JOELI 3:2 - Biblia Ilagho Jiboie Kwa Wandu Wose

² Nicharikwanya mbari zima, na kusea nawo cha Vololo Etanya. Nichawitanya aho kwa wundu ghwa maza rose wiwibonyere wandu wapo. Wawisasarie wandu wa Israeli aghadi ya masanga gha kighenyi, na kujiwagha isanga japo Israeli.

JOELI 3:2 ပူးပေါင်းရင်းမြစ်များ

2 MALAGHO GHA NGELO 20:26

Ituku ja kana wikakwana Vololo ya Beraka angu weremkasireghe BWANA aho; kwa huwo andu aho kwawangwa Vololo ya Beraka hata linu.

ISAYA 66:16

BWANA uchareda kutanya kwa modo, na lufu lwake luchakaia aighu ya wandu wose wibonyagha kiwiwi, na awo wichaabwaghwa ni wengi.

ISAYA 66:18

Kwa kukaia nariichi kazi rawo na maghesho ghawo, nani nichacha kurikwanya mbari rose ra wandu wa viteto vizima vizima, nawo wichacha na kughuwona wubaa ghwapo;

JEREMIA 12:14

BWANA waghora huwu aighu ya wambao Israeli wose wawiwi, awo wiwadie ifwa ja isanga orejinekieghe wandu wake Israeli jiwuye ifwa jawo: “Ola nichawifunya isangenyi kwawo, na kumvuvua Juda ufume aghadi kwawo.

JEREMIA 25:31

Mrurumo ghwake ghuchafunya lwaka hata kutua kwa ndoenyi, kwa kukaia BWANA oko na mwandu aighu ya iro mbari ra wandu, uchawitanya wandu wose, na kuwibwagha wawiwi kwa lufu.’”

JEREMIA 49:1

BWANA waghamba huwu aighu ya Waamoni, “Welee, Israeli ndewadie wana? Welee, ndena mundu wa ifwa? Kwaki wandu wetasa ghuja mlungu Moleki wingirie isanga ja Gadi, na kukaia andenyi ya mizi yaro?

JEREMIA 50:17

BWANA waghamba huwu, “Wandu wa Israeli weeka sa ng'ondi ridiwagha na kuwingwa ni shimba. Imbiri werejiloghe ni mzuri wa Ashuru, na kutua Nebukadnezari mzuri wa Babuloni ukaododa maindi ghawo.

EZEKIELI 25:8

Bwana MLUNGU waghamba huwu, “Kwa kukaia Moabu waghambie wei wandu wa Juda weeka sa mbari zima rose,

EZEKIELI 34:6

Ng'ondi rapo reresaghisikieghe, rikamara-mara aighu ya mighondi yose, na kula mghondi mlacha; ng'ondi rapo reresaghisikieghe ndoenyi kose, hata ndekuwadie mndungi orerilolieghe anduangi.

EZEKIELI 35:10

“Kwa kukaia kwaghambie wei iri mbari iwi, Juda na Israeli, richawuya rako, na masanga ghawo ghichawuya ghako, hata ngera ini BWANA nerekoghe aghadi kwawo;

EZEKIELI 36:1

“Na oho ee mwana wa mdamu, funya wulodi aighu ya mighondi ya Israeli kughambe, Ee mighondi ya Israeli, sikirenyi seji BWANA ughoragha.

EZEKIELI 36:5

“Ini Bwana MLUNGU naawuyaghora niko na iriso ibaa aighu ya iro mbari ra wandu risigharikie, na Edomu yose, awo wiwusire isanga japo kwa kuboilwa kubaa, wikighora kwa lung'eto wei wajiwusire ijo isanga kwa ndighi.

EZEKIELI 38:22

Nichamtanya kwa saka izamie, na kubwagha; nani nichamnyeshera vua ya magho chiaimweri na masikari ghake, na wandu wengi wikwanye; vua ya magho mbaa, na modo na kibiriti.

EZEKIELI 39:11

“Ituku ijo, nichamneka Gogu andu komrikia andenyi ya Israeli, aja Vololo ya Wacharo, noko cha mashariki ya baharinyi. Andu aho kuchabwagha chia ya wacharo, kwa kukaia Gogu na izungu ja wandu wake wicharikwa aho; nako kuchawangwa Vololo ya Ijeshi ja Gogu.

JOELI 3:12

“Suti mbari zima wikuwike tayari kusea cha Vololo Etanya. Ini BWANA nichasea kidombo aho nipate kutanya mbari rose ra wandu wimarie mbai mbai.

JOELI 3:14

Maelfu na maelfu gha wandu ghakwanyikia andenyi ya Vololo Etanya. Ituku ja BWANA jalighisa kuvika aho.

AMOSI 1:11

BWANA waghamba, “Wandu wa Edomu wabonyere kaung'a sena na sena; kwa wundu ugho nichawikaba. Werewiwingieghe waruna Waisraeli, hata ndewerewiwonieghe wughoma. Machu ghawo ndegherekoghe na kipimo, ghisesiagha.

MIKA 4:12

Ela mbari iri nderimanyagha maghesho gha BWANA. Ndewiwuetambukilwa wei weetumbanywa chiaimweri wipate kukabwa, seji viro viredwagha vipate kusheghwa.

ZEFANIA 3:8

“Kwa huwo weseria ituku niwukagha kushitakia iro mbari ra wandu. Nakatire shauri ekwanya iro mbari na mawuzuri niriwonyere ndighi ya machu ghapo. Ndoenyi kose kuchatoteshwa ni modo ghwa lubio lwapo.

WUFUNUO 11:18

Wandu wa iro mbari werezamiloghe na ndighi; ela ngelo ya machu ghako yavika, na ngelo ya wafu kutanywa; kupate kuwineka mafungu ghawo awo walodi na waeli, na awo wijiobuagha irina jako wose, wabaa na watini; na kwa wundu ghowinona awo wanoni wa ndoenyi.”

WUFUNUO 16:14

Iro ni roho ra pepo ribonyagha weke mwakilimbiti, righendagha kwa wazuri wiko wurumwengunyi kose, na kuwikwanya kwa wundu ghwa wuda ghuchaakaia ijo Ituku ibaa ja Mlungu, Uo Uwadie Ndighi Rose.

WUFUNUO 16:16

Na iro roho rikawikwanya awo wazuri andu kuwangwagha kwa kiteto cha Kiebrania Harmagedon.

WUFUNUO 16:6

Kwa kukaia wandu weredirieghe bagha ya waeli na walodi, na oho kwawineka bagha winyo. Ni malipo ghawo!”

WUFUNUO 20:8

nao uchaghenda ukiwikalia wandu wa mbari rose ndoenyi, awo Gogu na Magogu, upate kuwikwanya kwa wundu ghwa wuda; wandu wengi nandighi sa msangagha ghwa baharinyi.