JOELI 3:18 - Biblia Ilagho Jiboie Kwa Wandu Wose

¹⁸ “Ngelo iyo, mighondi ichachulwa ni mbuwa ra mizabibu, na mighondi mitini ichachulwa ni ng'ombe ra mariwa, isanga ja Juda jose jichachulwa ni machi, dumeda dwaa machi duchakaia dukisea kufuma Hekalunyi ya BWANA, na kunyoshera Vololo ya Shitimu.

JOELI 3:18 ပူးပေါင်းရင်းမြစ်များ

AYUBU 29:6

Mfugho rapo rerekoghe rikifunya mariwa mengi; na mizeituni yapo izoghuye aghadi ya ndoe ra magho-magho, ikanineka mavuda mengi.

ZABURI 46:4

Ghoko moda dumeda dwaro duredagha kuboilwa mzinyi kwa Mlungu, andu kuelie kokaia kwa Uo-Uko-Aighu-Nandighi.

KUFUMA 3:8

niko nasea nipate kuwikira kufuma mikonunyi kwa Wamisri; niwifunye na kuwireda isanga jiboie, ibaa, isanga jinorie nandighi; isanga ja Mkanaani, Mhiti, Muamori, Mperizi, Mhivi, na Mjebusi.

ISAYA 30:25

Ngelo Mlungu uchaachikanya minara na kuwibwagha wamaiza, kuchakaia na meda ya machi ghiidagha kula mghondi m'baa na mtini.

ISAYA 35:6

mkelemeri ucharama-rama sa shaa, na kituri uchabora kwa kuboilwa. Kwa kukaia machi ghichabuka kireti, na ndoria ra machi richakaia andu kuomie;

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

ISAYA 45:8

Reda mishushure kufuma koighu ee mlungunyi, mawingunyi ndekurede vua ya hachi; ndoenyi ndekutambaruke, kukia kupate kuwoneka, na hachi wori ipate kuwoneka; ini BWANA nerevibonyereghe.

ISAYA 55:1

BWANA waghamba, “Okenyi kula mundu uomagha ndeche machinyi; na uo usewadie pesa, ndeche ughuo uje. Choonyi mghuo divei na mariwa, kuseko na pesa angu zoghori.

ISAYA 66:11

Mchaghuda mecha ghake sa mwana uongagha mariwa ghihorie kwa mae; na kuboilwa kufumanya na ugho wungi ghwa wubaa ghwake.

JEREMIA 31:12

Wichacha wikibora kwa lwaka lubaa, aighu ya Mghondi ghwa Sioni; nawo wichaja manori mecha gha BWANA, gha viro, na divei, na mavuda; gha ng'ondi na ng'ombe ngoo, na marangi ghawo ghichawuya sa mbuwa inyoshere nawo ndewichaasowekelwa sena anduangi.

MIKA 6:5

Ririkanyenyi ee wandu wapo, seji Balaki mzuri wa Moabu orem'bonyereghe mpango, na seji Baalamu mwana wa Beori oremtumbulieghe. Ririkanyenyi seji maza rerebonyekieghe kufuma Shitimu hata Gilgali; mpate kumanya kukaia nedebonya huwo nipate kumkira.”

ZEKARIA 14:8

Ituku ijo jikavika, machi ghielie ghenywa ghichadika kufuma Jerusalemu; nusu imu ghichaida na kungia Bahari ya Chumbi na nusu imu Bahari ya Mediterania; gichakaia ghikiida ngelo rose ya kwari na ngelo ya sumesu wori.

MITALO 25:1

Nao iji wandu wa Israeli werekoghe wikikaia Shitimu, wandu wikazoya kulaka aja Moabu.