JOELI 3:17 - Biblia Ilagho Jiboie Kwa Wandu Wose

¹⁷ “Niko oho ee Israeli, kuchaamanya kukaia ini ne Mlungu wako; nadakaia aighu Sioni, ugho mghondi ghwapo ghwa wueli. Jerusalemu ichakaia muzi ghwapo ghwa wueli, na waghenyi ndewichaaghusima sena anduangi.

JOELI 3:17 ပူးပေါင်းရင်းမြစ်များ

AYUBU 15:19

Niwo weni wiekeri werenekeloghe isanga, ingelo mghenyi ungi usereidieghe aghadi kwawo.)

ZABURI 76:2

Nyumba yake eeka Jerusalemu; wadakaia aighu ya Mghondi ghwa Sioni.

ZABURI 9:11

M'borienyi makaso uo BWANA ukaiagha Sioni! Wighorienyi wandu mabonyo ghake!

KUFUMA 16:12

“Nasikira mazughunuko gha Waisraeli. Wizere angu wichaja nyama ngelo ya lumisimisi, na mikate ngelo ya luma lwa nakesho; niko aho mchamanya angu Ini ne BWANA Mlungu onyu.”

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 35:8

Chia mbaa ichakaia aho, nayo ichawangwa “Chia ya Wueli.” Mundu useelie ndechaidiria iyo chia, na wakelu ndewichaalaghaya aho.

ISAYA 4:3

Kula mundu uchaasigharika Sioni na Jerusalemu, uo usaghulo ni Mlungu ukaie moyo, uchawangwa mweli,

ISAYA 46:13

Kukia kwapo nakureda kaavui, hata ndekuko kula, nako ndekuchaamuka anduangi. Nichareda kukia Jerusalemu, na wubaa kwa Israeli.”

ISAYA 52:1

Wuka! Wuka kukurushe ndighi rako ee Jerusalemu; rwaa nguwo rako righokie ee Jerusalemu muzi ghwa wueli. Mndungi useshamishiro angu useelie jingi ndechaangia kwako sena anduangi.

ISAYA 56:7

nichawireda mghondinyi ghwapo ghwa Wueli Sioni, na kuwibonya wikaie na kuboilwa andenyi ya nyumba yapo elombia, vizongona vawo, na vizongona vekora nichavirumiria aighu ya madhabahu yapo, angu nyumba yapo ichawangwa nyumba elombia kwa wundu ghwa mbari rose ra wandu.”

JEREMIA 31:23

BWANA wa majeshi, uo Mlungu wa Israeli waghamba huwu, “Ngelo nichaawiwunja wandu isangenyi kwawo, wichatumia agha malagho sena andenyi ya isanga ja Juda na andenyi ya mizi yawo, ‘BWANA ndeghurasimie ugho mghondi ghwa wueli ghwa Jerusalemu, aho andu kwa wueli ukaiagha.’

JEREMIA 31:40

Vololo yose, andu wafu wirikwagha na andu maivu ghidaghwagha, na mbuwa rose riko hata kamoda ka Kidroni, cha mashariki, ichabonywa ikaie ya wueli kwapo; ugho muzi jingi ndeghuchaachikanywa hata kunonwa.”

EZEKIELI 20:40

Inyo wandu wose wa Israeli, muchanitasa ini aighu ya mghondi ghwa wueli, ugho mghondi ghwapo mlacha ghwa Israeli, ini Bwana MLUNGU naghamba; nenyo mmbose mchanidumikia isangenyi, na aho nichamrumiria na kukaia tayari kuwusa manosi na mafunyo ghenyu gha wueli msaghue kunineka.

EZEKIELI 37:6

Nani nichammbikiria chugha na mighenu, na kufinikira nyama aighu yaro na kummbikiria mrongo; nani nichamfuria miruke, nenyo mchakaia moyo; nenyo mchamanya kukaia ini ne BWANA.”

EZEKIELI 43:12

Ihi niyo sharia ya Hekalu, kiwacha chose kufuma mghondinyi chichakaia cha wueli nandighi. Ola ihi niyo sharia ya Hekalu.

EZEKIELI 44:9

“Kwa huwo, ini Bwana MLUNGU naghamba: Mghenyi ungi useshamishiro hata usenisikiragha, wiko aghadi ya wandu wa Israeli, ndeuchaangia Hekalunyi kwapo anduangi.

EZEKIELI 48:35

Kipimo cheghumara muzi ghose chia rose inya ni meta elfu ikenda, na irina ja ugho muzi kufuma ngelo iyo, ni BWANA-Oko-Aha.”

DANIELI 11:45

Nao uchadunga hema rake ra kiwuzuri ghadi na ghadi ya bahari na ghuja mghondi ghughokie ghwa wueli andu Hekalu ikaiagha. Ela sena uchafwa usepatire mndungi omtesia.”

DANIELI 9:16

Ee BWANA, kwa wundu ghwa mabonyo ghako gha hachi kubonyere kwa wundu ghodu, nakulomba kusighe machu na kubia kwako. Kughuleke muzi ghwako Jerusalemu, ugho mghondi ghwako ghwa wueli. Kaung'a redu na makosa gha weke aba, ghashekerie Jerusalemu na wandu wako wimenyeke na kusholelwa ni wandu wose widimarie chia rose.

JOELI 2:27

Niko inyo Israeli mchamanya kukaia neko aghadi konyu, na kukaia ini BWANA ne Mlungu onyu hata mzima ungi ndeuko. Na jingi inyo wandu ndemchaafushwa waya sena anduangi.

JOELI 3:21

Nichalipa awo wibwaghilo, hata sichaawifuya wughoma. Kwa kukaia ini BWANA nadakaia Sioni.”

MIKA 4:7

Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”

NAHUMU 1:15

Wona mdumwa waawuyacha aighu mghondinyi na malagho mecha; waawuyachaghora malagho gha wusimi! Bonyenyi karamu ee wandu wa Juda, mumneke Mlungu ivo moremlaghirieghe; mmbiwi ndechaakaba isanga jako sena, oosimwa putu.

ZEKARIA 8:3

Nichawuya Jerusalemu nikaie aho muzi ghwapo ghwa wueli. Jerusalemu ichamanyika sa muzi ghwa wuloli, na mghondi ghwa BWANA Uwadie-Ndighi-Rose ghuchawangwa mghondi ghwa wueli.

WUFUNUO 21:27

Ela kindo chingi chiseelie ndechichaangia andenyi yaro, hata mundu ubonyagha maza rizamie angu ughoragha tee; ela awo wandu weni wiandikilo andenyi ya chuo cha Mwana wa Ng'ondi.