; angu ndechaamfuya wughoma agho makosa ghenyu.

KUFUMA 24:10

wikammbona Mlungu wa Waisraeli. Andu orewadirieghe korekoghe seji ni sakafu ya magho gha zoghori gha buluu sa mawingunyi.

MAKATANISHO 8:30

Nerekwanyeghe nao sa fundi wa kazi; nani nerekoghe kuboilwa kwake matuku ghose; ngiboilwa kukanya nao tuli tuli.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

KILILO CHA JEREMIA 2:12

Walilia weke mae kwa wundu ghwa njala na kau; “Mkate na divei ghoko hao?” waghwa achienyi sa wandu wishoghonolo, nawo wafwa mboa mboa mikonunyi kwa weke mae.

MITALO 12:8

Nadaghora nao wushu kwa wushu, worinyi, si kwa kiviso anduangi; nao wawonagha fwana ya BWANA. Kwaki sena msereobuagha kughora kiwiwi aighu ya mdumiki wapo Musa?”

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

LUKA 10:22

Nanekelo vilambo vose ni Aba; hata ndekuwadie mndungi ummanyagha Mwana nani, ela Aba moni, sena mndungi ndemmanyagha Aba nani, ela Mwana moni, na uo ose Mwana uchaamsaghua umfunukuye.”

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 12:41

Isaya oreghorieghe malagho agha angu oreghuwonieghe wubaa ghwa Jesu, nao ukaghora malagho ghake.

JOHANE 13:23

Umu wa wanughi, uo Jesu oremkundieghe, orekoghe wasea kidombo kaavui na Jesu.

JOHANE 14:9

Jesu ukamzera, “Uluma lose dakanya ndekuniichi Filipo? Uo uniwonie ini, wamerie kummbona uja Aba. Kughora wada sena, ‘Kudiwonyere Aba?’

JOHANE 17:26

Nameria kukubonya kumanyike kwawo, nani nichachuria kubonya wokoni, eri ulo lukundo kunikunde nalo lukaie andenyi kwawo, nani nipate kukaia andenyi kwawo.”

JOHANE 17:6

“Nakubonyere kumanyike kwa wandu awa koreninekieghe wurumwengunyi. Werekoghe wako, kukanineka ini; nawo wamerie kujiwada ilagho jako.

JOHANE 3:11

Nakughoria loli, isi dadeda agho dighiichi, na kushuhudia agho dighiwonie, ela inyo ndemghurumiriagha wushuhuda ghodu anduangi.

JOHANE 6:46

Huwo si kughora wei mndungi wammbonie uja Aba anduangi, ela ni uo ufumie kwa Mlungu, nuo ummbonie uja Aba.

2 WAKORINTHO 4:4

Awo ndewidimagha kurumiria, angu mlungu wa wurumwengu ughu wawituwira akili rawo, na kuwighiria wisewone mwengere ghwa Ilagho Jiboie ja wubaa ghwa Kristo; uo uko fwana ya Mlungu.

WUKUMBUSO 4:12

Muwighorie seji BWANA oreghorieghe nenyo kufuma ahoeni modonyi; mkasikira lwaka, ela ndemorewonieghe fwana ingi, modesikira lwaka loni.

WAKOLOSAI 1:15

Kristo ni fwana ya Mlungu usewonekagha, nao ni wa imbiri kuvalwa wa ivo vilambo viumbilo vose.

1 TIMOTHEO 1:17

Idana kwa uo Mzuri wa ngelo rose, useidagha, usewonekagha, Mlungu uekeri, ndejikaie ishima na wubaa kwa kala na kala. Amen.

1 TIMOTHEO 6:16

Uo uekeri nuo uko na irangi jisenonekagha, nao wadakaia andenyi ya mwengere ghusedimagha kusoghoderwa, uo mndungi usemmbonie jingi, hata usedimagha kummbona; kwake uo ndejikaie ishima na kubonya nguma kwa kala na kala. Amen.

JOSHUA 5:13

Nao iji Joshua wavika kaavui na Jeriko, ukawona mndumu uko na lufu imbiri kwake. Ukamghendia na kumkotia, “Welee, oho koko luwaru lodu angu luwaru lwa wamaiza wedu?”

1 JOHANE 4:12

Ndekuwadie mndungi ummbonie Mlungu jingi; dikakundana diweni na diweni, Mlungu uchakaia andenyi kodu, na lukundo lwake luchakatia andenyi kodu.

1 JOHANE 4:20

Mndungi ukaghamba “Namkunde Mlungu,” nao uazamilwa ni mruna, mundu uo ni mtee. Angu uo uzamilwagha ni mruna ummbonagha, ndedimagha kumkunda Mlungu usemmbonagha anduangi.

1 JOHANE 4:9

Kwa chia ihi, lukundo lwa Mlungu lorewonekieghe worinyi aghadi kodu; kukaia, Mlungu oremdumieghe Mwana wake wa ititi wurumwengunyi, eri dipate kukaia moyo kwa chia yake uo.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.