JOELI 3:8 - Biblia Ilagho Jiboie Kwa Wandu Wose

⁸ Nichawiuza wana wenyu wa womi na wa waka kwa wandu wa Juda, nawo wichawiuza kula kwa wandu wa Sheba; ini BWANA naghamba.

JOELI 3:8 ပူးပေါင်းရင်းမြစ်များ

AYUBU 1:15

Waseba wikacha na kudingiria; wikarikaba ng'ombe na punda wikaenda naro; wikabwagha wadumiki kwa lufu; naafufunuka ini moni niekeri nichekughoria.”

ZABURI 72:10

Wazuri wa Tarshishi, na awo wa visiwa, ndewimlipe kodi; na wazuri wa Sheba na Seba ndewimredie manosi.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

JEREMIA 30:16

Kwa huwo awo wimmilie wichamilwa, na wamaiza awo wose wichadwalwa wunyika awo wimkorongagha wichakorongwa, na awo wimmbingagha wichawingwa.

JEREMIA 6:20

Ugho ubani kufuma Sheba niredelwa ghwaki? Na marumba kufuma isanga ja kula? Vizongona venyu vekora sivirumirie, hata siwueboilwa ni vizongona venyu putu.

EZEKIELI 23:42

Ndoghoi ya izungu ja wandu wisetalagha eresikirikieghe kwawo, na wawongeri wereredeloghe kufuma kireti, wikawirusha awo wana wa waka bangili vikotonyi kwawo, na virumbu vighokie vongonyi kwawo.

EZEKIELI 38:13

Wandu wa Sheba na wa Dedani, na wandu wa biashara wa Tarshishi na mizi yawo mitini yose wichakuzera, ‘Welee, kwaachawada vilambo? Kwaatumbanya majeshi ghako eri kucheduka vilambo, na feza na dhahabu, na kudwa ng'ombe na vilambo kwa wungi?’”

WUKUMBUSO 32:30

Kwaki wandu elfu weresimwagha ni mundu umweri, na elfu ikumi kusimwa ni wawi tu? BWANA, Mlungu wawo, wawisighie; Mlungu wawo uwadie ndighi oowilekeria.

WATANYI 2:14

Kwa huwo BWANA ukajokwa ni machu loli-loli aighu ya Israeli, ukawingira mikonunyi kwa awo wandu wewidwa wunyika. Ukasigha wamaiza wawo wiwisime, na kufuma aho, ndeweredimieghe kuwisima wamaiza wawo anduangi.

WATANYI 4:2

BWANA ukawisigha wisimo ni Jabini mzuri wa Kanaani, uo orekoghe ukibonya nguma muzi ghwa Hazori. M'baa wa majeshi ghake orewangwagha Sisera, uo orekoghe ukikaia Haroshethi ya wandu wa mbari zima.

WATANYI 4:9

Niko Debora ukamzera, “Narumiria kughendanya na oho, ela ima ndekuchaapata kukaswa kungi andenyi ya ughu wusimi, kwa kukaia BWANA uchamfunya Sisera kwa muka.” Debora ukawuka ukaghendanya na Baraka cha Kedeshi.